Faste fulltidsstillingar for radiografar

Radiologisk avdeling Ålesund søkjer radiografar! Vi har ledig 2 faste fulltidsstillingar ved Ålesund sjukehus.

Avdelinga vår er ei fellesavdeling for radiologi for Ålesund og Volda, og har ansvar for det radiologiske tilbodet til pasientar på Sunnmøre. Vi tilbyr eit breitt utval av undersøkingar innan røntgen, ultralyd/doppler, CT, MR, beintetthetsmåling og nuklærmedisin med PET-CT og SPECT-CT. Vi har ein topp moderne intervensjonslab for generelle og avanserte intervensjonar, inkludert EVAR. Ålesund har også brystdiagnostisk senter for mammografiscreening og kliniske undersøkingar. Vi har høg produksjon, og dekker dagleg fagområder innanfor lunge, hjarte, urologi, gastro, gynekologi, muskel- og skjelett, barneradiologi, nevro/ØNH, og brystdiagnostikk.

I avdelinga finn du ein god kombinasjon av unge og erfarne radiografar, eit hyggeleg sosialt miljø og engasjerte kollegaer. Vi søker deg som likar faglege utfordringar, er lærevilleg og kan medvirke positivt i avdelinga, både fagleg og sosialt.

Ikkje kjent i området? Sunnmøre er eit eldorado av fjordar, fjell, vakre byar, historie, kulturliv og aktivitetar både for vaksne og born. På Sunnmøre vil du trivast! Med Ålesund som utgangspunkt har du kort veg, både til høge fjell og til sjø, samt nærleik til flyplass (ca 25 min fra sjukehuset) som byr på gode høve for å nå destinasjonar i både innland og utland. Ålesund og Sunnmøre - der fjell og fjord møter hav!

Høyrast dette lovande ut? Send oss ein søknad, vi vil gjerne høyre frå deg!

Helse Møre og Romsdal HF ynskjer at medarbeiderane våre skal speile mangfoldet i befolkninga, og vi oppfordrar kvalifiserte til å søke hos oss uansett kjønn, alder, funksjonshemming, nasjonal eller etnisk bakgrunn. Det samme gjeld dersom du har hatt eit opphold i arbeidslivet.

I tillegg til søknad og CV, ber vi om at du legg ved dokumentasjon på vitnemål, arbeidserfaring og referansar. Dette for å dokumentere kvalifikasjonar som kjem fram i CV, og til å fastsette lønn.

Ved evt. internt opprykk vil vikariat bli ledig. Intervju vil bli gjort fortløpande. Oppstart etter avtale med seksjonsleiar.

Arbeidsoppgåver

• Radiograffaglege oppgåver i ei avdeling med variert drift
• Deltaking i gjeldande vaktordning
• Ta del i oppgåver som til ei kvar tid ligg til avdelinga, i samarbeid med andre profesjonar og einingar. Kontor/ekspedisjonsarbeid kan verte aktuelt for visse periodar

Kvalifikasjonar

• Norsk autorisasjon som radiograf
  
• Relevant erfaring blir vektlagt
  
• Vidareutdanning er ønskeleg, men ikkje noko krav
  
• God meistring av norsk språk, både muntleg og skriftleg

Personlege eigenskapar

• Vi ønskjer ein initiativrik og fagleg engasjert person
  
• Du må ha evne og vilje til samarbeid i ein aktiv arbeidskvardag, og medvirke til eit positivt og godt samarbeidsmiljø
  
• Du må vere nøyaktig og ha god arbeidskapasitet
• Personlege eigenskapar vil bli vektlagt ved tilsetting

Vi tilbyr

• Inkludering i ei avdeling med store ambisjonar for framtida, på eit sjukehus som i 2025 får nybygg for akuttmottak, operasjon og intensiv.
• Sterkt tverrfagleg samarbeid
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår
• Ein arbeidsplass midt i eit eldorado av opplevingar, både når det gjeld natur og kultur
  

Kontaktinformasjon

Lisa Steinberg, Seksjonsleiar, 70105533, Lisa.Steinberg@helse-mr.no

Arbeidsstad

Åsehaugen 5

6017 ÅLESUND

Nøkkelinformasjon:

Arbeidsgivar: Helse Møre og Romsdal HF



Referansenr.: 4817226687

Stillingsprosent: 100%

Fast

Søknadsfrist: 11.06.2024