Citroen C6

Etter snart sju år og 24.000km, vurderer vi no å selje vår fine Citroën C6 2.7 Exclusive for å «krympe» bilparken. Svært moderne, god og komfortabel bil. Det lyse skinninteriøret i denne utgåva er sjeldan. Bilen har også el. takluke med innertrekk. Kupéen verkar nesten som ny. Exclusive-versjonen har dei vakre dørlommene i mukantotre-finish. Hifi-anlegg frå JBL med 10 høgtalarar og CD-skifter i bagasjerommet. Anlegget kan også koblast til mobil for Dab-radio, Spotify, podcaster mm.

Headup-display med visning av fart og navigasjonsretning direkte i frontruta er standard på denne utgåva.

Bilen er i god stand og er godt vedlikehalden. (Service og rep. dokumentert i perm.) I skrivande stund fungerer visst det meste av utstyr. Tre sett originalfelgar (standard 18toms Roccastrada, blanke Diamond Cut Roccastrada og Atlantique) med gode dekk kan følgje med. Bilen er ein 2007-modell, reg. i -06.

C6 vart rekna som ein svært sikker bil då den kom på marknaden. 9 kollisjonsputer vernar om passasjerane ved ein kollisjon, og panseret skal heve seg ved ein eventuell fotgjenger-påkjørsel for å minske personskade.

På bagasjeromsluka er det ein automatisk spoiler som hevar og senker seg med farta. Dette for å betre aerodynamikk og gi lavare dieselforbruk. Forbruket har vore rimeleg for ein så stor og kraftig bil; frå 0,59-0,87l/mil. Citroën C6 er ein langtursbil av dei sjeldne, og har også vore presidentbilen i Frankrike i mange år. Då C6 vart planlagd og om sider sett i produksjon, vart det ikkje spart på mykje. Alt skulle vere av topp kvalitet. Prisen vart høg, og dei aller fleste bilane her i landet, er bruktimporterte. Nyprisen her var over 800.000kr i 2007.

Brukte C6-en til eit stort Citroën-treff på Inderøy i Trøndelag for to år sidan. Bilen gjekk fint, og det var ein behageleg tur på ca 100 mil. Forbruk på turen: 0,71l/mil.

I tillegg til vanleg service på merkeverkstad, har bilen fått m.a. ny registerreim (ved 141.000km), ny hydraulikktank, lanolin-behandling (antirust), nytt batteri og dynamo, nye bremseskiver bak, demontert og reinsa partikkelfilter, 4-hjulskontroll og justering av hjulstilling, fleire nye dekk og nokre nye delar i kjølesystemet. I fjor haust vart det ny, original hydraulikkpumpe. Ny EU-kontroll utført i april -26. Godkjend til mai -28.