Eigedom midt i Florø sentrum med sørvendt hage

Eigedommen ligg i område regulert til bustad og næring. Huset var tidlegare eigd av kyrkjelyden Filadelfia, og er regulert til bygning for religiøs aktivitet. Dette vil seie at huset er godkjend som næringsbygg og ikkje som bustad. Det har vore igangsett prosess med å søke om bruksendring for bygget i 2024. Noverande eigar fekk bistand frå både advokat og Ivest Consult i denne prosessen, og kjøpar får kopi av søknad, førebels tilbakemelding frå kommunen og utarbeidde teikningar, dersom kjøpar ønskjer å fortsetje prosess med søknad om bruksendring til bustadføremål.

Salsoppgåve og visning

Ta kontakt for å få tilsendt fullstendig salsoppgåve og avtale visning. 

Det er tilkomst via Markegata. Kommunen har i samband med tidlegare søknad om bruksendring for eigedommen i 2024 etterspurt dokumentasjon på at eksisterande parkeringsplass har godkjent avkøyrsel til riksveg. Statens vegvesen har i ei uttale vist til at eigar ikkje kan rekne med at framtidig parkeringsbehov kan bli dekt av parkeringsplassar på eigedommen, dersom eigendommen i framtida skulle få godkjend bruksending til tre bueiningar. Markegata er også under regulering, og potensielle kjøparar må setje seg inn i kva konsekvensar dette kan få for parkering og tilkomst.

Eigedommen er tilknytt kommunalt vassverk og avløpsnett via private stikkleidningar.

Byggeåret for huset er ukjent, men troleg rundt 1930. Noverande eigar har bygd om huset til ein type hybelhus med totalt 11 personar i hovudetasje og på loftet, samt ei leilegheit i kjellaren. Denne ombygginga og bruksendringa er ikkje godkjent. Bygget har gjennomgåande lav standard, og kjøpar må setje seg godt inn i tilstandsrapporten. Tilstandsrapport er utarbeidd av Jon Stromsnes AS 7. mai 2025. 

Årlege kommunale avgifter er estimert til kr. 19 620.-
Årleg eigedomsskatt er estimert til kr. 12 540.- 
Årleg renovasjonsavgift Nomil er estimert til kr. 5018.- 

Eigedommen er takstert til ein marknadsverdi på 2 500 000.-. I tillegg kjem dokumentavgift på 2,5 prosent av kjøpesummen, kr. 62 500.-, samt tinglysingsgebyr skøyte kr. 545, og tinglysningsgebyr pantedokument kr. 545.- 

Bustadhuset har BRA på 309 m2, fordelt på tre etasjar.

Loft er på 79 m2  BRA og er innreia som hybel-etasje. Det er mellom anna 6 soverom, kjøkken, bad/ vaskerom.

Hovudetasjen er på 111 m2 BRA og er innreia som ein hybel- etasje med mellom anna 5 soverom, kjøkken og bad.

Kjellaren er på 119 m2 BRA og er innreia som ei leiligheit med mellom anna 3 soverom, kjøkken og bad.