Stor møblert enebolig til familie eller bufellesskap

Møblert einebustad i god stand i Fardal, 6 km frå Sogndal og 13 km frå Hermansverk, til leige. Huset er eigna for ein familie eller eit bufellesskap. Huset ligg rett ved sjøen med tilgang til strand. Det er god parkering til fleire bilar. Totalareal på huset er ca. 160 kvadratmeter, og delar av huset er nyoppussa. Det er varmepumpe i stova. 50 Mbit fiberinternett er inkludert i leiga. Det er eigen hage med eple-, pære- og plommetre. Alle rom har store vindauge med flott utsikt til fjord og fjell. Kjellaren kan etter avtale brukast til oppbevaring av til dømes syklar og ski.

Område: Nærområdet byr på flotte turmoglegheiter både til fots og på ski. Svært tilgjengelege bademoglegheiter ved eigen strand.

Huset er godt støyisolert og har godt ventilasjonsanlegg.

Huset er praktisk med kjøkken, bad, stove og bod i 1. etasje. Det er fire store soverom i 2. etasje. Badet har god standard med vaskemaskin og tørketrommel, dusj og dobbel vask. Kjøkkenet er i eldre stil med nytt stort kjøleskåp, komfyr og integrert oppvaskmaskin. Til kjøkkenet høyrer det ein praktisk matbod med god plass. Eigen kjøkkeninngang. Kjøkkenet har grunnleggjande kjøkkenutstyr: kaffitrakter, vasskokar, bestikk, tallerkenar og reiskap.

Stor stove: Her er det to sofagrupper med salongbord. I tillegg er det eige spisebord med god plass til seks personar. Dør ut til balkong. Oppvarming med effektiv varmepumpe. 55" smart-TV.

Bod: 12 kvadratmeter i 1. etasje med frysar.

Huset har seriekopla brannvarslarar i alle rom.

Einskilde møblar kan avvike frå bileta, då forrige leigetakar hadde delvis eigne møblar.

Det er mogleg å vere fleksibel på kva dato ein ønskjer å leige frå.