Honda CB 900 Hornet

Kjempefin hornet til sals. Hatt denne i 8 år og det har vore mange fine turar. Vert seldt vidare pga ny sykkel og at garasjen er full av leiketøy. Dette er ikkje eit sal privatøkonomien min er avhengig av, og eg er ikkje interessert i å sponsa andre vaksne med billige leiketøy, så spar deg for skambud. Men det er lov å koma med bud. Ikkje så enkelt å prisa noko ein er så glad i.

Med stor rund lykt framme, polert og blank rustfri eksos, to runde analoge instrument og ingen kåper så har denne sykkelen eit nydeleg, klassisk og tidlaust design som klarer seg like fint idag som for over 20 år sidan.

Den er køyrt 74800, men ber ikkje preg av verken alder eller km på nokon måte. Desse motorane er kjempegode og er kjent for å gå langt med godt vedlikehald.

Sportsleg og leiken sykkel som er ein fryd å køyra på svingete vegar med god sittestilling og ein sterk og jevn motor. Sykkelen er heilt klar for ein ny sesong, her er det berre tur og køyr med mange smil per mil. Eit skikkeleg nytekøyretøy.

Kort om sykkelen:
Ny kjede og drev i fjor
Nye dekk i fjor
Olje og filterbyte årleg
Kjølevæske og bremsevæskebyte annakvart år
Sjekka og justert ventilklaring i vinter
Bytta hjullager for eit par år sidan
Overhalte gaflar framme for nokre år sidan
Nytt batteri i fjor
Ny clutchwire for nokre år sidan

For morro skuld sjekka eg kompresjon i motor då eg sjekka ventilane i vinter og alle sylinderar hadde rundt 180 psi. Så ingenting som peikar på problem med sylinderar eller topp.

Av uoriginale ting:
Sykkelen har scorpion slip on eksos som passar sykkelen og gir fin lyd utan at det blir for mykje av det gode

Alu rack base plate frå sw motech for feste av bagasjeløysing bakpå som ser ok ut og ikkje gir mykje ut av seg til vanleg

Bakdempar frå YSS.

Styrehevar. +2cm

Tail tidy med integrerte blinklys i baklys

Originale delar fylgjer med: eksos, baklys med blinklys og skilthaldar, bakdempar

Eg likar like godt å stella med sykkel som å køyra og det kan ein vel nesten sjå på bileta og.

Har fått ei lita sprekk i glaset på turtellarinstrumentet, aner ikkje korleis det har skjedd… går sikkert an å få tak i nytt.

Har antakeleg gløymt noko..

Om det er noko du lurer på, lyst til å sjå eller prøvekøyra så ta gjerne kontakt gjennom melding her på finn i fyrste omgong.