Veteranbil!

Dette er ein kandidat til eit renoveringsprosjekt som eg sjølv må prioritera bort. Sjeldant eksemplar, med bra EFI-motor, og den startar og går og går og går.
I si tid var dette toppmodellen med "alt" utstyr unntatt A/C. Det er el-vindu både foran og bak, samt el-speil. Bilen er fortsatt god å kjøra, og fjøringa/dempinga opplevast ikkje særleg nedslitt.

Det er to kjente feil: Startbatteri manglar, og det er problem med hovudlys ei stund etter oppstart. Eg har starta feilsøking, men mistenker kjørelysreleet som eg ikkje har lokalisert... Derfor er det p.t. ein del deksel og brytarar som er demontert, men alle delar som høyrer til skal vera med.

Bilen har i si tid vore utsett for ein skade (kjedekollisjon), men frontfangar, grill og baklykt er skifta og bilen var EU-godkjent etter dette. Restar av bulkinga er det ein nå ser på bakenden. Hengarfestet tok av for det verste, så det måtte fjernast.

Blei brukt som "arbeidsbil" ei stund, men har nå stått avskilta ein del år, så bremser og slikt bør ein nok gå over først om ein berre vil ha bilen direkte på vegen. Når det gjeld rust så lèt eg bileta tala for seg sjølv. Det er dei vanlege plassane, og spesielt forskjermar og oppheng til støtfangar der er eit notorisk problem frå denne tidsepoken.

Bilen seljast som han står, fortrinnsvis til nokon med tid og ambisjon til restaurering. Elles kan eg ikkje gi nokon spesielle garantiar utover dette. Eg er elles open for å diskutera prisen.