Scand Adriatic 27

Super familiebåt som har vore på ferieturar med vaksne og barn sidan 2003 (førre eigar) og 2012 (noverande eigar). Båten vert seld pga lite bruk dei siste åra og sannsynleg overgang til mindre båt.

Båten er romsleg og har stikkabin på tvers under i heile båtbredda med 2,5 sengeplass - 2 x 205 cm og 1 x 135 cm. Den midtre delen er noko kortare pga. dieseltanken, men passer godt til minstemann. I tillegg er det ein perfekt plass til å trekke seg litt unna for å få fred og ro,  både for liten og stor. Salongen framme kan gjerast om til sengeplass for to ved å felle ned bordet og legge ei tilpassa madrass oppå. I tillegg er det soveplass til to vaksne på solsenga bak.

Båten er godkjent for 14 personar og har ei svært funksjonell sofagruppering rundt bordet, spesielt med tanke på sofahjørnet som kan vippast inn. Dette gir mange sitjeplassar rundt bordet. Vidare er det muligheiter for bordsetning både i salong framme og ved solseng akterut.

Motor og drev er godt vedlikehaldne, med oljeskift minst annakvart år. Motoren er lettstarta, solid og driftssikker. AD41D gir lite eksos samanlikna med eldre modellar. Båten har vore lagra på land under presenning kvar vinter. Batteri, dynamo og lader er nye. Ny hovedbrytar for to batteribankar vart montert i 2023, saman med automatisk skillerelé for lading og batteriovervåking.

Det er montert Echopilot framoversjåande ekkolodd/sonar der ein kan sjå botnen framom båten. Dette er spesielt nyttig når ein går på ukjende plasser eller skal fortøye til land. Du ser kva som kjem før du treffer det! Echopilot er også såpass rask at den oppdaterer bildet etter kvart som du dreier båten. Svært nyttig verktøy! Transducer (giver) vart skifta i 2017, men det siste året har sonaren ikkje fungert. Det kjem opp feilmelding om feil spenning mellom instrument og transducer.

Ein eldre Wallas Marin Safeflame 1000 koketopp med to plater står montert i byssa, men har ikkje vore i bruk dei siste åra.

Gummibåt (Maritim 280) og Yamaha 5C påhengsmotor (2007) kan følgje med dersom ønskjeleg. Det same gjeld opplagskrybbe med underlag og sjølvlaga stativ for opplagspresenning.