Leiar for skulefritidsordninga

Om stillinga

Det er for tida ledig stilling som leiar for skulefritidsordninga (SFO) på Aurland barne- og ungdomsskule. Stillinga har eit omfang på 70% og ein føl ordinært arbeidsår. Me vil legge til rette for å kombinere stillinga som SFO-leiar med ei 30% stilling som assistent/fagarbeidar i skuletida dersom det er ynskeleg med 100% stilling.

Stillinga inngår i skulen si leiargruppe som er sett saman av rektor, inspektør, kulturskulerektor og lagleiarar for barnetrinnet og ungdomstrinnet. Rektor vert SFO-leiaren sin næraste overordna.

SFO ved ABU disponerer flotte lokale med godt tilrettelagte leikerom og kjøken. SFO nyttar seg og av andre lokale på skulen når det er hensiktsmessig. Ved visse høve vert Aurlandshallen eller symjehallen nytta som ein del av tilbodet til borna med SFO plass.

Det er store og gode uteareal som legg til rette for både fri og styrt leik.

Det er pr. i dag ca. 50 born og rundt 11 tilsette. Miksen av ulike fagkompetansar er stor og me har eit personale som aktivt jobbar for å tilby born som går på SFO gode, innhaldsrike og utviklande timar på SFO.

Det er to grunnskular i Aurland kommune, Abu og Flåm skule. Dei er organisert med kvar si avdeling i kommunalområde oppvekst, i tillegg til Aurland barnehage, Flåm barnehage, skulehelsetenesta og Aurland og Lærdal barnevern.

Abu har omlag 125 elevar frå 1. til 10. klassetrinn. Skulen ligg sentralt til i kommunesenteret og har god tilgang på ulike idrettsanlegg, natur og lokale samarbeidspartnarar.

Skulane våre arbeider kontinuerleg for å betre læringsmiljøet, i tillegg til å styrke elevane sin faglege og sosiale kompetanse.

Eit av måla våre er at elevane skal oppleve meistring, ha ei positiv utvikling og tru på seg sjølv. Me jobbar aktivt for at skulane skal ha ein høg fagleg kvalitet og tydeleg verdiprofil.

Aurland barne- og ungdomsskule er "ein skule for alle med blikk for den enkelte"

Visjonen til skulen vert konkretisert gjennom desse fire tematikkane:
*Kunnskap og læring
*Respekt og toleranse
*Trivsel og tryggleik
*Samarbeid og engasjement

Arbeids- og ansvarsområde

• Planlegge drift og lede det daglege arbeidet ved skulefritidsordninga
• Utvikle overordneda mål, strategier og årsplanar for skolefritidsordninga i samarbeid med rektor og øvrige tilsette
• Ha ansvar for at leik, kultur- og fritidsaktivitetar med utgangspunkt i barns alder, funksjonsnivå og interesser er i samsvar med rammeplanen og vedtektene til SFO
• Ansvar for at born med spesielle behov får den oppfylginga den skal
• Representere skolefritidsordninga i fora utenfor og tilknytt skulen
• Gjennomføre brukarundersøkingar og foreldremøte
• Delta i skulen sin leiargruppe og sjå til at planar, lover og vedtekter for SFO vert fulgt
• Ha ansvar for det administrative ansvaret knytt til økonomi, SFO-opptak, innkjøp at mat og anna inn mot drifta til SFO
• Ha ansvar for personalorganiseringa, personaloppfølging og vikarhåndtering
• Hovedansvar for informasjon og samarbeide med føresette, tilstøytande faginnstansar og kontakt med andre tilsette i skulen der det er formålsteneleg

Kvalifikasjonar

• Relevant pedagogisk utdanning
• Kjennskap til leiing, økonomistyring, regnskap og budsjettarbeid
• God digital kompetanse
• Kjennskap til og forståelse for korleis jobbe med utvikling av det pedagogiske opplegget gjennom rammeplanen for SFO

Personlege eigenskapar

• du er ein kvalitetsbevisst, dynamisk og relasjonsbyggjande leiar som har engasjement for å leie og inspirere medarbeidarar og born
• du trivast med å leie andre, ta ansvar og er trygg i leiarrolla
• du arbeider sjølvstendig og tek ansvar, samstundes som at du er ein lagspelar som bidreg til at andre lykkast
• du er robust, fleksibel og uthaldande i ein hektisk arbeidskvardag
• du har evne til å tenkje heilhetleg og tverrfagleg rundt barna sitt oppvekstmiljø
• personleg eigenskapar for stillinga vil bli sterkt vektlagt

Våre verdiar er: L-Æ-R, som står for Likeverd, Ærlegdom og Respekt.

Me tilbyr

• Ei utfordrande stilling med moglegheit for utvikling og fagleg påverknad
• Bli ein del av ein triveleg arbeidsplass der arbeidsmiljø står i sentrum
• Gode pensjons- og forsikringsordningar
• Løn etter tariff
• Gratis inngang til treningsrom i Aurlandshallen
• Gratis inngang til symjehallen
• Hjelp til å skaffe bustad
• Hjelp til å skaffe jobb til partnar

Sjå gjerne informasjonsbrosjyre om kommunen vår her.

Løns- og tilsetjingsvilkår

• tilsetting, løn og arbeidsvilkår er i samsvar med gjeldande lovver, reglement og tariffavtale
• politiattest må framskaffast etter opplæringslova, og må leverast før du byrjar i stillinga

Krav til språk

Du bør kommunisere godt på norsk, både munnleg og skriftleg. Aurland kommune nyttar nynorsk som målform.

Generell informasjon

Aurland kommune praktiserer meiroffentlegheit og kunngjer forenkla søkarlister til ledige stillingar. Søkarar, som har oppmoda om at namnet blir unnateke søkarlista, må krysse av for dette og grunngje valet i søknadsteksten. Me tek kontakt med søkarar som har bedt om dette, dersom me meinar at grunngjevinga ikkje er tilstrekkeleg.

Mangfald kan gje oss eit breiare perspektiv. Medarbeidarar med ulik livserfaring og fagkombinasjonar kan gjere oss i stand til å finne gode løysingar i kommunen vår. Me oppfordrar derfor alle til å søke jobb utan omsyn til alder, kjønn, funksjonsevne eller etnisk bakgrunn. Du er også velkomen til å søke sjølv om du ikkje kan syne til ei samanhengende yrkeskarriere.

Me ynskjer deg velkomen som arbeidssøkar i Aurland kommune.