Barnevernskonsulent/familierettleiar

Samnanger barnevernteneste er ein av dei minste i regionen - men me har store visjonar og treng deg med på laget! Trur du Samanger er langt vekk og er på nippet til å ikkje lese vidare? Les litt til og kjenn om dette er jobben for deg!

I Samnanger barnevernteneste arbeidar me saman som eit team. Me har stort fokus på kvalitet i alle beslutningar me tek. Brukarmedverknad og samhandling på tvers av einingar er høgt prioritert. Me er ein del av "laget kring barnet".

Me har ledig ein 100 % fast stilling og det er moglegheit for eit vikariat i 50 - 100 % i tillegg.

Arbeidsoppgåver

Som barnevernkonsulent og familierettleiar har du ansvar for å undersøke at barn og unge har det godt der dei bur, og bidra til at familiar får den hjelpa dei treng. Dette kan mellom anna innebere:

• Sakshandsaming etter barnevernslova
• Arbeid med undersøkingar og tiltak i og utanfor heimen, fosterheim og institusjon
• Utgreiing av barn sin omsorgssituasjon, saksframstilling og vere kommunen sin part i sakar som vert fremma for Barneverns- og helsenemnda
• Samtaler med barn/unge og deira føresette
• Tiltaksarbeid direkte mot barn eller familiar
• Ha rettleiingsgrupper
• Godkjenning og rettleiing av besøksheimar og fritidskontakter
• Førebyggjande barnevernsarbeid saman med andre tenester
• Noko reiseverksemd og ettermiddagsarbeid må påreknast i stillinga. Dette kan også gjelde reise med fly til andre deler av landet.

Kvalifikasjonar

Krav

• Stillinga krev fortrinnsvis bestått bachelorgrad i sosialt arbeid, sosionom eller barnevernspedagog
• Søkjar med anna relevant høgskuleutdanning på bachelornivå kan vurderast dersom ein har master i barnevern, kan vise til minimum 2 års erfaring frå kommunal barnevernteneste, eller har allsidig erfaring frå arbeid med barn og foreldre som er relevant for arbeid i barneverntenesta
• God munnleg og skriftleg fremstillingsevne på nynorsk
• Krav om framvist politiattest
• Førerkort og disponering av bil er naudsynt

Ønskjer

• Relevant videreutdanning er ein fordel
• COS, EFT, Marte Meo eller anna rettleiingskompetanse
• Erfaring frå kommunal barnevernsteneste vil bli vektlagt
• Evne til systematisk og effektivt arbeid blir vektlagt
• Evne og vilje til fleksibilitet
• Gode datakunnskapar

Personlege eigenskapar

• Har evne til møte barn og deira foreldre med openheit, audmjukheit og respekt
• Har gode samarbeidsevner
• Har god evne til fagleg refleksjon
• Har god arbeidskapasitet
• Tåler å arbeide under press med korte tidsfristar
• Bidreg til eit godt arbeidsmiljø
• Har evne til å jobbe heilskapeleg og strukturert, både sjølvstendig og i samarbeid med andre
• Det er ein forutsetning at du har forståing for barns medverknad og dokumentasjonskravet som ligg i stillinga

Me tilbyr

• Arbeid i team
• Direktekontakt med barn, unge og deira familier
• Å være viktig i nokon sitt liv
• Å bidra til å beskytte barn og unge i samfunnet
• Å få jobbe i eit barnevern som er involvert i fleire spennande utviklingsprosjekt
• Fagleg utvikling i eit kompetent, engasjert og godt arbeidsmiljø
• Varierte og kjekke arbeidsoppgåver
• Ein variert arbeidskvardag med spennande utfordringar
• Fleksibel arbeidstid
• Moglegheit for videreutdanning og kursing i rettleiingsmetodikk
• Eit fagleg miljø med utfordrande oppgåver, gode moglegheiter for fagleg og personleg utvikling og høve til å vera med å forme ein kommune i positiv utvikling og vekst
• Lønn, offentleg pensjon og arbeidsvilkår etter gjeldande lov- og avtaleverk
• Gunstige pensjonsordningar, yrkesskade- og gruppelivsforsikring
• Fleksible arbeidstidsordningar
• Gode velferdsordningar

Arbeidstilhøve

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hjå oss uansett alder, funksjonsevne, kjønn eller minoritetsbakgrunn. All utanlandsk utdanning må vera NOKUT godkjent. Me legg vekt på å leggja til rette arbeidsforholda dersom du har behov for det.

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader.
Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort, og vil ha moglegheit til å trekkja søknaden.

Som tilsett i Samnanger kommune vil du bli innmeldt i KLP si pensjonsordning. KLP tilbyr pensjon, bank og forsikringstenester og er Norges største pensjonsselskap. Ordninga dekker alderspensjonar, AFP, uførepensjon, etterlattepensjon, yrkesskade- og gruppelivsforsikring.

Søknadar må leverast innan fristen og må sendast inn via rekrutteringssystemet vårt JobbNorge.