Attraktiv leilegheit sentralt i Sogndal sentrum.

No har du sjansen til å sikre deg ei attraktiv leilighet i Sogndal sentrum. Her kan du bu både som student og leige ut eit soverom, som barnefamilie, pensjonist og alt i mellom.
Leilegheita ligg i eit barnevennleg og roleg område med gåavstand til både skule, butikkar, treningssenter og flotte turområde. På den lune og sørvendte verandaen kan du nyte kveldssola frå april til oktober, medan nordvende soverom held seg svale på varme sommardagar. Leilegheita ligg skjerma til utan gjennomgang framfor gatedør, og deler felles uteareal og leikeplass med nabo-sameige.

Leilegheita har to tilhøyrande utvendige bodar med god plass til ski, syklar, verktøy og anna utstyr.

Gjennomlyst og open stove- og kjøkenløysing, pussa opp i 2015, med kjøkeninnredning frå Kvikk og kvitevarer frå Siemens Studioline.

Leilegheita er vesentleg meir energieffektiv enn kva energimerket tilseier. Ut i frå normal byggjemåte i byggjeåret (1997) får leilegheita berekna energimerke klasse E, raud, som tilsvarar inntil 200 kWh/m2 årleg levert energi. Årleg energiforbruk med 4 personar har vore rundt 6000 kWh jamnt over dei siste tre åra, noko som gir levert energi 80 kWh/m2, eller tilsvarande klasse A: https://www.enova.no/energimerking/om-energimerkeordningen/om-energiattesten/karakterskalaen/#:~:text=Energikarakteren%20er%20et%20resultat%20av%20beregnet%20levert%20energi,pr.%20kvadratmeter%20og%20energikarakter%20for%20de%20ulike%20bygningskategoriene

Eigedommen er seksjonert i tolv eigarseksjonar, som disponerer kvar sin carport med bod i tillegg til leilegheiten. Tomtearealet er felles og har 7 gjesteparkeringsplassar, felles tilkomstveg og delt leikeplass med nabosameiget Leitetunet. Eigarseksjon G og H har rett til sykkelbod på fellesareal utanfor seksjon G.

Kontrakt og oppgjør i samarbeid med Sparebank1.