Honda NSR 125 R Super Sprint

Selger ein gammal lett motorsykkel eg har hatt sidan eg var 16. NSR er forgjengar til Honda CBR. Registrert april 2000, så 1999/2000 modell. Det har aldri vore eit feilslag med den, og har aldri hatt motortrøbbel. Startar kvar gong. Men den er nok ikkje noko nybegynnarsykkel, og nye dekk trengs. Eg har brukt den kvar dag i sommar, og km-stand vil auke.
Eg var i ein velt med den som gav merket på tank og spegel i 2016. Kjøpte då nye/fleire kåper som eg har pussa og lakka sjølve med spraylakk. Blinklysa har aldri fungert 100%, akkurat nå blinker venstre framme, og høgre sida lyser, men desse kan koplast vekk. Frontlysa er ikkje gode, om kvelden er dei kun synlege for motgåande trafikk utan å hjelpe for eigen sikt. Det er hol i salen, det er orsaka for 2 lappingar. Har også ein ekstra sal, men ikkje i Trondheim. Startmotor er ny og skal fungere, men batteri er flatt og difor ikkje testa siste året.
Den startar derimot veldig lett ved trillstart. 2 meter fart i 2. giret, og så er den i gang. Den kan derimot vere noko vanskeleg første tur etter vinteren. Den foretrekk langkjøring, då den krever høgt turtall og difor ok gasskontroll ved start i 1. gir. Det løysast ved å bruke choke, då den gir høgare turtall. Men choke må av for å halde høgare fart, så det er tungvint ved mykje skifte mellom motorveg og bykjøring.
Ved kalde dagar treng den litt tid (1 minutt ca.) på tomgang før den blir varm og klarer å dra rundt hjula. Eg pleier ta ein runde rundt blokka i 1. giret før eg kjører ut på hovudvegen ved kalde morgonar. Under jamn kjøring i 50-70 høyrast ei metallisk surkling frå motor. Usikker på kva dette skuldast, då eg ikkje er noko mekanikar.
Sykkelen vart solgt i 2020 til ei som prøvde den i 17-18km og mista interessa for sertifikat på mc etter ein enkel velt. Kjøpte den tilbake i 2024 etter den har vore lagra i garasje desse 4 åra. Dei bytte blinklys, startmotor, batteri, bremsevæske, luftfilter, reinska bensintanken og gjekk over leidningsnettet.
Drev og kjede vart bytt i 2016, då var sykkel gått 42.000km. Radiator vart ny i vinter, og kjølevæska er bytta. Motor er aldri gjort noko med, og oljeskift er ikkje gjort sidan 2015 vertfall.
Det følger med 3 nøklar; 1 nøkkel til tank, 2 nøklar til sal/tenning.
Spør gjerne dersom du ynskjer meir info eller bilete. Eg er open for ein prat over telefon på +47 94 97 00 33.