Peugeot 5008

Peugeot 5008 (2010-modell) med sju seter og 2.0 HDI-motor blir selt som den står (as is), som delebil eller reperasjonsobjekt. Ingen reklamasjonsrett. Har vore i dagleg bruk inntil nyleg, men på grunn av problem med dysene, er vår epoke med bilen over. Slik den står kan den ikkje køyrast, men den har mange nye delar ein kan bruke om ein er god på å skru og kan hente bilen på anna vis. PRIS: 17 500 ELLER BUD.  

Kjapp historie:

Vi har eigd bilen i nokre år. Har vore inne på sjekk på Carfix Åsane kvart år og skifta nokre slitedelar kvar gong. Har tidlegare skifta blant anna bremseklossar både framme og bak. Blei EU-godkjent for to nye år hausten 2024. Rett før godkjenninga gjorde vi følgjande: Skifta opphengskuler på begge sider framme og støvmansjett, ytre høgre. Dette gjorde vi privat. I tillegg gjorde verkstaden følgjande: Diagnostiserte feil på ABS/ESP. Fann feil på ABS sensor foraksel venstre, så den skifta dei. Dei skifta òg spylarpumpe for lyktespylar og ytre drivakselmansjett, høgre foraksel og reingjorde mellom dekk og felg.

I juli i år (2025) hadde vi den inne på kontroll før vi skulle køyre langt på ferie. Då gjorde dei følgjande:

Skifta bærekule på foraksel begge sider på grunn av slakk i kule. Skifta komplett bærearm med foringar foraksel. Skifta indre endeledd inkludert ytre endeledd på høgre foraksel. Demonterte bremser bakaksel for kontroll av årsak til heng. Reingjorde og smurte opp. Utførte hjulstilling. (Betalte cirka 16 000 kr).

Då vi henta bilen dagen etter at dette var gjennomført, la vi merke til ein ny lyd. Leverte den tilbake på verkstad med ein gong, og då viste det seg at ei dyse hadde blitt øydelagt. Skifta den (og røyret over), men då dei prøvekøyrde den etterpå, rauk truleg to andre dyser (verkstaden fekk opp feilmelding på dei). Vi bestemte oss difor for å gi opp denne bilen for vår del.

Bilen står per i dag på parkeringsplassen til Carfix Åsane. Dei har tatt ut igjen den nyaste dysa, så per no er det ei fungerande (men som sannsynlegvis må skiftast), to med feilmelding og ei som manglar.

Bilen er elles godt brukt og både dekk og bil har sikkert fleire manglar enn det eg har oppgitt her. Eine hjulet er kantkøyrt. Demparane bak burde ha vore skifta og air-condition har ikkje kald luft. Har gått veldig langt (250 000+ trur eg, har ikkje moglegheit for å sjekke) og har ein bulk bak ved ryggekameraet. Har vore ein del rusk, men slik er det med gamle bilar. Hadde same modell før denne, for det er få bilar som slår han når det kjem til plass og komfort for ein storfamilie. Sju-setar med enormt bagasjerom (om dei to bakerste seta ikkje er oppe) og god plass til både barneseter, vogner, bagasje og vaksne. Ta gjerne kontakt med meg om du har spørsmål, så skal eg svare så godt eg kan, men det er ikkje sikkert at du blir så mykje klokare av det.

Om ynskjeleg kan kjøpar òg få med to av desse demparane, som var eit bomkjøp. Passar ikkje til denne bilen (sjølv om det står at dei gjer det), men kanskje til eit anna prosjekt du har?

https://www.skruvat.no/reservedeler/chassisdeler/stotdemper/stotdemper-p1117508