100% fast stilling som ungdomskoordinator i Vinje kommune

Har du engasjement og hjarte for ungdom og ungdomsarbeid? Då kan dette vere ein jobb for deg!

Me søkjer deg

• som brenn for at ungdom skal ha ei givande og trygg ungdomstid
• som er trygg, tydeleg og tillitsfull i vaksenrolla blant ungdom
• som har ein pedagogisk og fagleg tilnærming til arbeid med barn og ungdom
• som er fleksibel, kreativ, strukturert og serviceinnstilt
• som er god på samarbeid med andre, både i prosjektarbeid og med utvikling over tid
• som likar at det skjer mykje, og er god på å få både ungdomar og andre med deg på laget
• som er allsidig og fleksibel, med stor gjennomføringsevne

Denne stillinga er ein spennande kombinasjon av administrasjon og aktivt ungdoms- og kulturarbeid, under den kommunale verksemda kultur og fritid. 30% av stillinga er som SLT-koordinator for Vinje kommune.

Dei viktigaste ansvarsområda i stillinga er:

• Ungdomsarbeid i Vinje kommune
• Oppfølging av ungdomsrådet i Vinje kommune
• Samordning av lokale rus- og kriminalitetsførebyggjande tiltak (SLT) -- sjå konfliktraadet.no/SLT-modellen for meir informasjon
• Barnerepresentant i plansaker i Vinje kommune
• Handsaming av politiske saker som omhandlar ungdomsarbeid
• Oppfølging av Vinje kommunes ungdomsstrategi
• Vere til stades på ungdomsklubbane i Vinje, koordinere felles aktivitet og vere kontaktpunkt inn mot kommunen
• Organisere ferieaktivitetar for barn og unge
• Samarbeid med andre kommunar i Vest-Telemark
• Koordinere ungdomsundersøkingar som til dømes Ungdata

I tillegg til ansvarsområda kjem det generelt kommunalt administrasjonsarbeid og tett samarbeid med dei andre fagområda i kommunalområdet, som til dømes næring, bibliotek, kulturskule, idrett, friluftsliv og kulturadministrasjon. Som SLT-koordinator har ein ei etablert arbeidsgruppe å støtte seg til.

Ungdomskoordinator har ansvar for sin eigen del av budsjettet til kultur og fritid.

Kva kvalifikasjonar ser me etter i deg?

• Utdanning på høgskule- eller universitetsnivå. Relevant erfaring frå liknande arbeid kan kompensere for manglande utdanning.
• God kjennskap til skulesektoren
• Erfaring med prosjektarbeid og økonomistyring
• Oppdatert på sosiale medium og nye trendar
• Du har stor arbeidskapasitet og er budd på å måtte brette opp ermene og arbeide på kveld og i helg ved arrangement og liknande
• God kunnskap om kulturfeltet og erfaring med å arrangere store og små arrangement
• Trygg på bruk av programvare som til dømes Office og rask til å orientere deg i ny programvare
• Du må kunne arbeide sjølvstendig og strukturert, samstundes som du har evne til å oppnå resultat i samarbeid med andre
• Gode nynorskkunnskapar og god formidlingsevne, både munnleg og skriftleg
• Førarkort klasse B (og disponere eigen bil)

Det vil bli lagt stor vekt på personlege eigenskapar i vurderinga av alle søkjarar.

Det er krav om politiattest.

Me kan tilby

• Løn etter avtale
• Gode forsikrings- og pensjonsordningar
• Hjelp til å skaffe husvære
• Gode barnehagetilbod

I samsvar med offentleglova § 25 kan namn på søkjarane offentleggjerast.

Nærare opplysningar om stillinga ved verksemdsleiar kultur og fritid Kristian W. Rantala på telefon 949 83 823 eller e-post kristian.rantala@vinje.kommune.no

Søknad vert å sende på elektronisk skjema, sjå Vinje kommune sine heimesider.

Søknadsfrist: 2. juni 2024