Gardsbruk på Roset med fin utsikt! Sel på Rosetstøylen, naust ved fjorden og tilhøyrande jaktrett.

Eigedom

Roset
6795 Blaksæter

Om eiendommen

Gardsbruk på 266 daa. Erverv av eigedommen er konsesjonspliktig, kommunen kan setje vilkår om buplikt ifm konsesjonssøknad. Det er driveplikt etter jordlova. Det er ikkje odel på eigedommen (berre 25,1 fulldyrka/overflatedyrka jord).

Gardstunet ligg landlig og fint til øvst på Roset på Blaksæter ca 300 moh, søraustvendt med gode solforhold og svært fin utsikt mot fjorden og mot fjellheimen. Avstand 2 km til barnehage og barneskule, 6 km til nærbutikken på Fjelli og 15 km til Stryn sentrum. I gardstunet er det oppført våningshus, gamlehuset, hønsehus, fjøs, silobygning og garasje.

I tillegg er det sel på Rosetstøylen og naust ved Rosetnausta ved fjorden.

Eigedommen har også eigedomsrett og beiterett i felles utmark samt jaktrett i felles jaktvald der jaktrettane blir bortleigt. Denne eigedomens andel utgjer i underkant av eit fellingsløyve og har årlege utbetalingar på ca 3-4000 (variabelt).

Det er kommunal veg heilt til tunet ved garasjen. Vidare er det 5-6 grunneigarar som har vegrett gjennom tunet og vidare på traktorvegen på nedsida av garasjen.

Innhald

I tunet er det oppført to bustadhus, garasje, frittståande grassilo, fjøs og bygning som tidlegare vart nytta som hønsehus. På Rosetstøylen er det oppført sel og i tillegg er det naust ved Rosetnausta ved fjorden.

Våningshuset:
Våningshuset er oppført i 1980 og blir nytta som bustad av dagens eigar.
Areal: BTA: 183 m2, BRA: 163 m2, P-rom: 152 m2.
Huset går over to plan og inneheld;
1.etg: Stove, kjøkken, to soverom, bad m/dusj og vask, wc m/toalett og vask, vindfang m/trapp til u.etg., gang m/nedtrekkbar stige til mørkeloftet. Dør frå stova til nord- og austvendt terrasse på 19 m2.
U.etg: Stove m/kjøkkenkrok, soverom, bad, vaskerom, bod, vindfang og trapperom.

Gamlehuset:
Gamlehuset er oppført i 1894, iflg eigar. Huset var tidlegare nytta som bustadhus, men har stått ubrukt over lang tid.
Areal: BTA: 169 m2, BRA: 152 m2.
Huset går over tre plan; kjellar, 1.etg og loft. Det er innlagt straum og kommunalt vatn til gamlehuset, men ikkje avløp.

Hønsehuset:
Oppført i 1983 iflg eigar. Tidlegare nytta som hønsehus, blir no nytta som lagerplass/vedhus.
Areal: BTA: 276 m2.
Innreda del på 52 m2 med etg.høgd ca 2,55 m og lagerrom på 224 m2 med etg.høgd ca 4,55 m.
Rominndeling; Lagerrom, gang, bod og mjølsilorom.

Garasjen:
Oppført i 1980 iflg eigar. Nytta som garasje og redskapsrom.
Areal: BTA: 55 m2.
Rominndeling; Garasjerom/redskapsrom. Etg.høgd ca 3,1 m.

Silobygget:
Oppført i 1990 iflg eigar. Tidlegare nytta som grassilo.
5 m diameter og høgde ca 6 m.

Fjøsen:
Oppført i 1894 iflg eigar. Bygningen er i svært dårleg stand og blir ikkje nytta.
Areal: BTA: 130 m2.
Eldre gjenståande fjøsrom og lagerrom.

Selet:
Oppført i 1930 iflg eigar. Nytta som tradisjonelt sel. Adkomst frå kommunal veg med 3 km bomveg (brøyta veg) og traktorveg.
Areal: BTA: 15 m2, BRA: 14 m2.
Rominndeling; Innsel og utsel. Etg.høgd ca 2,07 til flat himling og 2,7 m til møne i utselet.
I utselet er det plassbygd køyseng og kjøkkenbenk med to måla underskåp men utan vatn og avløp.
Innsel med vedovn tilkobla utvendig pipe av lettklinkerbetong med utvendig feieluke. Andel i felles utedo.
Selet på Rosetstøylen ligg på sameigegrunn (uregistrert jordsameige).

Naustet:
Oppført i 1930 iflg eigar. Oppført ved Rosetnausta ved fjorden. Adkomst med ca 1 km felles traktorveg frå Øyestad og
deretter ca 50 m gangsti.
BTA: 15 m2.
Rominndeling; Naustrom.
Naustet ligg på annan manns grunn (gnr. 132, bnr. 21).

Standard

Bygningane har i hovedsak eldre enkel standard og nokre av bygningane bør rivast og har ingen bruksverdi.

Byggjemåte

Våningshuset:
Fuktsikring og drenering med knotteplast og dreneringsrør. Grunnmur av betongblokk med utvendig synleg betongpuss og med måla fuga pussa murstein som brystning for hovedfasaden, dels med innvendige framforingar. Ytterveggar av 10 cm isolert bindingsverk, ytterkledning av ståande og noko liggande kledning. Saltakkonstruksjon med prefabrikerte takstolar med ca 10-15 cm isolasjon, taktekking av shingel og plast takrenner og nedløpsrør. Etasjeskille av isolert trebjelkelag, det er ikkje brann- eller lydisolert himling over utleigedelen. Vindauger med 2-lags ruter i trekarm. Fordelingsskåp i trapperommet i u.etg. med skrusikringar og med delvis skjult el.installasjon. Vassrør av kobber og stoppekran og 115 liters varmtvannstank på vaskerommet. Avløpsrør av plast.

Gamlehuset:
Grunnmur som kistemur av naturstein. Ytterveggar av tømmer med ytterkledning av liggande kledning. Åstakkonstruksjon med ark og taktekking av asbesthaldige eternitplater. Etasjeskillere av trebjelkelag. Vindauger med 1-lags ruter i trekarm med gjennomgåande sprossar. Ingen bad/wc-rom.

Hønsehuset:
Fundamentert med såle og golv på grunn av betong. Grunnmur av leca i høgde ca 1,8 m. Ytterveggar av ca 10-15 cm isolert bindingsverk med ytterkledning ståande og noko liggande kledning. Saltakkonstruksjon med prefabrikerte takstolar c/c 1,2 m, lekter og taktekking av alu.plater. Vindauger med 2-lags ruter i trekarm. Ytterdør mot nord og plassbygd todelt skyvedør bxh lik 4,4x3,4 m utvendig kledt med alu.plater mot sør. Fordelingsskåp med automatsikringar og open el.installasjon.

Garasjen:
Fundamentert med ringmur av betong. Golv på grunn av betong og enkel "smørjegrav". Ytterveggar av bindingsverk med ytterkledning av liggande og noko ståande kledning. Saltakkonstruksjon med bærande sperrer og taktekking av bølgeblikkplater. Vindauger med 1-lags rute i trekarm. Port i eine portåpningen. Fordlingsskåp med skrusikringar og el.installasjon til lys og el.kontakter, straumtilførselen er fråkobla.

Silobygget:
Bygningen er kun utvendig besiktiga pga fastspikra port. Fundamentert med såle og golv på grunn av betong.
Ytterveggar av betong med plasstøypt betong. Over silobygget er her ytterveggar av bindingsverk med ytterkledning av ståande kledning og skråtak med taktekking av alu.plater.

Fjøsen:
Grunnmur av naturstein. Ytterveggar av grindeverk med ytterkledning av ståande kledning. Saltakkonstruksjon med taktekking med Onduline bølgepapp og noko bølgeblikkplater. Bygningen er i svært dårleg stand og med omfattande råteskade samt sig- og setningsskader. Bygningen må rivast.

Selet:
Fundamenter med såle og ringmur av naturstein. Ytterveggar av reisverk og dels tømmer, ytterkledning av liggande villmarkskledning. Saltakkonstruksjon med bærande sperrer og taktekking av Onduline bølgepapp. Golv som bjelkelag.
Vindauger med 1-lags rute i trekarm.

Naustet:
Såle og ringmur av naturstein. Golv som betonggolv og dels som grusgolv. Ytterveggar av reisverk med ytterkledning av liggande kledning. Saltakkonstruksjon med bærande sperrer og taktekking av alu.plater. Stor plassbygd dør mot fjorden.
Hjulvende i arka på eine sida av yttertaket. Delvis tregolv på "loftet". Enkel båtstøde framfor naustet.

Med omsyn til den tekniske standarden på bygningane vert det elles vist til takst av Kristen Eikenæs, datert 04.10.2017.
Kjøpar pliktar å gjere seg kjend med innhaldet i taksten og i eigenerklæring frå seljar som ligg ved salsoppgåva før det vert lagt inn bod på eigedommen. Meklar gjer elles merksam på kjøpar si undersøkingsplikt med heimel i avhendingslova.

Areal og fordeling per etasje

Våningshuset:
Primærrom: 152 kvm, Bruksareal: 163 kvm, Bruttoareal: 183 kvm

BRA pr. etasje:
U.Etasje: 76 m2
1.Etasje: 87 m2

Areala er henta frå takst utført av autorisert takstmann og er i samsvar med NS 3940. Meklar har ikkje kontrollert areala.

Parkering

Parkering på eige tun.

Hefter/servituttar

Sjå eige vedlegg vedlagt i prospekt.

Tomt

Areal: 266 084 kvm, Eierform: Eiet tomt

Fulldyrka jord daa 25,1
Innmarksbeite daa 22,7
Skog av svært høy bonitet daa 75,4
Skog av høy bonitet daa 66,2
Skog av middels bonitet daa 25,5
Uproduktiv skog daa 12,2
Myr daa 16,4
Åpen jorddekt fastmark daa 1,5
Bebygd, vann, bre daa 5,5
Ikkje klassifisert daa 15,5

Eigedomen har også beiterett og eigedomsrett i felles utmark, eigedommen har ellers andel i felles veganlegg og gjerdeplikt -med dertil vedlikehaldsansvar. Seljar opplyser at total strekning med gjerdeplikt utgjer ca 200 meter.

Regulering/offentleg godkjenning

Eigedomen er ikkje regulert, ligg i LNF1 område.

Gamlehuset og fjøsen er merka som SEFRAK-bygg oppført før 1900 (gul merking), selet er merka som SEFRAK-bygg oppført før 1850 (rød merking).

Bygningane i SEFRAK-registeret er i utgangspunktet ikkje tillagt spesielle restriksjonar. Registreringa fungerar meir som eit varsko om at kommunen bør ta ei vurdering av verneverdien før det eventuelt blir gitt løyve til å endre, flytte eller rive bygninga.

For meldepliktige bygningar (bygningar eldre enn 1850), er det lovfesta i Kulturminnelova §25 at ei vurdering av verneverdien MÅ gjerast før søknad om endring eller rivning kan bli godkjent.

Veg, vatn, avlaup

Tilkomst frå kommunal veg. Eigedomen er tilknytta kommunalt vassverk. Avløp til septiktank med overløp til elva. Det er pålegg om tilkobling til kommunalt avløp.

Energimerking

Oppvarmingskarakter Rød - Energikarakter G

Tilkomst

Tilkomst frå kommunal veg.

Oppvarming

Våningshuset:
Plassmurt peis med to ovnar (eine er fråkobla) i stova i 1.etg. og golvvarme på begge bad, ellers er oppvarming basert på
elektrisitet.
Mekanisk avtrekk med ventilator på kjøkkenet i 1.etg., ellers er ventilering basert på naturleg avtrekk.

Kommunale avgifter

Kr. 11 116 pr. år
(inkluderer: vassavgift (for våningshuset) kr 4201, slamavgift kr 1539, feieavgift kr 485, eigedomskatt kr 1149 og renovasjon (NoMIL standard hushaldningsabbonement) kr 3742).

Faste kostnader

- Straum
- Forsikring
- Kommunale avgifter og eigedomskatt

Formueverdi

Likningsverdi som primærbustad kr 993 181 per 31.12.16

Ferdigattest

Det føreligg mellombels bruksløyve for våningshuset datert 28.08.1981.

Det føreligg ikkje mellombels bruksløyve eller ferdigattest for dei andre bygga, men var sannsynlegvis heller ikkje krav om dette ut frå bygningane sin karakter og byggjeår.
Stryn Kommune har teikningar i våningshuset, men har ikkje teikningar av dei andre bygningane i sine arkiv.

Konsesjon

Erverv av eigedomen er konsesjonspliktig. Stryn Kommune kan setje vilkår om buplikt ifm konsesjonssøknaden. Det er driveplikt etter Jordlova sine bestemmelsar.

Kjøpar må umiddelbart etter budaksept søkje Stryn Kommune om konsesjon for eiga rekning.

Kjøpar har konsesjonsrisikoen dersom konsesjon vert nekta med grunnlag i konsesjonslova sine bestemmelsar § 9 første til tredje ledd.

Dersom den situasjon skulle oppstå at kjøpar ikkje får konsesjon med grunnlag i dei forhold som er vist til i Konsesjonslova sine bestemmelsar § 9 første til tredje ledd, skal oppgjeret til seljar likevel ligge føre, og då seinast 2 månader frå endeleg avslagsvedtak er gjort. Naudsynt sikkerheit for kjøpesum må i eit slikt tilfelle opprettast som tredjemannspant i eigedomen, og seljar pliktar å underteikne på pantedokumentet for tredjemannspant, dersom partane ikkje innan 2 veker frå endeleg konsesjonsavslag vert einige om anna sikkerheit.

Utleige

Våningshuset er bygd som ein einebustad med èi sjølvstendig bueining. I u.etg er det tilrettelagt med eige bad og kjøkken og kan difor eigne seg som hybelutleige. U.etg er ikkje ei sjølvstendig bueining.

Radonmåling

Alle som leiger ut bustad må ha gjennomført radonmåling samt leggje fram dokumentasjon på at radonnivåa er forsvarlege. Dette kravet gjeld for alle typar utleigebustader samt leilegheiter og hyblar i tilknytning til eigen bustad.

Bustadseljarforsikring

Bustaden er seld utan bustadseljarforsikring.

Bustadkjøparforsikring

Eigedomsmekling Sogn og Fjordane AS formidlar bustadkjøparforsikring frå HELP Forsikring AS. Dette er ei rettshjelpsforsikring som gir tryggleik og profesjonell juridisk hjelp dersom det vart oppdaga uventa feil og manglar ved bustaden. Ta kontakt med meklar for meir informasjon eller les meir om forsikringa på www.help.no.

Finansiering

Interessentar som ønskjer tilbod om finansiering i Sparebanken Sogn og Fjordane kan kontakte meklar.

Kvitvasking

Lov av 6. mars 2009 nr. 11 om tiltak mot kvitvasking og terrorfinansiering pålegg eigedomsmeklarar å gjennomføre legitimasjonskontroll og risikovurdering av alle kundar og/eller eventuelle reelle rettigheitshavarar. Dersom kunden ikkje oppfyller krava etter lova eller eigedomsmeklar har mistankar om at transaksjonar har tilknyting til utbyte frå straffbare handlingar eller forhold som rammast av straffelova §§ 131-136 a, kan eigedomsmeklaren stoppe gjennomføringa av transaksjonen eller eigedomshandelen. Eigedomsmeklaren kan ikkje haldast ansvarleg for dei konsekvensane dette vil kunne få for partane eller andre som har interesser i eigedomshandelen.

Bodgjeving

Alle bod skal gjevast skriftleg til meklar. Det første bodet skal gjevast på bodskjema påført bodgjevar sin signatur. I tillegg må bodgjevar ha legitimert seg. Seinare bod kan gjevast per e-post, SMS eller per faks til meklar. Bod kan også gjevast via bodgjevingsplattform på nett eller app. Veljast denne løysinga, er det ikkje krav til å sende det første bodet på bodskjema. Meklar skal så snart som muleg stadfeste skriftleg ovanfor bodgjevar at bod er motteke.

Bod som ikkje er skriftleg, eller som har kortare akseptfrist enn til kl. 12.00 dagen etter siste annonserte vising, vil ikkje bli formidla til seljar. Meklar vil heller ikkje formidle bod med atterhald om at bodet er hemmeleg for andre bodgjevarar. Eit bod er bindande for bodgjevar når bodet er blitt gjort kjent for seljar. Seljar står fritt til å akseptere eller forkaste eitkvart bod, og pliktar såleis ikkje å akseptere det høgste bodet på eigedomen.

Meklar skal, i den grad det er naudsynt og muleg, informere dei involverte i bodrunden skriftleg om status i bodgjevinga.
Meklar pliktar å leggje til rette for ei forsvarleg avvikling av bodrunden. For at boda skal kunne bli handsama og formidla vidare skriftlig til alle involverte partar, må eitkvart bod ha ein tilstrekkeleg lang akseptfrist, og uansett bør ikkje eit bod ha ein akseptfrist på mindre enn 30 minutt frå bodet vert gjeve. Seljar må skriftleg akseptere bodet før bodaksept kan formidlast til bodgjevar.
Ein gjer merksam på at bod som vert gjeve etter normal arbeidstid vert handsama/formidla påfølgjande arbeidsdag.

Seljar og kjøpar har krav på å få utlevert kopi av bodjournalen straks etter at handel er komt i stand. Alle som har gjeve bod på eigedomen kan på førespurnad få en kopi av anonymisert bodjournal etter at bodrunden er avslutta.
Ein syner elles til "Forbrukarinformasjon om bodgjeving", som er teke inn på baksida av bodskjema i salsoppgåva.

Overtaking

Etter avtale med seljar.

Seld "som den er"

Salet vert regulert av Lov om avhending av fast eigedom. Eigedomen vert seld i den stand den var under synfaring, jf. avhendingslova § 3-9, "som den er". Dette avtalepunktet medfører at avhendingslova sine reglar om når eigedomen har mangel vert fråvike til ugunst for kjøpar.

Eigedomen har likevel mangel i følgjande tilfelle:
Når kjøpar ikkje har fått opplysningar om forhold ved eigedomen som seljar kjende eller måtte kjenne til, og som kjøpar hadde grunn til å rekne med å få. Dette gjeld likevel berre dersom ein kan gå ut frå at det har verka inn på avtalen at opplysningane ikkje vart gitt.
Når seljar har gitt urette opplysningar om eigedomen. Det same gjeld dersom eigedomen ikkje er i samsvar med opplysningar som er gitt i annonse, salsprospekt eller ved anna marknadsføring på vegne av seljar. Dette gjeld likevel berre dersom ein kan gå ut frå at opplysningane har verka inn på avtalen, og ikkje har vorte retta i tide.
Når eigedomen er i vesentleg dårlegare stand enn kjøpar hadde grunn til å rekne med ut frå kjøpesummen og forholda elles.
Når tomta har vesentleg mindre areal enn opplyst av seljar.