Vertskap i Selje Prestegard
- Arbeidsgiver
- Kultur, Stad kommune
- Stillingstittel
- Vertskap Selje prestegard
- Frist
- 02.06.2024
- Ansettelsesform
- Sommer/Sesong
Beskrivelse
UTVIDA SØKNADSFRIST TIL 02.06!
Stad kommune søker etter vertskap i Selje prestegard i perioden 20.06.2024 - 18.08.2024.
Selje prestegard er eit freda tun som ligg vakkert til midt i Selje sentrum, ved stranda på Seljesanden, butikk og båtruter både til Selja kloster og til Bergen. Her held Selje Regionale Pilegrimssenter til, og administrerer mellom anna pilegrimsmottak og turistinformasjon, overnatting for pilegrimar og enkel servering. Prestegarden har flotte møblerte stover som kan nyttast til kulturaktivitetar, møterom og utleige til ulike arrangement. Til prestegarden høyrer også ein stor hage og eit tun med ei gammal skulestove, eldhus, borgstove og eit stabbur.
Selje regionale pilegrimssenter er ein del av Kystpilegrimsleia, der reisande kan følgje over tusen år gamle ferdselsvegar over sjø og land langs kysten mellom Egersund og Trondheim. Selje og øya Selja var Noregs første pilegrimsmål, med St. Sunniva som vår første og einaste kvinnelege helgen. Helgenstaden og klosterruinane på Selja kloster er eit viktig kulturminne og besøksmål den dag i dag. Selje prestegard er eit godt utgangspunkt for å formidle historia både om klosteret på Selja og om den over 300 år gamle prestegarden.
Jobben som pilegrimsvert består i å ta imot besøkande , formidle informasjon om tilbod og aktivitetar i området og administrere enkel servering og overnatting. I tillegg kan det vere aktuelt med enkle formidlingsaktivitetar og omvisingar i tunet.
Selje prestegard er open kvar dag kl 09.00 -16.00 i sommarsesongen. Det vil bli tilsett to vertar som arbeider i turnus.
Arbeidsoppgåver
- Bemanne pilegrimssenteret og turistinformasjonen i Selje prestegard og ta imot besøkande på ein god måte.
- Informere om kystpilegrimsleia og om transport, overnatting, opplevingar og tilbod i Selje og regionen både fysisk og digitalt.
- Ta imot bestilling av pilegrimsovernatting.
- Klargjering av rom for overnatting og mottak av overnattingsgjestar.
- Administrere enkelt sjølvbetent serveringstilbod.
- Sal av suvenirar og føring av statistikk.
- Formidling av historia til prestegarden og Selja kloster.
- Rydde og halde prestegarden i orden, både inne og ute.
Kvalifikasjonar
- Gjerne erfaring frå servicenæring, overnattings- eller serveringsverksemder.
- Gjerne student innan historie, arkeologi, reiseliv, språk eller andre relevante fag.
- Lokalkunnskap om Selje, Stad kommune og regionen er ein fordel.
- God IKT-kompetanse.
- God språkkunnskap i norsk og engelsk. Fleire språk er ein fordel.
Personlege eigenskapar
- Sørvisinnstilt og flink til å kommunisere.
- Sjølvstendig, praktisk, nøyaktig og likar ein aktiv kvardag.
- Fleksibel, løysingsorientert og samarbeidsvillig.
Vi tilbyr
- Ein interessant og triveleg sommarjobb i historiske omgjevnader midt i Selje sentrum.
- Møte med mange nye menneske og moglegheit til å fortelje om ein spennande historisk stad.
- Arbeidstid etter oppsett turnus 5 dagar på og 3 dager av
- Løn etter tariff.
Vi ber om at du lastar opp vitnemål, attestar og referansar saman med søknaden. I søknaden må du opplyse om når du kan arbeide. dersom du ikkje kan arbeide heile perioden, ber vi om at du opplyser om dette.
Vi gjer merksame på at etter § 25 i offentleglova kan opplysningar om søkjaren bli offentlege sjølv om søkjar oppmodar om ikkje å bli ført opp på søkjarlista. Oppmoding om unnatak må grunngjevast.
For meir informasjon om stillingane kan du ta kontakt med einingsleiar Tonje Ramse Trædal i Selje regionale pilegrimssenter.
Kontaktinformasjon
Tonje Ramse Trædal, rådgjevar kulturminne, 92629512Geir Holmen, einingsleiar kultur, 90 77 99 33
Arbeidsstad
Nøkkelinformasjon:
Arbeidsgivar: Stad kommuneReferansenr.: 4807592266
Stillingsprosent: 100%
Sommarjobb
Startdato: 20.06.2024
Sluttdato: 18.08.2024
Søknadsfrist: 02.06.2024
- Sektor
- Offentlig
- Antall stillinger
- 2
- Sted
- 6750 Stadlandet
- Stillingsfunksjon
- Annet, Ledelse
- FINN-kode
- 352174670
- Sist endret
- 27. mai 2024 10:38