NAV Vestnes søkjer rettleiar - 80 % stilling

NAV Vestnes har ledig ei 80 % fast kommunal stilling som rettleiar. Vi søker etter deg som er opptatt av å rettleie og motivere menneskjer som er i ei omstillingsfase på grunn av arbeidsledigheit, helse- og/eller sosiale utfordringar. Vi ønsker oss løysingsorienterte medarbeidarar som har gode kommunikasjonsferdigheiter og evne til å handtere menneske i ulike livssituasjonar. Det blir lagt vekt på bistand til sjølvhjelp, tidleg innsats og andre aktivitetar som kan føre til utdanning og jobb. Vi har behov for ein medarbeidar som er engasjert, motiverande, ansvarsfull, fleksibel og endringsvillig. NAV Vestnes er ein spennande arbeidsplass med motiverte rettleiarar som i stor grad arbeider heilskapleg på tvers av kommunale og statlege oppgåver. Vi samhandlar med eit mangfald av arbeidsgjevarar, samarbeidspartar og brukarar som treng ulike tenester, rettleiing og oppfølging. Gjennom vår innsats skal fleire av kommunen sine innbyggjarar få moglegheit til å være i arbeid, delta i samfunnet og være sikra inntekt.

Vestnes kommune har ca 7000 innbyggjarar og ligg på sørsida av Romsdalsfjorden, midt mellom byane Ålesund og Molde. Vestnes kommune er «midt i blinken» for alle som er glade i natur- og friluftsliv.

Ved NAV Vestnes er det 14 medarbeidarar fordelt på statlege og kommunale tenester.

Arbeidsoppgåver
• Marknadsarbeid
• Oppfølging og rettleiing av brukarar mot arbeid og aktivitet
• Motivasjonssamtaler, rettleiing digitalt og i samtaler på NAV-kontoret
• Sakshandsaming etter folketrygdlova, NAV-lova, arbeidsmarkedslova og lov om sosiale tenester i NAV
• Samhandling med arbeidsgjevarar, tiltaksarrangørar, fastlegar og andre aktuelle samarbeidspartar
• Samarbeid på tvers i kontoret og i eige team, der ein deler kunnskap og erfaring, samt samhandling om oppgåveløysing
• Bruke NAV sine dataverktøy og fagsystem både til møtearena, dokumentasjon av oppfølging, behovsvurderingar, sakshandsaming og arkiv

NAV er i endring og omstilling, så det kan bli endring av arbeidsoppgåver

Kvalifikasjonar
• Minimum bachelor eller tilsvarande, gjerne innan psykologi, samfunnsfag, helse- og sosialfag, juridiske fag eller statsvitenskap. Lang relevant erfaring kan i særlige tilfelle kompensere for utdanningskravet.
• God munnleg og skriftleg kommunikasjonsevne
• Beherske norsk munnleg og skriftleg
• God digital kompetanse. Evne å raskt sette deg inn i nye systemer og arbeidsmetodar
• Rettleiingskompetanse

Det er i tillegg ønskeleg at du har
• Erfaring fra oppfølgings- og endringsarbeid
• Inkluderingskompetanse
• Erfaring fra sakshandsaming og lovbruk
• Erfaring frå NAV er ein fordel
• Innsikt og forståing av NAV si rolle i samfunnet
• Kjennskap til lokalt og regionalt arbeidsmarknad
• Førarkort

Personlege eigenskapar
• Fleksibel og tilpassingsdyktig med evne til omstilling
• Evne til å skape gode relasjonar og ta initiativ
• Være sjølvstendig, effektiv og arbeide systematisk og heilskapleg
• Løysningsorientert og beslutningsdyktig
• Tydelig og god på å kommunisere
• Motiverande og inkluderande
• Engasjert, interesse for marknadsarbeid og vårt samfunnsoppdrag, ansvarsmedviten, fleksibel og endringsvillig
• Personleg eignaheit og motivasjon for stillinga vil bli tillagt vekt

Vi tilbyr
• Spennande og meiningsfylte arbeidsoppgåver innan eit viktig samfunnsområde
• Eit aktivt og engasjert arbeidsmiljø
• Ein dynamisk arbeidsplass med vekt på utvikling og kunnskapsdeling
• Fleksitidsordning
• Opplæring, kurs og kompetanseheving
• Kommunen er IA-bedrift og har fokus på nærværsarbeid
• Pensjons- og forsikringsordningar etter tariffavtale
• Løn etter gjeldande avtaleverk

Tilsettingsvilkår
Løns- og tilsetjingsvilkår i samsvar med gjeldande avtaleverk. Det vert trekt 2 % av lønna i pensjonsinnskot.
Kommunen har prøvetidsevaluering. Prøvetida er 6 månader i faste stillingar. Ved tilsetting som krev politiattest skal denne ikkje vere eldre enn 3 månader.

Aktuelle søkjarar vert innkalla til samtale eller intervju.

Referansar
Oppgi referansar

Søknad
Vestnes kommune nyttar elektronisk søknadsprosess. Attestar og vitnemål må takast med til intervju.