Sandvik 25 AC

PRIS ER DISKUTERBAR VED RASK OG RYDDIG HANDEL!

Eg vurderer å selje min Sandvik 25AC då eg ønskjer å gå opp i storleik. Dette er ein solid og trygg båt som er lett å bli glad i, og som passar godt både til dagsturar og lengre turar på sjøen.

Båten er utstyrt med ein påliteleg Mercedes 200D 2,0 liters dieselmotor med fire sylindrar. Denne motoren er kjend for å vere nærmast udødeleg, og har rykte på seg for å gå og gå. Motoren startar alltid, går svært jamt og har nyleg fått oppgraderte glødepluggjer som gjer han ekstra lett å starte, sjølv på kaldare dagar.

Vedlikehald og oppgraderingar Før sesongen i fjor vart det gjort ein grundig service på motor og gir med bytte av alle oljer og filter. Samstundes vart både dynamo og vasspumpe bytt til nye delar. Det elektriske anlegget i båten vart nesten fullstendig lagt opp på nytt, og all innvendig belysning vart oppgradert til moderne lys. Det vart også montert elektrisk lensepumpe, og båten fekk nye offeranodar. Før årets sesong vart båten bunnsmurt.

Innreiing Framme i båten finn du ei sittegruppe med bord som kan senkast ned og gjerast om til ei romsleg seng. Bak i båten er det òg ei sittegruppe med eit stort bord, noko som gjer båten sosial og triveleg for fleire personar. Akterkabinen er førebels ikkje innreidd, og vert no brukt som lagerrom. har desverre ikkje puter til den heller.

Forbetringspunkt Det mest negative er at kalesja. den har sett betre dagar. Ho vil ha godt av nye plastvindauge og ein gjennomgang av saumane. Med ein slik service vil kalesja vere i god stand igjen.

båten passar godt for deg som ønskjer ein driftsikker og tradisjonsrik båt med god plass og ein motor du kan stole på, båten treng litt kjærleik men har særs godt potensiale til og bli ei prima snekke :)

usikker på kva årsmodell den er men eg trur det er rundt slutten av 70 tallet.

Eg er òg interessert i byte mot ein større båt!

send mld ved spørsmål.

Mvh Eiolf Velde