Nyoppført, moderne og innhaldsrik hytte med stor tomt - Svivkollen hyttefelt

Beliggenhet

Visningar!

Ta kontakt så ordnar vi privat visning.

Om Naurak - Svivkollen hyttefelt

Svivkollen hyttefelt ligg idyllisk til på Naurak i Nissedal kommune, på vestsida av Nisser. Frå hyttefeltet er det flott utsikt utover tuna på Naurak, Nisser og omkringliggande terreng og fjell. 

Målet til Svikollen hyttefelt AS er å tilby draumetomter i eit tradisjonelt landskap og moderne hytter med harmonisk og gjennomført stil.
For landskapets del er målet å gjere minimale inngrep slik at tomtene og terrenget blir mest mogleg naturleg. For å få til dette er det mellom anna regulert inn tre ulike hyttetomt-typer, der det kan byggast hytter som er tilpassa terrenget på kvar tomt. 
Svivkollen hyttefelt AS har engasjert Snøhetta, Dronninga landskap og Planhuset for utarbeiding av ein spennande reguleringsplan, med eit gjennomført estetisk uttrykk. 

Naurak har mykje å by på av opplevingar gjennom alle årstider. Frå hyttefeltet er det allereie merka turløyper og det er planlagt fleire løyper. 
Vinteren 2018 kom det istand skiløyper som startar frå hyttefeltet og går om lag 4 km innover i terrenget, tråkka med tråkkemaskin. Det er også regulert inn område for skibakke med taugtrekk/skiheis i tilknyting til hyttefeltet.
I nærleiken av Naurak kan me anbefale Kronfjell, Allambergknatten og Langfjell som turmål. Frå toppane er det fantastisk utsikt utover Nisser, snaufjellet og Fyresdalsheiane. Er du heldig kan du skimte havet på klåre dagar.

Bare eit steinkast frå hyttfeltet ligg innsjøen Nisser. Namnet Nissedal kjem frå innsjøen Nisser. På sommarstid er Nisser heilt fantastisk å opphalde seg ved. Nisser er den største innsjøen i Telemark, og er eit dominerande landskapsmerke med innbydande sandstrender og svaberg omkransa av blankskura, høgreiste fjell. 
Det er bryggjeanlegg med båtplassar til leige i umiddelbar nærleik til hyttefeltet.

Generelt

Dette er ei nyoppført og nøkkelferdig høgstandardhytte av type Lysthus 120 frå Rindalshytta. Hytta er teikna av industridesigner Ole Petter Wullum. 
Hytta har store vindaugsflater i opphaldsrom som gjev gjennomljos og gjev deg nærleik til naturen. Dei store vindaugsflatene har skyvedørar med direkte utgang til svalgangar og uteplassar, som bidreg til at terskelen mellom inne og ute viskast ut.
Lysthus er ei moderne hytte/fritidshus som er prega av enkle former og tilpasning til terrenget. Det er bruka material av høg kvalitet på hytta.

Adkomst/Tomteforhold

Adkomst

Frå Treungen sentrum er det 7 kilometer til Naurak. Køyr over Treungbrua og ta deretter til høgre mot Fjone. Sjå også vedlagt kart.

Tomteforhold

Tomta er hovudsakleg ei naturtomt med lyng og blåbærskog. Tomta ligg i eit relativt flatt terreng og er plassert i enden av hyttefeltet.
Hyttetomta er stor og er på om lag 1.500 m2. 

Areal

Lysthus 120

• BRA 88 m2 
• BYA 119,7 m2 
• Hems 2 x 26,6 m2 

Parkering

Parkeringsplassen er romsleg med god plass til parkering. Innkøyrsel og tun/parkeringsplass er opparbeida med grus. 

Regulering

Eigedomen er regulert til frittidsføremål.

Innhold

Entre
Entreen er 2,1 m2 og er godt utnytta med plass til garderobe. 

Kjøkken/ stove
Kjøkkenet og stova er på 53,3 m2 og er samlingspunktet i hytta. Her er det rom for trivsel og rekreasjon i eitt med naturen. Skiljet mellom inne og ute blir minimalt med store vindaugsflater i terrassedørene og vindauga. Det er godt med naturleg ljos i desse romma. Kjøkkeninnreiinga er frå Epoq, frå serien Trend Blue med kjøkkenøy. Det er godt med oppbevaringsplass i kjøkkenet. Elles er det integrert komfyr, induksjon platetopp, kjøleskap, oppvaskmaskin, mikrobølgeomn og vinkjølar. Kjøkkenet er romsleg med god plass til spisebord og gjester. Frå kjøkken/ stove er det utgang til terrassen via skyvedører. Stovedelen har god plass til stovemøblar og også i denne delen er det skyvedører ut til terrassen. 

Garderoberom
I tilknyting til kjøkken/ stove og soverom er det eit praktisk garderoberom.

Toalett/wc
I tillegg til bad er det eit eige toalettrom med wc og enkel handvask med skap under.

Bad
Badet er på 5,1 m2 og er ljost og romsleg med dusjhjørne, veggmontert wc frå Porsgrund bad og lekker baderomsinnreiing frå GB Group. Baderomsinnreiinga er 120 cm breidd og har godt med plass. Over innreiinga er det eit spegelskåp. På badet er det opplegg for vaskemaskin.

Soverom
Det er tre soverom i hytta, eitt på sørenden og to på nordenden. Det største soverommet på sørenden er på 10.8 m2 og har god plass til dobbeltseng og garderobe.
Soveromma på nordenden er noko mindre, men dei har også god plass til soveromsmøblar. 

Hems
Det er to hemsar i hytta, og kvar hems har om lag 27 m2 i golvareal. Trapp opp til hemsen over soveromma i nordenden har tette trinn i ubehandla furu og gavlveggen har tett vegg av panel

Hemsen i sørenden har hemsstige. Hemsstigen har glidebeslag, og gavlveggen mot kjøkken er open med spiler. 

Svalgang/terrasser
Langs store delar av hytta er det svalgang, samt at det er lagt terrasse med impregnerte golvbjelkar og 28x120 terrassebord.

Standard

Det er gjennomgåande moderne stil på hytta der alle veggar utanom bad har panel frå Rindalslist, med farge steingrå.
På badet er det to veggar som er flislagt. 
Alle himlingar er kledd med panel frå Rindalslist med farge kalkkvit. 
På bad, toalettrom, gang og bod under trappa er golvet flislagt og har varmekablar. Golvet på hemsane har heiltre av furu. I resten av hytta er det heiltre av eik på golva.

Det er innlagt vatn, avløp og straum i hytta.

Konstruksjon
Hytta er oppført på isolert betongplate på mark som er fylt opp med pukk og steinmasser. Skilleveggar har bindingsverk av tre. Taket har saltakkonstruksjon med sperrer. Taksperrene avsluttast ved yttervegg slik at desse ikkje blir synlege under takutstikket. Det er god tetting i overgang mellom vegg og tak. Taket er tekt med royalimpregnert setersvart tretak. Ved takfoten er det spesialtilpassa takrenner innkledd med royalimpregnerte bord, slik at dei synast å vere ein integrert del av taket. Det er runde nedløp i ljos grå farge. Ytterveggar har royalimprignert setersvart dobbeltfalsa kledning. Det er ståande kledning i ytre veggsjikt, men liggande kledning med naturell royalolje i svalgangar og inntrekte veggparti.

Oppvarming

Elektrisk og vedfyring. Det er montert vedomn i kjøkken/stovedel, og varmekablar i entre og bad.