Skulebygg med flott beliggenhet til sals i Herøy kommune - Moltuvegen 328

Herøy kommune skal avvikle skuledrift på Moltu skule sommaren 2026, Bygget, inkludert 3935 m2 tomt, er derfor til sals.

Eigedomen ligg fint og sjønært til. Den inkluderar tradisjonelt skulebygg med gymsal, parkeringsplass og opparbeidd uteområde med mellom anna ballbinge. Det er fleire store rom i bygget som i dag er nytta til klasserom og SFO. Det er også kjøkken i kjellaren, samt eit mindre kjøkken på pauserom oppe. Det meste av bygningsmasse er bygd på 1950-talet, men det står att noko tømmerveggar og trebjelkelag frå tidleg 1900-talet. Det er også bygd på personaldel rundt år 2000.

I tillegg til å ligge sjønært til er Moltufjella også i umiddelbar nærleik med fleire turruter, både på grusveg og fjellsti.

Ved avvikling av kommunal drift vil det bli fjerna noko inventar, det som er att vil følgje med i salet.

I kommuneplanen sin arealdel ligg eigedomen under arealformål "offentleg eller privat tenesteyting" .

Budfrist

I samband med kommunestyret sitt vedtak skal eigedomen ligge på den opne marknaden i ei veke før avtale om sal må vere inngått. Budfrist er difor satt til torsdag 12. mars 2026 kl 12.00.
Bud må giast til oppgitt kontaktperson i annonsa.

Det er utført ein tilstandsrapport, den ligg vedlagt.