SMEDSTAD

Vi har gleda av å presentere Smedstad Byggetrinn 2, no med husbankfinansiering!

Byggetrinn 2 består av husa Markant og Karakter og rommar 15 nye leilegheiter samt eit trapperom med heis. Dersom du er ute etter ei penthouseleilegheit må du ikkje gå glipp av den siste og spektakulære leilegheita Funky 43. Prosjektet ligg i Angedalsvegen, med kort veg til sentrum, barnehagar, skular, matbutikk og sentralsjukehus. Tomta ligg strategisk til og har sol omtrent heile året. Leilegheitene i Markant og Karakter har store terrassar der ein kan nyte mykje ettermiddags- og kveldssol (Sjølvsagt litt ulikt ut i frå beliggenheit på bygga. Kontakt utbyggar dersom du ønskjer å sjå nærmare på dette).

Prosjektet er nøye planlagt, med mange flotte fellesområder.
Med på kjøpet får du ein stor takterrasse på Byggetrinn 1, to gjesteleilegheiter dersom ein skulle trenge fleire sengeplassar, samt Oskars Hage - med sine mange lune og skjerma område, kan du vere sikker på å nyte sommardagen ute. Ein del av tomta er omkransa av ei lita grov som munnar ut i elva Anga. Det blir opparbeida ein tursti kant i kant med Grova der ein kan ane lyden av bekkesildring, eller studere småfiskane som lev her.

Med sentral plassering, høg standard og spennande arkitektur er Smedstad eit bustadprosjekt som vil treffe mange ulike kjøpargrupper. Smedstad skal vere ein plass der man kan få både i pose og sekk; kort veg til sentrum, kort veg til kvardagen og kort veg til roen. Vi har lagt vekt på praktiske og funksjonelle løysingar med ein god porsjon komfort. Her får du leilegheiter med store vindauge, romslege sørvestvendte terrassar og gode planløysingar. I tillegg til dette vil du få vere med å setje preg på din nye heim innanfor gitte rammer.

Smedstad er utforma med utgangspunkt i eit ønske om å lage eit variert utval leilegheiter. Vi har leilegheiter for deg som skal inn på eigedomsmarknaden for første gang, for deg som ynskjer å kvitte deg med einebustaden, og for deg som skal bu åleine eller saman med fleire.

Beliggenhet

Smedstad er eit moderne leilegheitsprosjekt som ligg tett opp mot Anga ved innkøyringa til Grovene. Set du pris på byens mange tilbod, men ynskjer å bu i rolege omgjevnader? Då er Smedstad plassen for deg.

På aksen mellom sentrum og sjukehuset finn du den beste plasseringa om du ynskjer gangavstand til alt Førde kan by på. Dei fleste som bur her går eller syklar til jobb og fritidstilbod. Her er det kort avstand til Førdes største arbeidsplass og dei ulike skulemiljøa, kulturhuset Førdehuset, idrettsparken på Hafstad og sentrumskjerna med alle tilbod og tenester. Om du skal shoppe, trene, gå på fjellet eller på kafé er alt innan rekkevidde.

Frå Smedstad kan du ta spontanturar med vennegjengen til sentrum, eller samle tankane åleine på ein roleg kveldstur rundt Bruene. Moglegheitene for korte og lengre fjellturar finn du like om hjørnet - Valet er ditt!

Garderobe-fasiliteter

Det blir levert 1 meter garderobeskap pr. meter sengeplass med kvite og slette dører.

Skyvedørsgarderobar i soverom, entrè og bad er stipla inn for å illustrere plassforhold, men er ikkje med i leveransen.

Garasje/parkering

Det er sett av 31 parkeringsplassar på Smedstad der 16 plassar er i eigen parkeringskjellar, og 15 er plassert utvendig med innkøyringa til prosjektet. Kvar leilegheit disponera ein (1stk.) parkeringsplass.

Kvar parkeringsplass i parkeringskjellar kostar kroner 300 000,- og er tildelt ulike seksjonar. Dersom ein skulle ønskje innvendig parkering til ei leilegheit som ikkje står oppført med parkeringsplass, må ein ta kontakt med meklar for å høyre om der er nokon ledige. Funky 43 og Funky 45 har ein innvendig parkeringsplass og ein utvendig.

Veggar, søyler og himling i garasjekjellar blir i hovudsak levert med støvbunden betongoverflate. Det kan førekomme synlege avløpsrøyr, ventilasjonskanalar, elektriske kablar osv., på veggar og i himling. Det vert levert garasjeport med fjernstyrt opne- og lukke funksjon. Utvendig parkering blir levert ferdig asfaltert.

Det vert tilrettelagt for ettermontering av ladesystem for El-bil, der ladar må kjøpast som tilval hjå elektrikar. I etasjefordelarane er det plass til sikring for elbilladar. Maks 3,7 kW pr. bil om alle skal ha uttak. Det vert lagt fram kabel og montert bakplate klargjort for Easee Charge ladeboks for 16 plassar i garasje. For utvendige parkeringsplassar har vi medteke 7 stk. 2-vegs Easee Base stolpar med 2 stk. bakplate på kvar stolpe. Det er medteke totalt 30 stk. bakplater for Easee Charge ladeboksar. Det vert levert med felles administrasjonsprogram for Easee Charge ladeanlegg.

Det blir sett av 26 sykkelplassar under tak på venstre side av innkøyringa til tomta( sjå situasjonsplan). Resten av sykkelplassane er tenkt plassert på eiga sportsbod.

Konstruksjon

Bygget vert oppført med berande konstruksjonar av betong og stål, samt skilleveggar mellom leilegheitene i betong. Ytterveggar vert oppført med tre. Etasjeskilje levert som hulldekke. Toppetasjen vert oppført med berekonstruksjonar, ytterveggar og tak i tradisjonelt bindingsverk i tre. Tak blir folietekka med duk.

Balkonger/terrasser/uteplasser

Dei fleste leilegheitene får eigen godt skjerma terrasse med utsikt. Leilegheiter med balkong-dekke i betong leverast ubehandla. Balkongar med konstruksjon av tre blir folietekka og får royal impregnerte terrassebord i fargen grå. Dei fleste balkongar blir levert med glassrekkverk og handlist i pulverlakkert stål.

Organisasjonsform

Bueiningane vil bli organisert som sjølveigande leilegheiter i eigarseksjonssameige.

Prisinformasjon

Utbyggar tek atterhald om retten til å endre prisane på uselde leilegheiter utan varsel.

Betalingsbetingelser

Ved kjøp av leilegheit gjeld følgjande betalingsplan til meklars klientkonto:

30% ved oppstart betongarbeid
30% ved tett hus
30% ved klart til maling
10% ved overtaking

Dersom forskot på meklars klientkonto skal utbetales til utbygger vil det bli stilt garanti for kronebeløpet iht. bustadoppføringslova §47.

Salgsbetingelser og kjøpetilbud

Leilegheitene seljast i utgangspunktet til bod over prisanntyding. Dette så framt bodet er utan atterhald og har bankreferanse som kan bekrefte finansiering. Alle bod må leggast fram skriftleg til meklar med akseptfrist til kl. 12.00 neste verkedag etter at bod er levert. Bod som ikkje oppfyller kravet til skriftlegheit og akseptfrist, kan avvisast av meklar. Dersom det er fleire interessentar som har registrert si interesse for den same leilegheita, vil desse varslast ved registrering av bod. Bod varslast med SMS eller e-post der gjeldande interessentar får anledning til å legge inn høgare bod innan akseptfrist. Krav til skriftlegheit gjeld også ved auking av bod og motbod, samt aksept eller avslag frå seljar. Før formidling av bod til oppdragsgjevar skal meglar innhente gyldig legitimasjon og signatur frå bodgjevar. Kravet til legitimasjon og signatur er oppfylt for bodgjevarar som nyttar e-signatur, som for eksempel BankID eller MinID. Med skriftlege bod meinast også elektroniske meldingar som e-post og SMS når informasjonen i desse er tilgjengeleg også for ettertida.

Det eksisterer ingen angrerett ved sal/ kjøp av fast eigedom. Når eit bod er innsendt til meklar og han har formidla innhaldet i bodet til seljar, kan bodet ikkje kallast tilbake. Bodet er då bindande for bodgjevar fram til tidsfrist for akseptfrist, med mindre bodet før denne tid blir avslått av seljar eller bodgjevar får melding om at eigendommen er seld til ein anna (ein bør derfor ikkje gje bod på fleire eigendommar samtidig dersom ein ikkje ønskjer å kjøpe fleire enn ein eigedom). Seljar står fritt til å forkaste eller akseptere eitkvart bod, dette gjeld også bod over prisanntyding. Når ein aksept av eit bod har kome fram til bodgjevar innan tidsfrist for akseptfrist, er det inngått ein bindande avtale. Dette gjeld også ved kjøpars aksept av motbod frå seljar.

Tomt

Prosjektet har hatt mykje fokus på kvaliteten til uteområda. Kvar leilegheit får sin eigen private balkong eller terrasse. Dei største leilegheitene har begge delar og eigen vinterhage.

"Oskars hage" er eit nytt og innovativt fellesområde i hjartet av Smedstad. Hagen er frodig og privat med adskilde sittegrupper som innbyr til rekreasjon og sosialt samvær. Omkransa av blomsterkassar og mellomhøge spileveggar, vil dei forskjellige sonene danne eit innbydande friområde. Vi har satt opp nokre leikeapparat og ein pergola med plass til langbord og koselege grillkveldar for store og små. Her kan du lese ei god bok eller møte favorittnaboen over ein kopp kaffi.

Oskars Hage blir levert med variert utval av uteplantar og vil bli endeleg bestemt undervegs i prosjekteringa. På dekket blir det levert betongheller, møre royal terrassebord, samt støpt fallunderlag på leikeområdet. Deler av betongkantar blir kledd med kledningsbord eller spiler frå Møre royal. Nokon skjermveggar blir sett opp for å dele inn i mindre private soner. Det følgjer med "leikevippe" for små barn samt ein liten karusell. Elles er det mogleg for sameige å kjøpe inn andre leikeapparat for å ha på leikeområdet om ønskeleg.

Mellom Kontur og Neksus. opp trappa frå tredje etasje vil du møte ein solrik, luftig og felles takterrasse. Her kan du invitere vener på besøk for å nye sola og utsikta frå taket.

Takterrassen får rekkverk i delvis glas og tre med handlist i pulverlakkert stål. Terrassedekke er av Møre royal terrassebord i fargen grå. Terrassen og Oskars Hage blir levert utan utemøbler, det vert opp til sameiget å kjøpe inn lause møblar. Av møblering utandørs blir det levert sitjebenkar langs Tverrgrova. Grøntareal rundt bygga blir planert og isådd grasfrø.

Det vil bli levert noko utelys frå utbyggar.

Oppvarming

Alle leilegheitene får vassboren golvvarme i romma; stove, kjøkken, tv-stove, og entre. Golvvarmen vert regulert av romtermostater som kjem frå fellesanlegg. Det blir montert varmepumpe som tek varme frå uteluft. Kvar leilegheit får måler som syner forbruksvatn. I tillegg vil der bli levert varmekablar i bad og vaskerom.

Ein moderne bustad, godt isolert og med vindtett konstruksjon, er designa for å redusere behovet for oppvarming. Ein konsekvens av dette kan bli at bustaden blir overoppheta på spesielt varme dagar. Overoppheting kan bli redusert til eit komfortabelt nivå ved å gjennomlufte bustaden via opningsvindu. Om det ikkje er ønskeleg, kan bustaden utstyrast med utvendig solavskjerming. Om du ønskjer kan du be om tilbod på utvendig solavskjerming frå utbyggar.

Energimerking

Leilegheitene variera mellom energikarakter A og B, der C er dagens krav etter TEK17. Om du ønskjer meir opplysingar kan du be om å få utdelt energiattest hjå seljar.

Sentrale lover

Dersom kjøpar er forbruker seljast leilighetene etter vilkår i Bustadoppføringslova.

Vedtekter

Det er ein føresetnad for etablering av sameiget at seksjonseigarane godtek standard vedtekter utarbeida av BOB ved konstituering av sameiget. Kjøpar forplikter seg til dette ved kjøp av leilegheit i prosjektet.

Adgang til utleie

Dette er sjølveigande leilegheiter som fritt kan leigast ut.

Hvitvaskingsregelverk

Eigedomsmeklar er underlagt lov om kvitvasking og er forplikta til å rapportere til Økokrim om mistenkelige transaksjoner. Lov om kvitvasking inneber og strenge reglar om kontroll av legitimasjon fra alle parter i handelen, herunder, seljar, kjøpar og fullmektige for desse. Dersom eigedomsmeklar ikkje får utført slik kontroll, har eigedomsmeklar plikt å avstå ifrå å gjennomføre oppdraget/handelen.

Fremdriftsplan og ferdigstillelse

Prosjektet er igangsatt og forventet ferdigstillelse er ila. 2. kvartal 2024.

Forventa byggetid er 15-18 månader etter oppstart betongarbeid. Dette er kun stipulert og faktisk ferdigstilling kan avvike frå dette. Med dette vil overlevering seinare enn dette tidspunkt ikkje gi kjøpar rett på dagmulkt eller andre misleghaldsforføyingar.

Ca 6 månader før bustaden er klar vil kunden få orientering om månad for overtaking. Ingen av desse tidspunkta er avtalt overtaking ihht. buofl §10. Åtte veker før overtaking vil kjøpar få varsel om overtakingsdato. Denne dato er og ansjå som avtalt overtakingsdato.

Ferdigstilling og overlevering av bustadane og fellesområde til sameige vil skje trinnvis. Med dette må også kjøparar rekne med byggjeaktivitet og anleggsverksemd med naturlege konsekvensar av dette ei tid etter at ein har teke over bustaden.

Kjøkken

Standard kjøkken frå HTH av typen Focus ZP med lakkert front. Benkeplate vert levert i standard laminat med rett kant. Ventilator går utanom ventilasjonsanlegg der det er mogleg. Skåp vert levert tilrettelagt for integrerte kvitevarer utanom kjøleskåp. Vegg mellom benk og overskåp vert levert i målt utføring. Kvitevarer som oppvaskmaskin, induksjon platetopp, komfyr og kombinert kjøl-/fryseskåp er inkludert i leveransen.

Det er utarbeida eigne kjøkkenteikningar frå leverandør med moglegheit for individuelle tilpassingar og endringar av frontar, benkeplate m.m mot pristillegg. Det kan ikkje påreknast at ein kan flytte posisjonar for installasjonar som krev tilkopling av vatn, avløp eller straum.

Bad

På bad blir det levert baderomsplater på veggane frå Fibo av typen Legato 110 kvit matt utan flismønster, eller tilsvarande prisklasse. På golvet blir det levert keramisk flis i 20x20cm størrelse.

Standard baderomsinnredning av typen Hilde kvit matt frå Linn-bad med Balder porselensservant. Hilde speil med alu.ramme og LED-belysning føljer størrelsen på innredninga samt eit-greps blandebatteri.
Baderomsinnredning leverast i følgjande størrelsar:
80cm til 2-roms leilegheiter
100cm til 3-roms leilegheiter
120cm til 4-roms leilegheiter

På bad vert det levert; Vegghengt toalett, servantskap med heildekkande vask, 90 x 90 cm dusjveggar, dusjsett med dusjhovud og blandebatteri og opplegg for vaskemaskin.

Andre oppholdsrom

I leilegheitene blir det levert golv i høgtrykkslaminat frå Berry Alloc, i serien Grand Avenue med ekstra breie "plankar" 1845x244x10.

Innvendige vegger i leilegheitene produserast som isolert reisverk i stål eller tre. Veggar i stove og kjøkken vert levert med målte gipsveggar som blir sparkla, pussa og får deretter påført grunning og måling. Resterande rom utanom bad blir levert med ferdigmålte plater av typen Huntonit Microfuge i fargen Frost.

Tak og veggar som vert levert med gips og måling vert levert med glans 03 i tak og 07 på veggar. Tak på bad behandlast med våtromsmåling i glans 20. Det vil vere mogleg å velje 1 standard fargar på veggane som blir gjennomgåande for heile leilegheita, elles kan du gjere tilval for å få den fargen du ønskjer.

Det blir levert slette karmlister 12x058 mm og vindu- og dørfòringar i furu, ferdig fabrikkmalt frå leverandør. Golvlister blir levert i størrelsen 14x060 mm og følgjer golvfargen. Alt av listverk blir levert med synlege spikarhol. Himlingar i stove/kjøkken og gang blir levert listefritt, resten av romma blir levert med taklist av typen enkel skygge i størrelse 21x034mm.

Fasade

Fasadar er i hovudsak kledd med malt kledning og får elles innslag av murpuss og platekledning.

Yttertak

Tak blir folietekka med duk.

Ventilasjon

For oppvarming og ventilering av leilegheitene blir det levert avtrekksvarmepumper med vassbåren golvvarme med termostat. Avtrekksvarmepumpa gjennvinner energi via avtrekkslufta, supplert med elektrokolbe, og gir bustaden varme, varmtvatn, balansert ventilasjon og forvarma til-luft. Alt integrert i ein modul. Anlegget blir montert i innvendig bod, og kvar bustad får sitt eige anlegg. Luftinntak til avtrekksvarmepumpa blir i hovudsak i yttervegg på terrasse etter nærare detaljprosjektering.

Til-luft til soverom, gang og stove og avtrekk frå kjøkken, bad og bod. Innvendige dører vil få flat terskel med spalte for fri luftstraum.

Ansvarlig megler

Raymond Sandøy