Førde heimeteneste, eining 1, søker etter ny medarbeidar

Førde heimeteneste, eining 1, held til ved Førde omsorgssenter. Vi yt tenester innan heimesjukepleie, heimehjelp, matombringing og velferdsteknologi til bebuarar i 78 omsorgsbustadar knytt til Førde omsorgssenter og området rundt. Eininga har i dag rett i overkant av 39 årsverk. Vi erfarer stor grad av kollegastøtte, der det samla er mykje kompetanse, både gjennom formell vidareutdanning, men også opparbeida gjennom praksis. Vi ønsker å vere ei levande teneste med framtidsretta fokus der vi saman skal yte gode tenester til innbyggjarane våre!

Vi har ledig:

• 2 x 100 % fast sjukepleiar/-vernepleiarstilling

Stillingane er i todelt turnus med arbeid 3. kvar helg.

Arbeidsoppgåvene er mellom anna:

• tilrettelegge, utvikle og koordinere sjukepleiefaglege tiltak for brukarane
• primærkontaktarbeid
• utføre praktiske sjukepleiaroppgåver og observere tilstand og behov hos brukar
• samarbeid med brukar, pårørande, fastlegar og spesialisthelsetenesta
• samarbeid med både kommunale og eksterne aktørar innan mellom anna sektorane omsorg, helse- og sosial
• kunnskapsdeling gjennom rettleiing og opplæring av studentar og nytilsette
• ansvar for dokumentasjon i fagprogrammet CosDoc
• delar av arbeidet er også av meir administrativ art, mellom anna behandling av e-meldingar og medikamentoppfølging

Krav til søkar:

• norsk autorisasjon som sjukepleiar eller vernepleiar, gjerne med relevant vidareutdanning innan geriatri, palliasjon, psykisk helsearbeid og liknande
• beherske godt norsk både munnleg og skriftleg
• grunnleggande datakunnskap, då mobiltelefon og PC er viktig arbeidsvektøy i arbeidskvardagen vår

Vi søker deg som:

• er fleksibel og likar utfordringar
• er sjølvstendig og kan ta eigne vurderingar og avgjersler
• er strukturert, ansvarsbevisst og løysingsorientert
• delar og etterspør aktuell kunnskap
• bidreg til eit positivt og godt arbeidsmiljø
• er positiv, ser moglegheiter, bidreg til utvikling og arbeidar aktivt for å nå dei måla vi set oss
• er ny-tenkande og kreativ

Vi kan tilby:

• engasjerte kollegaer og leiarar i eit inkluderande miljø
• faglege utfordringar
• moglegheit for fag- og kompetanseutvikling
• ein trivelig arbeidsplass du kan vere stolt av
• vi legg tilrette for opplæring og rettleiing, om du er nyutdanna eller kjem frå ei anna teneste
• kompetansetillegg for relevant vidareutdanning
• godtgjersle for å ha studentar i praksis
• god pensjons- og forsikringsordning

Politiattest av nyare dato må leverast før start i stilling.

Du søker elektronisk.

Velkommen som søkar, vi ser fram til å høyre frå deg!

Link til søknadsskjema: Søk her