Helsestasjonen søker etter nye medarbeidarar

Helsestasjonen yt helsefremjande og førebyggande tenester til barn, unge og deira familiar, samt

svangerskapsomsorg. Vi har avdelingar på Vassenden/Skei, Naustdal, Sande og Førde.

Sunnfjord kommune styrkar no satsinga på barn og unge. 1.mars starta vi opp avdelinga Barn, unge og familiestøtte, eit psykisk helseteam for barn, unge og deira familiar, og denne avdeling ligg under Helsestasjonen. Avdelinga skal vere eit lågterskel tilbod til barn og unge i målgruppa 0 år til og med vidaregåande opplæring, samt rettleiing til foreldre/føresette om barn og unge sin psykiske helse. Avdelinga skal vere eit førebyggande og behandlande psykisk helsetilbod, i tett samarbeid med Helsestasjonen 0 – 5 år og skulehelsetenesta, og er tverrfagleg samansett med spisskompetanse på psykisk helse, rus, åtferd og foreldrestøtte-/rettleiing. Helsesjukepleiarane er viktige samarbeidspartar for den nye avdelinga.

• 200 % fast stilling som helsesjukepleiar i skulehelsetenesta og helsestasjonen 0 - 5 år

• offentleg godkjend utdanning som helsesjukepleiar
• erfaring med arbeid som helsesjukepleiar i skulen og ved helsestasjon 0 - 5 år
• sjukepleiar under utdanning som helsesjukepleiar kan òg søkje

• erfaring frå arbeid med barn, unge og familiar
• gode kommunikasjonsevner knytt til brukarar
• gode samarbeidsevner og dialog med kollegaer
• evne til å vere fleksibel og tilpassingsdyktig i høve oppgåver
• kunne jobbe både sjølvstendig og i samhandling med andre
• evne til å jobbe metodisk, strukturert og løysningsorientert
• god datakompetanse, vilje og evne til å lære nye datasystem, samt erfaring med elektronisk pasientjournal

Du må ha førarkort kl. B, og disponere eigen bil. Gyldig politiattest må leggast fram før start i stilling.

• konkurransedyktig grunnløn tilsvarande løn til spesialsjukepleiarar i helseforetaket
• ein meiningsfylt og sjølvstendig arbeidsdag med varierte oppgåver
• godt arbeidsmiljø og engasjerte kollegaer
• god pensjons- og forsikringsordning

Du søker elektronisk.

Velkommen som søkar. Vi ser fram til å høyre frå deg!