Leilegheit Prestestegen 5, Stryn

Beliggenhet

Seksjonssameige held til i Villa Visnes/Hotel Central som er eit verna bygg som ligg i Prestestegen 5 på Visnes omtrent 1 km vest for Stryn sentrum. Bygget ligg like ved E39 mot vest, kommunal veg mot nord og bebygd og ubebygd bustadareal mot aust og sør. Det er fin utsikt mot fjorden og fjellheimen. Det er gangavstand til sentrum, tur- og rekreasjonsområde på Visnes og fjorden/båthamna.

Beskrivelse

Vi har for sal ei 3- roms leilegheit i 2. etg. i seksjonssameiget Central Apartments i Prestestegen 5 i Stryn i Villa Visnes, ca. 1 km vest for Stryn sentrum. Sameige består av 10 moderne leilegheiter, samt ein næringsseksjon som er ein flott storsal (Kong Oscars Hall) med tilhøyrande kjøkken og inngangsparti og som kan leigast av bebuarane eller av andre. Leilegheita ligg i austfløyen av bygget med hovudfasade mot sør. Leilegheita inneheld stove/kjøkken i opa løysing 38m2, to soverom 15,9 m2 og 23,0 m2, bad/vaskerom 8,7 m2, vindfang/entre 11,4m2 og to kott. Frå stove/kjøkken er det utgang til stor sørvendt overbygd terrasse. Seksjonen disponerer bod i fellesareal i kjellaren og parkeringsplass på gardsplass. Alle leilegheitene i sameige vart bygningsmessig totalrenovert i 2015-2016 og framstår i moderne preg samtidig som mange av dei gamle detaljane er tatt vare på slik som høge vindauge og stor takhøgd som bidreg til å gjere romma lyse, luftige og elegante.

Villa Visnes er eit verna bygg som i hovudtrekk fekk si noverande utforming i 1895 etter ombygging av eit eldre hus. Bygget fekk då eit karakteristisk hjørnetårn i fire etasjar og utsmykking i fasaden med drageutforming. Frå ca. 1907 vart bygget nytta til hotell. Etter krigen kjøpte Stryn kommune bygget og nytta det til husmorskule. I seinare tid har bygget vore i privat eige og brukt til turistformål/ selskaps lokale før det i 2015-2016 vart ombygd til leilegheiter. 

AREAL: Leilegheita har primærrom på 104 m², bruksareal 1 6m², bruttoareal 120 m². Alle rom er primærrom med unntak av 2 kott. Terrasse- og balkongareal 11 m². 

UTSTYR/STANDARD: Vestland fylkeskommune har mellombels freda bygget, Hotel Central/Villa Visnes, med heimel i kulturminnelova § 22 nr. 4, jf. § 15. Fredinga omfatta heile bygningen med eksteriør, hovudkonstruksjon og matsal (Kong Oscars hall). Konsekvens for fredingsvedtaket: Bygget kan ikkje rivast, heilt eller delvis og alle endringar og/eller inngrep utover vanleg vedlikehald skal godkjennast av Vestland Fylkeskommune. Ein konsekvens av vedtaket er at matsalen (Kong Oscars Hall) ikkje kan endrast eller byggast om til leilegheit utan løyve frå Vestland Fylkeskommune.

Utvendig standard: Grunnmur av betong/sparebetong. Ytterveggar av tømmerkonstruksjon, ca. 20 cm isolasjon, ytterkledning av liggande dobbelfalsa profilert trepanel. Sperretak med taktekking av skifer,  Måla vindauge med 3- lags ruter med gjennomgåande sprosser. Måla hovudytterdør, 3-lags glasmåla balkongdør i tre. Seksjonen har eigen altan ca. 11,2m², overbygd, med rømningsstige til terreng, som eigen rømningsveg frå eiga bueining. Bygget består av totalt 4 etasjar med totalt 10 leilegheiter og felles festsal i 1. etg. Det er tilbygd heis og trapperom i betong på baksida av bygget. Fasaden var pussa opp/renovert i 2018. Ved renovering i 2015-2016 vart det lagt nye vass- og avlaupsleidningar og ny septiktank og oppført heishus.

Innvendig standard: Etasjeskilje av isolert trebjelkelag, trinnlydplater og ned-fora himling med lydbøylar og gipsplater, anlagt som brann- og lydisolert skilje. Skiljeveggar  mot til støytande leilegheiter oppført som brann- og lydisolert skilje med doble isolerte treveggar med dobbel gips.

Innvendige overflater: Innvendig er det 3-stavs parkett på alle golv og flis på golv på bad. Det er tapet på gipsveggar. Himlingar består av måla gipsplater i taket.

Stove/Kjøkken: Kvit Sigdal kjøkkeninnreiing med flisplater over laminert benkeplate, integrert komfyr og induksjonstopp, stålvask, opplegg for kjøl/fryseskåp/oppvaskmaskin, komfyrvakt. Kjøkkenventilator med avtrekk ut. Kjøkkenet har opa løysing mot stova. Parkett på golvet og to herskapelege dobbeldører som kan opnast ut til romsleg terrasse. Stova er romsleg og har store vindauge som gjev mykje lys.

Våtrom/Bad: Lyst og fint bad med kvit baderomsinnreiing med skuffer og nedfelt vask. Badet har flis på golv og baderomsplater på veggar, praktisk vegghengt toalett og dusjhjørne med innfellbare dusjdører. Varmekablar i golv. Måla innvendig tak med LED-spottar. Opplegg for vaskemaskin og VVB.

Soverom: Begge soveromma har god takhøgde og høge vindauge som gjev mykje lys og gjer soveromma elegante og innbydande med lyse tonar.

Anna: Trinnløysing opp frå entredør, lakkert tretrapp med 3 trinn. Måla fyllingsdører innvendig. Alle kvitevarer følgjer med salet. Det kan evt. gjerast avtale med seljar om kjøp av inventar.

VENTILASJON: Det er balansert ventilasjon på bad. Kjøkkenventilator med avtrekk ut.

VEG – VATN – AVLØP: Eigedommen er tilknytt offentleg vassforsyning og avløpsnett via private stikkleidningar med overløp til kommunalt anlegg.

VVS-INSTALLASJONAR: Plastrøyr (røyr i røyr). Det er avløpsrøyr av plast, og truleg soilrøyr der det er brannkrav. Varmtvasstanken er på ca. 150 liter. Bustaden har balansert ventilasjon, samt elektrisk.

OPPVARMING: Elektrisk, varmekablar på badet, balansert ventilasjonsanlegg med varmegjenvinning. Oppvarmingskarakter raud – Energikarakter D.

ELEKTRISK ANLEGG: Ordinært el. anlegg, tidstypisk for renoveringsår. Fordelingsskåp i entré med automatsikringar m/jordfeilbrytar og overspenningsvern, skjult el. installasjon. Automatisk straummålar er montert. Framlagd fiber, kjøpar betalar tilknyting sjølve. Porttelefon.

BRANNTEKNISKE FORHOLD: Seriekopla brannvarslingsanlegg. Sprinkelanlegg for brannsløkking i heile bygget og i alle leilegheitene.

Eigedomsskatt utgjorde kr 2.979,- og kommunale avgifter vann/kloakk var kr 8.652,-.

SAMEIGE: Central Apartments, styreleiar er Arne Visnes Berger, adresse Prestestegen 5, 6783 Stryn. Sameige består av totalt 11 seksjonar, derav 10 bustadseksjonar og 1 næringsseksjon. Sameiget har legalpant for inntil 2 G for dekking av ubetalte felleskostnadar. Seksjonen kan i si heilheit leigast ut til bustadføremål. Vedtekter og husordensreglar følgjer vedlagt.

UTLEIGE: Noverande eigarar har leigd ut leilegheita gjennom AirBnB. Utleigemånadane har vore juni/juli og august og det har vore godt belegg for utleige.

Adkomst

Eigedommen har tilkomst via kommunal veg. Det er felles heis-, trapperom og svalgang fram til inngangspartiet.

Utfyllende informasjon om fellesgjeld og felleskostnader

Pr. 2025 var felleskostnadar kr 2.500,- pr. månad som inkluderer byggforsikring (ikkje innbu, det må kvar
seksjon ordne sjølv), drift og vedlikehald av heis og brannsystem, renovasjon/søppeltøming, breiband,
snøbrøyting, vask/straum i felles områder/lading av el-bil, el-kontroll samt utbetring av feil,
vaktmestertenerster og generelt vedlikehald som måling/flikking og hage/hageutstyr.

Annen info 1

Annen info 2

Annen info 3

Annen info 4

Annen info 5