Totalrenovert einebustad sentralt i Leirvik med sjøutsikt, gode solforhold og stor terrasse

Bustaden er velhalden og av høg standard med totalrenovering i perioden 2020 – 2025, med unntak av gjestebad som er frå 2010. Gjennomgåande i heile huset er lyse flater med gips på veggar og tak, malt i same farge med listefri overgang. Laminatgolv og fliser på våtromma og i entre. Huset har innlagt fiber. Ei varmepumpe i kvar etasje med felles utedel, med moglegheit for kjøling på varme sommardagar. Varmepumpene var nye i 2022. Røyr-i-røyr i heile huset, samt oppgradert elektrisk anlegg. Fornying av trapp i 2022 med laminatgolv i trappetrinna, spilevegg/rekkverk og handløpar.


Hovudetasje

Romsleg og delvis ope stove- og kjøkkenareal med fleire soner. Stove og kjøkken blei renovert i 2022 med gips på veggar og tak, laminatgolv frå Pergo med tilhøyrande golvlist. Fleire nye vindu og skyvedør på kjøkken.

Kjøkkeninnreiing frå Aubo med slette flater og laminatbenkeplate med underlimt vask. Integrerte kvitevarer: Kjøleskap, steikeovn, oppvaskmaskin, platetopp med integrert ventilator og vinkjølar. Alle kvitevarer var også nye i 2022. Høgskapsvegg, godt med benkeplass og stor kjøkkenøy med to sitteplassar. Plass til kjøkkenbord, og direkte utgang til terrasse. Bod/spisskammer i nærleik til kjøkkenet med kjølehjørne og god oppbevaringsplass i plassbygde hyller.

Stove med innebygd peisinnsats og vedhylle, også frå 2022. Spilevegg med lyslist og innfelt tv med skjulte ledningar. Romsleg TV-krok og plass til spisebord i stova. Tre av vindua i stova er frå byggeår (1985). Stove nr. 2 i påbygg i front av huset. Her er store vindu i golvet, og fint å sitte å nyte utsikta over Leirvik og Bøfjorden. Skyvedør ut til overbygd terrasse med kveldssol. Skyvedøra er frå same år som påbygget (1993). Spottar i taket på kjøkken og i begge stovene (2021/2022).

Soverom med gips på veggane, plater i taket og laminatgolv. Vindu frå byggeår. Rommet blir i dag brukt som kombinert gjesterom og kontor.

Bad frå ca. 2010 med varmekablar, flisar på golvet og baderomsplater på veggane. Vindu frå byggeår. Servant med underskap og høgskap med god oppbevaring. Speil med lys over. Dusjkabinett frå 2021 og toalett.


Underetasje

Romsleg hall med varmekablar i delar av golvet, flisar på golvet og gips på veggar og tak. Renovert i 2022. Spottar i taket gir god belysning. PAX garderobeskap frå IKEA med god oppbevaringsplass til klede og sko. Ytterdør frå byggeår. Fornying av trapp i 2022 med laminatgolv i trappetrinna, spilevegg/rekkverk og handløpar. Bod i enden av entreen med hylleoppbevaring og plass til fryseboks.

Hovudbad totalrenovert i 2021 med nye varmekablar, 60x60 flisar på golv og vegg, mosaikkflisar i dusj og to innebygde hyller med integrerte ledlister. Spottar og spiler i taket. Det er også innebygd høgtalar i taket med blåtann-tilkopling. Dobbel servant med god oppbevaring i underskuffer. Stort speil med integrert belysning over servant, og dekorbelysning ved sida av servant/speil. Badekar og romsleg, åpen dusj med dusjvegg av glas. Vegghengt toalett.

Vaskerom totalrenovert i 2021 med nye varmekablar, flisar på golvet, baderomsplater på veggen og spiler i taket. Moderne innreiing frå IKEA med god oppbevaringsplass og varmtvasstank skjult i høgskap. Plass til vaskemaskin og tørketrommel under benkeplate. Takhengt tørkestativ til klede gir god utnytting av rommet.

Stort og flott hovudsoverom med tilhøyrande walk-in garderobe. Kombinasjon av gips på veggar og tak, spilevegg og mur malt i kalkmaling, og laminatgolv. God plass til dobbeltseng og anna møblering på soverommet. To vindauge nye i 2022. I garderoben er det god oppbevaringsplass til klede i innebygde kommodar, garderobestang til oppheng av klede, og god hylleplass.

Soverom 2 er av grei størrelse med plass til dobbeltseng. Integrert skyvedørsgarderobe med god oppbevaring på rommet. Kombinasjon av gips og panel på veggar, plater i taket og laminatgolv. Vindu frå byggeår.

Soverom 3 er av også grei størrelse med plass til dobbeltseng. Blir i dag brukt som barnerom. Gips på veggar og tak, samt laminatgolv. To vindauge nye i 2022.


Bustaden utvendig og uteområde

Bustaden har liggande trekledning malt i ein fin, grå farge i 2021. Kledningen er stort sett frå byggeår (1985 og påbygg i 1993). Noko kledning er bytta etter 2020 i forbindelse med nye vindu. Kjellar og garasje er bygd av lecamur. Liten garasje med standard frå byggeår, tilknytta huset og overbygd inngangsparti. Elbil-ladar og hylleoppbevaring i garasjen. Garasjeport også frå byggeår. Ny taktekking i 2025 med betongstein, samt ny pipehatt. På baksida av huset er det ei stor utebod med inngang frå to sider. Her er det godt med oppbevaringsplass til t.d. hagemøblar og hageutstyr, samt ein stor sjølvbygd putekasse.

Stor og fin terrasse frå 2020 av god standard, med vedlikehaldsvennlege Møyre Royal terrassebord. Rekkverk i PVC som også er vedlikehaldsvennleg, med glas i front av huset og spiler på resterande rekkverk. Delar av terrassen er bygd over garasje, og denne delen består av betongplatting. Terrassen går over tre sider av huset, noko som gir mulighet for inndeling av soner med god plass til fleire sittegrupper. Overbygg over delar av terrassen. Her kan sola nyttast frå morgon til kveld på fine sommarsdagar. I hagen er det opparbeidd fleire bedd, samt fleire natursteinsmurar. Plen på begge sider av huset, samt noko plen i framkant av huset. Tomta utanom huset består av ein del skråning og bakke.

Eigendommen ligg sentralt i Leirvik med utsikt over sentrum, båthamna og Bøfjorden. Her er gode solforhold og mulighet for å nyte sola heile dagen med terrasse på tre sider av huset. Eigendommen ligg skjerma og usjenert til med lite innsyn fra nabohus som ligg lågare i terrenget.


Nærområdet

Leirvik Sentrum 0,1 km:
• Leirvik Senter med daglegvarebutikk, blomsterbutikk, frisør/velværesalong og kontorlokale.
• Hotel Sognefjord med restaurant/kafé, pub og overnatting
• Trevarehandel
• Båthamn med moglegheit for leige av båtplass
• Offentleg transport, blant anna buss til Rysjedalsvika ca. 6 km unna, der det går hurtigbåt til Bergen, Nordfjord og Sogn
• På Heggebøen ca. 1,5 km unna finn ein fin, offentleg badestrand med badehus som inneheld badstue, toalett/dusj og eit lite kjøkken.
• Kjekke utandørs aktivitetar i området som stolpejakt og frisbeegolf, samt ballbinge i bustadfeltet på Heggebøen.
• Mange fine turmoglegheiter i nærområdet: https://ut.no/utforsker/kommune/17681/hyllestad/turforslag

Hyllestad sentrum 7 km:
• Barnehage og skule (1.-10. klasse). Delar av skulen blei renovert i 2024.
• Nyare fleirbrukshall med blant anna treningssenter, biljard, stor idrettshall m.m.
• Idrettsbane med kunstgras, løpebane og tennisbane.
• Fritidsaktivitetar som fotball, handball, kulturskule, volleyball, badminton, friskis og svettis m.m.
• Daglegvarebutikk, frisørsalong, aromaterapi og bensinstasjon/bilverkstad
• Kommunehus med blant anna bibliotek, tannlege, legekontor, helsestasjon og fysioterapi.

Eigendommen har god tilkomst frå offentleg veg på asfaltert veg heilt til huset.

Fra eigendommen tek det ca. 1 time til Førde og 2,5 time til Bergen med bil.
Hurtigbåten frå Rysjedalsvika til Bergen tek 2 t 10 min og har to avgangar dagleg.

Eigendommen ligg sørvestvent til med svært gode solforhold, og nydeleg utsikt over Leirvik sentrum, båthamna og indre delar av Bøfjorden.

Tomta er flott opparbeidd og velholdt med plen, natursteinsmurar, blomsterbed, frukttre, rhodedendronbusker og rosebusker m.m. Grussti rundt delar av huset. Skiferheller ved inngangspartiet og asfaltert tun. Moglegheit for parkering på tunet i tillegg til i garasje og carport. Felles asfaltert snuplass/parkeringsplass tilknytt tomta, eiga avtale/kontrakt angåande denne følger med ved sal.

Sjå vedlagt takstrapport for teknisk informasjon om bustaden.

Hyllestad kommune tilbyr bustadtilskot for førstegongskjøparar i kommunen: https://www.hyllestad.kommune.no/tenester/sosiale-tenester-og-bustad/startlan-og-tilskot-til-bustad/bustadtilskot-til-forstegangsetablerarar.19834.aspx