Pedagogisk Psykologisk Rådgivar 

Interkommunalt PPT er ei teneste for kommunane Hareid, Ulstein, Ørsta og Volda. Ulstein er vertskommune og kontorstaden er Ulsteinvik. Kontoret har no 21 tilsette/ ca. 18,5 stillingar som er organisert i team.

PPT lyser ut to faste stillingar i 100% som PP-rådgivar.

Pedagogisk psykologisk teneste arbeider med førskuleborn, elevar i grunnskule, vidaregåande skule og vaksne.
PPT skal arbeide førebyggande, samt hjelpe skulane og barnehagane med kompetanseheving, organisasjonsutvikling og endringsleiing for å utvikle gode læringsmiljø og tilpasse opplæringa betre for alle elevar og born. PPT skal samarbeide med og rettleie skulane og barnehagane på tiltak for elevar og born som har særlege behov. PPT er kommunen sin sakkunnige instans på område i barnehagelova og opplæringslova og utarbeidar sakkunnig vurdering der lova krev det.

Arbeidskvardagen består av fagleg utvikling, spanande og varierte arbeidsoppgåver med enkeltindivid, systemarbeid, kompetanseheving og utviklingsarbeid.

Arbeidsoppgåver

• Utvikling og endringsarbeid i barnehagar/skular
• Sakkunnig arbeid etter opplæringslova og barnehagelova
• Rettleiing, rådgiving, utviklingsarbeid
• Observasjon, kartlegging og utgreiing av system og enkeltindivid
• Samarbeid med føresette, barnehage, skule og hjelpeapparatet elles
• Teamarbeid og utviklingsarbeid i eigen organisasjon

Kvalifikasjonar

• Mastergrad i pedagogikk, spesialpedagogikk eller psykologi
• Lærar med tilleggsutdanning innan pedagogikk
• Søkjarar med anna høgskule/universitetsutdanning innan spesialpedagogikk/pedagogikk/psykologi
• Erfaring frå førskule, grunnskule, vidaregåande skule eller vaksenopplæring og erfaring frå PPT vert vektlagt
• Kompetanse på rettleiing, utviklingsarbeid, organisasjonsutvikling og endringsleiing er ønskjeleg
• God munnleg og skriftleg kompetanse og digitale ferdigheiter

Personlege eigenskapar

• Fagleg engasjert, ansvarsfull og påliteleg
• Evne til å arbeide målretta, systematisk og strukturert
• Gode kommunikasjons- og samarbeidsevner
• Utviklingsorientert

Vi tilbyr

Den som vert tilsett må kunne nytte eigen bil i tenesta. Køyregodtgjersle etter statens satsar. Tilsetting skjer på kommunale vilkår. Stillingsbehovet kan endre seg.

Kontaktinformasjon

Ingrid Evebø Haug, Leiar PPT, +47 94884062, ingrid.evebo@ulstein.kommune.no

Arbeidsstad

Vikemyra 1
6065 ULSTEINVIK

Nøkkelinformasjon:

Arbeidsgivar: Oppvekst og kulturetaten

Referansenr.: 4807624232
Stillingsprosent: 100%
Fast
Søknadsfrist: 31.05.2024