Pedagogisk psykologisk rådgjevar 100% vikariat

Eining Barn og familie - er ei av 21 einingar i sektor oppvekst. Eininga er delt inn i fem avdelingar: Barnevern, helsestasjon, PPT, avdeling for Familiestøtte og Villatoppen Avlastningsbustad. Eininga held til i lokalar på Husnes tenestesenter på Husnes.

Om stillinga:

Eining barn og familie har ledig 100% vikariat som Pedagogisk psykologisk rådgjevar ved PP-tenesta frå 08.11.24 og ut året 2025. Vi søkjer deg som likar å jobbe saman med barnehagar og skular i utvikling av eit inkluderande oppvekstmiljø for alle barn og unge.

PP-tenesta legg vekt på å støtte barnehagane og skulane i arbeidet med ein inkluderande praksis. Vi har faste dagar ute i barnehagane og skulane, der fokus er rettleiing og støtte i arbeidet med førebygging, fange opp og følge opp.

Du som har tru på at proaktiv, inkluderande og positivt arbeid er vegen å gå for å leggje godt til rette for trivsel og utvikling for alle, bør søkje.

Arbeidsoppgåver:

Hovudarbeidsoppgåver for stillinga:

• Varierte arbeidsoppgåver i samsvar med barnehage- og opplæringslova
• Samarbeide med barnehage og skule i arbeidet med ein inkluderande praksis
• Støtte og rettleie barnehage og skule i arbeidet med kompetanse- og organisasjonsutvikling
• Rådgjeving og rettleiing innan ulike spesialpedagogiske fagområde
• Deltaking i ressursteam
• Sakkunnig arbeid
• Tverrfagleg samarbeid med andre hjelpetenester

Kvalifikasjonar:

Pedagogisk, psykologisk eller sosialfagleg grunnkompetanse på høgskulenivå med vidareutdanning innan spesialpedagogikk, pedagogikk, pedagogisk psykologisk rådgjeving, eller cand. psychol.

• Det er ein fordel med erfaring med arbeid i grunnskule
• Det er ein fordel med utgreiingskompetanse innan ulike lærevanskar
• Evne og vilje til å arbeide målretta, strukturert og sjølvstendig, samt ha samhandlingskompetanse
• Kompetanse og erfaring med organisasjonsutvikling er ein fordel
• Erfaring frå PPT eller anna rettleiing/rådgjevingsteneste er ein fordel
• Søkjar må kunne arbeide tverrfagleg
• Søkjar må ha god kunnskap i norsk skriftleg og munnleg
• Personlege eigenskapar vert vektlagt ved tilsetjing

Den som vert tilsett må ha sertifikat og disponera bil.

Vi tilbyr:

• Tilsetjing skjer etter gjeldande vilkår for kommunale arbeidstakarar i samsvar med HTA og AML
• Pensjonsordning, ulykkes- og gruppelivsforsikring gjennom KLP
• Kvinnherad kommune er ei IA-verksemd
• Faglege utfordringar i eit godt arbeidsmiljø
• Utfordrande og varierte arbeidsoppgåver
• Rettleiing
• Fleksitid
• Løn etter kvalifikasjonar. Relevante funksjonstillegg vil verta vurdert.
• Dekning av flytteutgifter etter nærare reglar
• Kvinnherad kommune har gratis SFO og reduserte barnehageprisar

Det er krav om gyldig politiattest før du tiltrer i stillinga. Kravet er heimla i lov om barnevern § 12-11, opplæringslova § 17-11, lov om barnehagar § 30, Helsepersonellova § 20 og helse- og omsorgstjenesteloven § 5-4.

Link til søknadsskjema: Søk her