Lege i spesialisering i blodsjukdommar

Helse Bergen, Haukeland universitetssjukehus har ledig vikariat for lege i spesialisering LIS 2/3 med tilsetjing september 2024 og varigheit 1,5 år. Vi prioriterer søkarar med interesse for indremedisin og blodsjukdommar. Vikariat kan telje som del av spesialistutdanninga.

Medisinsk klinikk har om lag 500 tilsette og har seksjonar for blodsjukdommar, hormonsjukdommar, fordøyingssjukdommar, infeksjonssjukdommar og nyresjukdommar. Klinikken omfattar og seksjon for klinisk ernæring og seksjon for sosionomtenester. Seksjon for blodsjukdommar diagnostiserar og behandlar pasientar med ulike sjukdommar i blod og beinmarg. Seksjonen har regionalt ansvar for behandling av akutte leukemier og autolog stamcelletransplantasjon for plamsacellesjukdomar, samt fleir-regional funksjon for allogen stamcelletransplantasjon saman med Oslo Universitetssjukehus. Seksjonen har og nasjonal oppgåve for autolog stamcelletransplantasjon for multippel sklerose. Seksjonen har ein sengepost med 14 heildøgnsenger, tre dagbehandlingsplassar og en stor poliklinisk aktivitet, med om lag 12000 årlege konsultasjonar og behandlingar.

Seksjonen har og ein stor utdanningsaktivitet for medarbeidarar. Seksjonen har stor og aukande forskingsaktivitet, der Klinisk Institutt 2 ved Universitetet i Bergen er største samarbeidspartnar. Det er knytt 2 professorar til seksjonen og ein 1ste amanuensis i delt stilling.

Arbeidsoppgåver

• Delta i seksjonen sine ulike aktivitetar
• Delta i medisinsk forvaktsordning, som for tida er 12-delt
• Delta i undervisning i Medisinsk klinikk og seksjon for blodsjukdommar
• Kliniske undervisning for studentar inngår i oppgåvene

Kvalifikasjonar

• Den som blir tilsett som LIS må ha norsk autorisasjon og godkjend turnusteneste/LIS 1 eller teneste som etter gjeldande norsk regelverk kan leggast til grunn for tilsetting i LIS 2/3-stilling i indremedisin
• Ved rangering vert det lagt vekt på gjenståande tid til spesialitet, opparbeida kompetanse og referansar/personlege eigenskapar
• Vedkommande som får tilbod om tilsetjing må legge fram godkjend politiattest (vandel) jf. Lov om helsepersonell § 20a

Personlege eigenskapar

• Vi søker etter lege med interesse for indremedisin og blodsjukdommar
• Bør ha stor arbeidskapasitet og gode evner til pasientretta arbeid
• Bør vere ryddig, godt motivert, fleksibel og ha gode samarbeidsevne og beherske norsk språk godt munnleg og skriftleg

Vi tilbyr

• Stimulerande og aktivt arbeidsmiljø i ei avdeling med høg fagkompetanse og sterkt fokus på praktisk og teoretisk opplæring, undervisning og forsking på høgt internasjonalt nivå
  
• Gode pensjons- og forsikringsordningar
• Lønn etter gjeldane overeinskomstar

Mangfaldserklæring
Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Kontaktinformasjon

Astrid Olsnes, Seksjonsoverlege, astrid.marta.olsnes@helse-bergen.no

Arbeidsstad

Haukelandsveien 22

5021 Bergen

Nøkkelinformasjon:

Arbeidsgivar: Helse Bergen



Referansenr.: 4810769529

Stillingsprosent: 100%

Vikariat

Søknadsfrist: 05.06.2024