Sjukepleiar og vernepleiar. Faste stillingar ved Avdeling for rusmedisin 

Haukeland universitetssjukehus treng fleire dyktige og engasjerte sjukepleiarar og vernepleiarar som kan jobbe ved einingar innan Avdeling for rusmedisin

Avdeling for rusmedisin (AFR) tilbyr behandling og oppfølging til menneske med rus- og avhengigheitslidingar. Avdelinga satsar også sterkt på forsking og kvalitetsutvikling innan rushelsetenesta. Avdelinga har om lag 600 tilsette og ti kliniske seksjonar som tilbyr avrusing, stabilisering, poliklinikk, døgnbehandling for både kvinner og menn, familieambulatorium, LAR-behandling og ambulante tenester. Vi har også det einaste medikamentfrie behandlingstilbodet i vår region for unge mellom 18 og 40 år.

Vi har ledig faste stillingar ved følgande avdelingar: Du kan lese meir om avdelinga ved å trykke på link i navnet. Oppgi i søknaden kva avdeling(ar) du søker og når du kan starte i stillinga. Som nyutdanna må du legge ved karakterutskrift frå sjuke- eller vernepleiarutdanninga og to referansar frå nokon som har vurdert deg i praksis eller lønt arbeid. Søkarar som av ulike årsaker ønsker redusert stilling blir også oppmoda til å søke.

* Dr. Martens
* Skuteviken
* Heroinassistert behandling (HAB)
* Legemiddelassistert rehabilitering (LAR) - Fana Ytrebygda
* Legemiddelassistert rehabilitering (LAR) - Oppfølging av LAR pasientar som soner i Bergen eller Bjørgvin fengsel
* Tertnes - stilling inneber sommarturnus ved Tertnes og vidare fast stilling ved ei av AFR sine einingar

Kandidatar vil bli tilsett i 100% fast stilling ved Avdeling for Rusmedisin (AFR), pt ved ein av våre avdelingar. Frå hausten 2024 kan stillinga bli ved same avdeling eller ved ein av AFR sine mange spennande avdelingar. Arbeidsstad vil i så fall bli avtalt nærare i dialog med med den tilsette og AFR v/ Irene Tveit Kjellerød. Her kan du lese meir om AFR

Ved oppstart frå sommaren ønsker vi at du kunne arbeide minimum 4-6 veker samanhengande i perioden veke 25/26 - 32/33. I seksjon LAR jobbar ein kun dag, ved HAB jobbar ein turnus 08.00 - 18.00 alle dagar inkl. helg, i seksjon Floen jobbar ein medlevarturnus. Dei resterande avdelingane har drift heile døgnet.

Kvalifikasjonar (overskrift)

Arbeidsoppgåver

• Oppfølging av pasientar, individuelt tilpassa miljøterapi, skape struktur i kvardagen, aktivitet og støttesamtalar
• Tverrfagleg samarbeid i team med oppfølgingsansvar som primærkontakt
• Bidra til å skape ei trygg postatmosfære med omsorg, støtte og struktur for kvar enkelt pasient

Kvalifikasjonar:

• Du har eller vil få norsk autorisasjon etter endt utdanning vår/sommar 2024
• Ønskeleg med erfaring innan fagfelta Psykiatri/Rus
• Personleg eigna for å jobbe med pasientgruppa er ein føresetnad
• Må meiste norsk skriftleg og munnleg

Personelege eigenskapar:

• Evne til å arbeide målretta med arbeidsoppgåver
• Du evner å kommunisere og samarbeide godt med pasientar, pårørande og kollegaer
• Du trivast i eit til tider hektisk miljø, har godt humør og ønskjer å bidra til eit godt arbeidsmiljø

Vi tilbyr

• Ein arbeidsplass med høg fagleg kompetanse
• Løn i samsvar med gjeldande overeinskomst
• Gode pensjons- og forsikringsordningar
• Engasjerte medarbeidarar i ein spennande avdeling med nybrotsarbeid

Føretaksgruppa i Helse Vest ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Kontaktinformasjon

Irene Tveit Kjellerød, Rådgivar AFR, 93840444, irene.tveit.kjellerod@helse-bergen.no

Karina Vorland Løvstad, Seksjonsleiar Trainee- og helsepersonell psykiatri og rus, Bemanningssenteret, karina.vorland.lovstad@helse-bergen.no

Arbeidsstad

Hatleveien 7D

5038 Bergen

Nøkkelinformasjon:

Arbeidsgivar: Helse Bergen



Referansenr.: 4811361172

Stillingsprosent: 100%

Fast

Søknadsfrist: 23.05.2024