Sommarvikar Vindafjordtunet/Ølen Omsorgssenter

Me søker:

Me søker deg som vil vera sommarvikar på anten Vindafjordtunet eller Ølen omsorgssenter.

Du kan velje mellom korttid, somatisk langtid, demensomsorga eller natt ( her må du vera over 18 år).

Særskilt gjeld dette vekene 29-33!

Hovudarbeidsoppgåver:

• Ivareta generell pleie og omsorg til bebuarane våre- herunder førebygging, behandling og rehabilitering.
• Stell og dagleg pleie
• Hjelp og bistand i måltider
• Praktiske oppgåver- serviceoppgåver i avdeling
• Aktivitets motivator for våre bebuarar!

Kvalifikasjonar:

• Helsefagleg autorisasjon og bakgrunn er ønskjeleg.
• Søkerar utan formell utdanning men med erfaring og /eller interesse for faget vert og vurdert.
• Grunnleggande datakunnskap
• Gode munnlege og skriftlege norsk-kunnskaper.

Personlege eigenskapar:

• Fleksibel og lærevillig
• Blid og serviceinnstilt
• Etterspør veiledning ved behov
• Gode samarbeidsevner
• Engasjert og effektiv- ser kva som kan bli gjort og tar muligheita for å gå ein tur, lese, spele med bebuarane våre!

Me kan tilby:

• Variert arbeid i eit positivt miljø
• Faglege utfordringar og utvikling som fagperson
• God opplæring og samarbeid med andre
• Rabatt på treningssenter
• Bedriftskunstlag
• Kommunalt kor, KORe’ Vindafjord (www.korevindafjord.no)
• Gode forsikrings- og pensjonsordningar (frå løna vert det trekt 2 % innskot til pensjonsordning)

Lønsvilkår:

Løn etter gjeldande tariff og avtaleverk.

Andre opplysningar:

Vindafjordtunet ligg i Nedre vats og er delt i to avdelingar; Somatisk Langtid med 14 plasser og Demensomsorga med til saman 34 plasser igjen fordelt på 2 avdelingar.

Ølen omsorgssenter ligg sentralt i Ølen og har Somatisk Langtid med 14 plasser og Korttid/rehab med 13 plasser.

På natt arbeidar du på heile huset i lag med sjukepleiar og helsefagarbeidar samt nattpatruljen. Her må du vera 18 år for å søke.

Som sommarvikar er det forventa at du arbeidar kvar 2-3 helg på dag/kveld eller natt. Det er ulike vaktordningar med ordinære vakter men og med langvakter. For å arbeide langvakter må du vera fylt 18 år. Hugs å spesifiser kvar du vil arbeide; omsorgssenter og avdeling.

Du vil kunne arbeide ekstra utover din arbeidsprosent om den er under 100%.

Kontakt oss gjerne om du har spørsmål og vil vite noko meir!

Heng med OSS i sommar og me kan love meiningsfulle og innhaldsrike dagar! Hjarteleg velkommen :)

Ved arbeid i barnehage, skule, barnevern, helse og omsorg, skal det leggast fram godkjent politiattest. Ved arbeid i barnehage, skule eller helse og omsorg skal det leggast fram godkjend dokumentasjon på tuberkulinkontroll før oppstart i jobb dersom du har budd eller opphalde deg i land med høg tuberkuloseførekomst i meir enn tre månadar. Personell i helse og omsorg legga fram helseopplysningsskjema i høve til MRSA.

Slik søker du:

Vindafjord kommune tek berre i mot elektroniske søknadar via søknadssenteret vårt. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.

Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.