Avdelingsleiar ved Vik- bygde og sjukeheim - 2. gangs utlysing

Me har ledig

Nyoppretta 100% fast stilling som avdelingsleiar ved Vik bygde- og sjukeheim. Avdelingsleiar inngår i årsturnus, med arbeid kvar 3. helg, og gjennomsnittleg 1 fleksibel dag per veke i avdeling. Utanom arbeidshelga er stillinga dagtid.

Kommunen tilbyr tilskot til flytting og buutgifter kr. 40 000,- årleg i to år.

Stillinga som avdelingsleiar er underlagt tenesteleiar for institusjonstenester. Tenesta består av:

• Vik bygde- og sjukeheim
• KAD-seng
• Kjøkken og vaskeri

Om tenesta

Helse- og omsorgstenesta er midt i eit stort og spanande byggjeprosjekt der alle tenester etter kvart skal flytte inn i nye moderne bygg med høg standard -- Vik helse- og omsorgssenter (VHO), der me legg til rette for framtidas utfordringar i eldreomsorga.

Som fagsjukepleiar på institusjon vil du få ei viktig rolle i å bidra til å utvikle helse- og omsorgstenestene i Vik. For tida driv sjukeheimen i mellombelse lokale og har 36 plassar for langtid, korttid og avlastning. 12 av plassane er i nybygg, 24 av plassane skal flyttast frå noverande lokale og inn i nybygg omkring februar 2025. Når byggeprosjektet er ferdig i 2026 består sjukeheimen av 5 små bugrupper, der tre av gruppene er særleg retta mot pasientar med demens eller anna type kognitiv svikt, medan to grupper er retta mot somatisk sjuke med behov for langtids og kortidsplassar på sjukeheim.

Me yter tenester til alle typar pasientgrupper, og jobbar mellom anna med demensomsorg, rehabilitering og avlastning, samt behandlingar retta mot kroniske, somatiske tilstandar. Me har eitt KAD-rom, og eitt rom for lindrande behandling, som også er med inn i nybygget. Me jobbar med alle typar sjukepleiefaglege prosedyrar, og gir både avansert lindrande behandling, og intravenøse behandlingar, sårbehandlingar, og mykje meir. Det er tett samarbeid mellom sjukeheim, heimetenestene, psykiatri/rus og rehabiliteringsavdeling.

Arbeidsoppgåver

• Dagleg oppfyljing av vaktbok - vikarinnleige, sjukefråvær, bemanning
• Ansvar for digitale arbeidsprogram
• Arbeid med kvalitetssystem -- prosedyrar og avvik, saman med tenesteleiar
• Fagansvar
• Delta i tverrfaglege samarbeid
• Oppfølging av vedtak

Kvalifikasjonskrav

• Norsk autorisert sjukepleiar
• Gode norsk kunnskapar, både munnleg og skrifteleg
• Det er ein fordel om ein har leiarerfaring

Personlege eigenskapar

• Erfaring som utøvande sjukepleiar - fordel med erfaring frå eldreomsorg/sjukeheim
• God digital ferdighet
• Kunne arbeide sjølvstendig, og strukturere kvardagen
• Vere fleksibel og løysingsorientert
• Gode haldningar og evne til etisk refleksjon
• God til å planlegge og tydeleg i din kommunikasjon med andre
• Me søkjer ein person som er god til å motivere, rettleie og til å skape engasjement
• Du har godt humør, gode samarbeidsevner, og er ein rollemodell for dine kollegaer

Løns- og tilsetjingsvilkår

Løns- og tilsetjingsvilkår i samsvar med gjeldande avtaleverk.

Kommunen har gode forsikrings- og pensjonsordningar.

Den som vert tilsett må levera politiattest av nyare dato.

Andre opplysningar

Vik kommune praktiserer meiroffentlegheit. Dersom du ikkje ynskjer at namnet ditt skal offentleggjerast, må du grunngje dette i søknaden.

Søknadsprosedyre

Alle søknader på ledige stillingar i Vik kommune skal registrerast elektronisk. Dersom du treng hjelp med søknaden, kan du ta kontakt på tlf. 57 69 82 00.