Ford Kuga

Sel denne arbeidshesten då familien er under ekspansjon for tida. Å kjøpe denne var ei solid oppgradering for oss kva gjeld framkommeligheit. Med store og breie dekk, høg bakkeklaring og pålitelig firhjulsdrift har vi ikkje stått fast ein einaste gong. Kraftig toliters motor har og vore til stor hjelp under utallige turar med hengar.

Av mange gode ting vil eg trekke fram føljande:

• Kraftig toliters motor, utan å vere dieselslukande. Eg har logga snittforbruk på cirka 0,7 l/mil blanda køyring, sommar som vinter. Men kjem lett fram med tung last.
• God framkommeligheit

• God sitteplass for passasjerar
• Soltak
• 12V-uttak både framme, baki og i bagasjerom
• Framleis greitt med mønster att på både sommar- og vinterdekk (piggfritt)
• Elektrisk oppvarming av både bak- og frontrute - blir isfritt på null komma svisj
• Sommar- og vintermatter. Vintermatte til bagasjerom.

• Godt med ekstra rom under golv i bagasjerom, under fotplass for passasjerar og til og med under baksetene.

Bilen har fulgt serviceprogram fram til og med 2021 (148 311). Men det er gjort olje- og filterbytte og diverse småfiks på verkstad dei seinare åra som eg har kvitteringar for. I hovudsak gjeld dette sensorbytte, bremseklossar og utbetring av elektriske kontaktar. Bytta hjullager framme til høgre i 2024. Historikken lenger bak enn førre eigar er ukjend. Eg bytta olje og filter (originaldelar) i fjor haust (cirka 175 000 km) og tok ein sjekk på dieselfilteret i same slengen. Bytta og baklykt venstre side i sommar etter eit uheldig møte med garasjeveggen.

Viss ein skal plukke på noko må det vere:

• Normal estetisk bruksslitasje som seg hør og bør etter 15 år.
• Manglar deksel på eine hengselet på bakluka, har berre estetisk betydning
• Manglar FM-antenne på tak (men får framleis inn lokalradioen)
• Nokre lause plastdetaljar på førarsetet og vintermatte til førar
• Hengarfestet er avtagbart, men eg lurar på om det har rusta fast, så er meir å rekne for fast hengarfeste per no.
• Noko rust på understell, men ikkje så mykje å snakke om.
• Kan gje litt feilmelding på servostyring ved oppstart i kaldt ver. Etter søk på Kuga-forum har eg konkludert med at dette er eit kjent problem. Truleg er det nokre svake loddingar i koblingspanel eller dashbord, så ikkje noko gale med sjølve servostyringa. Feilmeldinga går alltid bort etter kort tid. Har ikkje vore der på sommar, berre når det er kaldt på vinteren. Har ikkje merka noko vanskar med det kva gjeld køyring.
• Det kan vere på tide med eit nytt batteri.
• Registerreim er ikkje bytta, men det er enno litt igjen av intervallet (200 000).
• Var problem med dårleg kontakt på batteriet, men utbetra dette i fjor vinter og har ikkje hatt problem sidan.
• Merke i støytfangar bak etter at bilen vart rygga inn i garsjeveggen. Bytta baklykt i samanheng med det.

Kilometerstand kan endre seg noko fram til salg.