Assistent til fast helgestilling alderspsykiatri 

Psykiatrisk Klinikk er ein av seks klinikkar i Divisjon psykisk helsevern. Klinikken har to avdelingar som er lokalisert i Glasblokkene på Haukelandsområdet: Avdeling psykosomatisk medisin og Avdeling spiseforstyrringar. Seksjonen er organisert under avdeling psykosomatisk medisin.

Seksjon for alderspsykiatri greier ut og behandlar pasientar med alvorlege psykiske lidingar som debuterer etter fylte 65 år. Alderspsykiatriske lidingar er kjenneteikna ved at det er nær samanheng mellom psykiatrisk og somatisk sjukdom, og psykiatrisk sjukdom og biologiske, psykologiske eller sosiale aldringsfenomen. Døme kan vere alvorleg depresjon, psykose, invalidiserande angstliding og akutt forvirringstilstand.

Seksjonen har ei døgneining med 12 sengeplassar. Seksjonen har i tillegg polikliniske og ambulante tenester. Seksjonen er no lokalisert i Glasblokkene på Haukeland universitetssjukehus.

Seksjon for alderspsykiatri er ein arbeidsplass der ein får erfaring med både psykiatrisk og somatisk oppfølging av pasientar. Her kan ein opparbeide seg verdifull erfaring som student innanfor helsefag.

Døgneininga har frå midten av august ledig faste helgestillingar for pleieassistent med arbeid pt. i todelt turnus kvar 3.helg.

Arbeidsoppgåver

• Psykiatrisk og somatisk oppfølging av pasientar i tråd med eksisterande behandlingsplanar
• Legge til rette for aktivitetar og delta i desse saman med pasientane
• Praktiske oppgåver knytta til daglege drift

Kvalifikasjonar

• Student i utdanningsforløp innan sjukepleie, psykologi, medisin eller andre helsefagutdanningar er eit minimumskrav. Sjukepleiarstudentar vært oppmoda om å søkje.
• Erfaring frå helsearbeid med pasientkontakt innan geriatri/psykiatri er ein fordel
• Må meistre norsk flytande, munnleg og skriftleg. Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått Bergenstesten, eller annan norsktest på B2-nivå. Dokumentasjon må leggast ved søknad
• God IKT-kompetanse
• Det blir lagt vekt på at du er personleg eigna for stillinga spesielt med tanke på haldningar, motivasjon og kommunikasjon

Vi tenker at du:

• Kommuniserer og samarbeider godt med pasientar, pårørande og kollegaer
• Tar personleg ansvar for at oppgåver blir gjort
• Søker aktivt råd og rettleiing og kjenner eigen kompetansegrense
• Arbeider strukturert, men har samstundes evne til å vere fleksibel

Vi tilbyr deg:

• Eit inkluderande, tverrfagleg kollegie med spesialisert fagkompetanse
• Kurs i MAP (møte med aggresjonsproblematikk)
• Moglegheit for oppbygging av unik erfaringskompetanse
• Lønn i samsvar med gjeldande overeinskomst

Mangfaldserklæring
Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Kontaktinformasjon

Carina Orvedal Lønne, Seksjonsleiar, 55 97 45 35

Arbeidsstad

Haukelandsveien 22

5021 Bergen

Nøkkelinformasjon:

Arbeidsgivar: Helse Bergen



Referansenr.: 4817567429

Stillingsprosent: 15, 21%

Fast

Startdato: 19.08.2024

Søknadsfrist: 09.06.2024