Renault Twizy

- HØLJE ER DESSVERRE RESERVERT -
Etter snart tre gode år er det på tide å skile lag med «Hølje». Livet på gard med to små barn er ikkje heilt kompatibelt med ein slik urban doning, så sjølv om det er morosamt å ta veslebilen på butikken er det betre at nokon andre får glede av han.
Hølje er ein 2013-modell med eit ekstra stort batteri laga av sjølvaste Kenneth Nilsen (mannen bak Twizy Powerbox). Det betyr at reell rekkevidde er rundt 10 mil, i kontrast til dei originale 6-7. Med Powerbox er også kreftene meir til stade, og under gode vindtilhøve kan farten faktisk bryte tresiffer-barriera.
I mitt eige har eg oppgradert til hardplast Korea-vindauge og LED-lykter, samt investert i jekk, verktøysett og kritisk vintertilbehør (les: Saueskinn frå Biltema) som godt kan fylgje med. Ny høgrehendel ved rattet fylgjer også med, då kontakten til varmetråd-brytaren er dårleg - men eg har ikkje hatt tid til å montere denne. Det fylgjer au med vinterhjul, mjukplastvindauge og original blåtann. Ikkje minst får ein au med seg det originale batteriet frå Renault.
Kilometerstanden er ikkje eksakt, dels fordi eg ikkje har fått satt inn nytt 12V Lithium-batteri og dels fordi programvareendringa som styrer batteri og motor gjer at at er ein kilometers avstand ikkje lenger er nøyaktig ein kilometer. Køyrelengde må derfor takast med ei klype salt. Bilen er generelt i god stand (til å vera fransk).
Denne kosta oss 61.000 i 2019, og er vanskeleg å prissette då bilen er blant dei eldre - men samtidig unik. Mindre lading og mindre rekkeviddeangst har au ein verdi. Eg tek derfor mot både bud og prisforslag!
Hølje står i Seljord i Telemark, men kan au fraktast innover mot Oslo då eg er innanfor kvar veke.