Genetisk rettleiar vikariat 

Ved Avdeling for medisinsk genetikk er det ledig vikariat som genetisk rettleiar frå 01.08.2024 til 31.07.2025. Anna oppstartsdato kan avtalast.

Avdeling for medisinsk genetikk (MGM) er ei av åtte organisatoriske einingar i Laboratorieklinikken, Haukeland universitetssjukehus. Avdelinga har regionansvar for genetiske tenester i Helse Vest. Vi har omlag 90 tilsette med ulik yrkesfagleg bakgrunn, og vi er organisert i ein seksjon for klinisk genetikk, ei laboratorieeining med tre seksjonar og ein merkantil seksjon. Regionalt kompetansesenter for arveleg kreft (RKAK) og Regionalt senter for presisjonsmedisin er også knytta til avdelinga. Vi held til i lyse og trivelege lokale i 6. etasje i Laboratoriebygget, medan vår Medisinsk-genetiske poliklinikk er lokalisert til 2. etasje i same bygg.

Verksemda er kjenneteikna av tett integrering mellom klinikk og laboratorium for diagnostisk utgreiing, rettleiing og oppfølging av pasientar og deira familiar med sikker eller mistenkt genetisk tilstand. Fagområdet medisinsk genetikk er i rask endring, basert på ny teknologi som gjer det mogleg å analysere alle dei genetiske variantane til et menneske i éin prøve. Gjennom utviklinga av persontilpassa medisin forventar vi at raskt aukande kunnskap om variasjon i arvestoffet vil få stor innverknad på medisinsk praksis i framtida. Forsking er ein viktig del av vår verksemd.

Arbeidsoppgåver

• Genetisk utgreiing og rettleiing i hovudsak av pasientar innanfor arveleg kreft, under supervisjon av genetisk rettleiar eller lege
  
• Undervisning og informasjonsarbeid retta mot anna helsepersonell, pasientar, pårørande og allmennheita utgjer også ein viktig del av verksemda vår
  

Kvalifikasjonar

• Relevant utdanning: Mastergrad i genetisk rettleiing eller spesialsjukepleiar med spesialitet knytta til kreftomsorga, til dømes palliasjon eller kreftsjukepleie
  
• Klinisk erfaring frå kreftomsorga er ein føresetnad
  
• Omfattande erfaring med å rettleie pasientar og deira familiar
  
• Erfaring med bruk av elektronisk pasientjournal
• Gode IKT-kunnskapar og evne til å lære nye datasystem
  
• Søkar må meistre norsk eller eit anna skandinavisk språk munnleg og skriftleg
  

Personlege eigenskapar

• Ansvarsmedviten og systematisk
• Effektiv, lærevillig og fleksibel
• Gode kommunikasjonsevner
• Gode samarbeidsevner

Vi tilbyr

• Lønn i samsvar med gjeldande overeinskomst
• Triveleg arbeidsmiljø
• Høgt fagleg nivå
• Fagleg og personleg utvikling
• Fleksibel arbeidstid
• Ein arbeidsplass som er ei inkluderande arbeidsliv-bedrift (IA-bedrift)

Mangfaldserklæring
Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Kontaktinformasjon

Cathrine Bjorvatn, Seksjonsleiar, 55975475

Øyvind Thorgrimsen-Stensvold, Seksjonsleiar, 99742216

Arbeidsstad

Haukelandsveien 22

5021 Bergen

Nøkkelinformasjon:

Arbeidsgivar: Helse Bergen



Referansenr.: 4817238753

Stillingsprosent: 100%

Vikariat

Startdato: 01.08.2024

Sluttdato: 31.07.2025

Søknadsfrist: 02.06.2024