Volvo XC60

Kjekk og god bil til sals på grunn av overgang til elektrisk bil.

Vi har hatt bilen i sju og eit halvt år, og har hatt stor nytte av denne praktiske bilen. Med firhjulstrekk og høg bakkeklaring har vi alltid kome oss fram dit vi ynskjer. Bilen er romsleg, og alle sit godt.

Bilen er 15 år, og ber sjølvsagt litt preg av det. Nokre bruksmerker, og litt småriper i lakken. Av litt større ting er det ulyd i startmotor og rust på hjulbuar framme som er det prekære. Startmotoren lagar litt lydar av og til under start - og ein må frå tid til anna prøve to-tre gongar. Vi hadde liknande feil på ein annan Volvo og det ordna seg etter skifte av startmotor. Prisvurderinga er sett ut i frå at der er litt småting som må gjerast. Elles har varmen i høgre speil ikkje fungert, men har ikkje gjort noko feilsøking på det heller - så kan vere berre ei laus ledning. Det bør også nemnast at det for eit par år sidan vart gjort ein enkel reparasjon av slange til vindusspylardyser framme, men det har fungert sidan. Dette er inga stor sak å fikse, men greitt å vite om.

Det vart ettermontert Webasto med SMS-styring i 2017 då vi kjøpte bilen. Denne fungerer bra, og det er kjekt å kome til varm bil. Den kan også køyrast manuelt inne i bilen om ein treng litt ekstra varme. Det er relativt kurant å skifte SIM-kort, eg kan hjelpe til med dette.

Felgane på sommardekka er uorginale, men fine - sjølv om dei har ein del bruksmerker. Vinterfelgar er originale Volvo. Sommardekka varer truleg ut sesongen i år - med mindre ein planlegg å køyre svært mykje; nokolunde det same med vinterdekka.

Det er ikkje DAB-radio i bilen, men ein fungerande media-tilkopling via USB (virkar på min iPhone). Elles er der bluetooth handsfree.

Av andre nyttinge ting kan det nemnast hengarfeste, isofiks, nedfellbare baksete (og passasjersete framme).

Registerreim vart bytta på 229 000 km i mars 2022.

Kom gjerne for å sjå på bilen, og ta ein prøvetur. Om du kjem reisande med fly er Hovden flyplass med relativt rimelege bilettar frå Oslo og Bergen eit godt alternativ - eg hentar deg gjerne der.