Førsteamanuensis i datatryggleik

UiB - Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Førsteamanuensis i datatryggleik

Ved Selmersenteret for sikker kommunikasjon ved Institutt for informatikk er det ledig ei stilling som førsteamanuensis i datatryggleik.

Om instituttet

Digitalisering av bedrifter, industri, offentleg administrasjon og utdanning gjer at informatikk spelar ei stadig viktigare rolle i samfunnsutviklinga. Forsking og utdanning i informatikk er avgjerande for at den digitale transformasjonen av samfunnet vårt skal lukkast. Institutt for informatikk bidreg til dette gjennom åtte forskingsgrupper som leverer forsking og utdanning på eit høgt internasjonalt nivå i algoritmar, bioinformatikk, informasjonstryggleik, maskinlæring, optimalisering, programmeringsteori, visualisering og didaktikk.

Instituttet tilbyr utdanning for framtida på bachelor-, master- og doktorgradsnivå. Instituttet er i rask vekst med omsyn til talet på studentar, forskingsretningar og tilsette. Vi har i dag om lag 1000 studentar, og 150 tilsette frå over 35 land, der 37 er fagpersonar og 50 er doktorgradskandidatar.

Arbeidsoppgåver/forskingsområde

Selmersenteret er ein av dei fremste IKT-gruppene i Noreg med hovudforsking innan områda kryptografi, boolske funksjonar, sekvensdesign og kodeteori. Gruppa består av 20-25 personar, inkludert fagpersonar, bistillingar, postdoktorar og doktorgradsstudentar. Denne stillinga er ein kombinert forskings- og undervisningsstilling med vekt på anvendte aspekt ved datatryggleik. Det vil vere ein fordel om kandidaten kan komplimentere dei eksisterande kompetansane til Selmer-senteret innanfor dei matematiske aspekta ved informasjonstryggleik. Den rette kandidaten må vere ein ekspert innan informasjonstryggleik og/eller anvendt kryptografi, med god erfaring i undervising av avanserte kurs i datatryggleik.

Kvalifikasjonar og eigenskapar

• Søkjarar må ha doktorgrad eller tilsvarande kompetanse innan informasjonstryggleik eller tilsvarande fagområde
• Erfaring frå forsking innan datatryggleik og/eller anvendt kryptografi er eit krav
• Erfaring frå forsking på KI-relaterte tryggleiksaspekt er ein føremonn. Særleg for tema innan interaksjon mellom kryptografi og AI: båe analyse av kryptosystem med bruk av KI teknikkar og å bruke kryptografiske verktøy for å evaluere tryggleiken til KI system.
• Søkjarar må kunne arbeide sjølvstendig, strukturert og ha gode samarbeidsevner
• Søkjarar må kunne bidra i forskingslag både som leiar og deltakar
• Det blir forventa at den som blir tilsett bidrar til eksternfinansiert forskingsaktivitet. Søkjarar bør difor kunne dokumentere evne til å hente inn ekstern forskingsfinansiering.
• Søkjarar må ha gode engelskkunnskapar, skriftleg og munnleg

Personlege og mellommenneskelege eigenskapar vil bli vektlagde. Forskingsrøynsle, ambisjonar og potensial vil også telle ved vurdering av kandidatane.

Særeigne krav for stillinga

UiB er underlagd regelverket for eksportkontroll og regelverket gjeld ved behandling av søknadar til stillinga.

Krav til utdanningsfagleg kompetanse

Til stilling som førsteamanuensis blir det kravd grunnleggjande kompetanse for undervisning og rettleiing på universitets- og høgskulenivå. Dette inneber dokumentasjon av

• fullført universitetspedagogisk utdanning (relevante kurs i kombinasjon med eigen praktisk undervisning vil kunne erstatte universitetspedagogisk program)
• grunnleggjande ferdigheiter innan planlegging, gjennomføring, evaluering og utvikling av undervisning og rettleiing

Utdanningsfagleg kompetanse skal dokumenterast gjennom ei utdanningsfagleg mappe. Denne skal innehalde oversikt over praktisk erfaring og kompetanse, dokumentasjon av dette og eit kortfatta refleksjonsnotat. Notatet skal primært vere knytt til eigen undervisningsfilosofi og vurdering av eigen undervisning i høve til kunnskap om studentar si læring i høgre utdanning. Nærare informasjon om kriterium og dokumentasjonskrav til utdanningsfagleg kompetanse finst her.

Søkjarar som ikkje kan dokumentere tilstrekkeleg utdanningsfagleg kompetanse ved tilsetjing, vil bli pålagt å oppfylle krava innan to år etter tiltreding.

Undervisningsspråket er i hovudsak norsk. Den som blir tilsett, må kunne undervise på norsk eller eit anna skandinavisk språk innan tre år etter tiltreding. Det vil bli lagt til rette for gjennomføring av norskkurs.

Universitetet i Bergen legg vekt på utdanningsfagleg kompetanse i vitskaplege mellom- og toppstillingar.

Vi tilbyr

• Spennande og utviklande arbeidsoppgåver i et sterkt fagmiljø
• Ei årsløn på kr 720 100 – 796 600 brutto (tilsvarande lønnssteg 72-77 i statens lønsregulativ). Vidare opprykk skjer etter tenesteansiennitet. For særleg kvalifiserte søkjarar kan det verte aktuelt å vurdere høgare løn.
• Medlemskap i Statens pensjonskasse
• Gode velferdsordningar

Førsteamanuensis i fast stilling har høve til å søkje om opprykk til professor etter kompetanse. Meir informasjon finst her: https://www.uib.no/matnat/54491/opprykk-til-professor

Søknaden skal innehalde

• CV
• vitnemål og attestar,
• fullstendig publikasjonsliste,
• ei kort utgreiing om søkjaren si interesse og motivasjon for å søkje denne stillinga, og ei oppsummering av dei viktigaste resultata i søkjaren si forsking (2-3 sider),
• ei forskingsplan som synar søkjaren sine forskingsambisjonar dei neste fem åra
• utdanningsfagleg kompetanse dokumentert gjennom utdanningsfagleg mappe (sjå ovanfor)
• liste over vitskapelege arbeid søkjaren vil det skal takast omsyn til ved vurderinga, med opplysningar om kvar dei er publiserte
• namn på tre referansar, kor minst ein må kjenne søkjaren frå undervisingsarbeid

Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.

Generell informasjon

Utfyllande opplysningar om stillinga kan ein få ved å vende seg til:

Professor Lilya Budaghyan ved Institutt for informatikk på e-mail: Lilya.budaghyan@uib.no. Eller instituttleiar ved Institutt for informatikk Inge Jonassen på +47 55 58 47 13 / inge.jonassen@uib.no.

For HR-relaterte førespurnader, ta kontakt med HR-rådgjevar Karoline Christiansen på karoline.christiansen@uib.no eller +47 55 58 47 70.

Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.