Psykolog/psykologspesialist

Poliklinikk psykisk helse DPS Molde har ledig fast 100 % stilling for psykolog/psykologspesialist. Vi søker kollega som er interessert og engasjert i pasientar med psykiske lidingar. Stillinga er ledig frå 1. august
Stillinga er knytt til vårt B4DT-team. 4-dagarstilbodet vårt er for pasientar med ulike angstlidingar, og driv behandling etter B4DT-metoden. Tilbodet for OCD er fylkesdekkande, medan behandlingstilbodet for sosial fobi, panikkangst og andre angstlidingar gjeld for pasientar i vårt opptaksområde.

Klinikk for psykisk helse og rus består av 5 avdelingar med til saman 27 seksjonar. Poliklinikk psykisk helse DPS Molde ligg under Avdeling for Distriktspsykiatrisk senter — DPS Nordmøre og Romsdal.
Poliklinikken er delt inn i fleire ulike team: To allmennteam, Gruppeteam, ROP team, fylkesdekkande spesialpoliklinikk for DBT og OCD, eit 4 - dagars team (B4DT), Ambulant akutteam, FACT og eit merkantilt team.

Poliklinikken har over 50 fagstillingar; overlegar i psykiatri/legar i spesialisering, psykologspesialistar/psykologar, spesialergoterapeut, psykiatriske sjukepleiarar og kliniske sosionomar.

Vi vektlegg arbeid i team for samarbeid og god kollegastøtte. Dersom du har spørsmål om stillingane eller dei ulike teama, ta gjerne kontakt.

Arbeidsoppgåver

• Diagnostisk utgreiing
  
• Psykoterapeutisk behandling
  
• Målretta internt og eksternt tverrfagleg samarbeid
  
• Rettleiing og undervisning
  
• Delta i utviklingsarbeid og planlegging
  

Kvalifikasjonar

• Vi søker etter psykolog/psykologspesialist med norsk autorisasjon
  
• Må meistre norsk munnleg og skriftleg
  
• Erfaring frå arbeid i psykisk helsevern er ein fordel, og gjerne fra B4DT-modellen
  

Personlege eigenskapar

• Du har gode samarbeidsevner då det meste av arbeidet utførast saman med andre team-medarbeidarar
  
• Du trivast med arbeid i team, men må også ha evne til å arbeide sjølvstendig
  
• Du kommuniserer godt både internt og eksternt
  
• Du er fleksibel, løysningsorientert og ansvarsbevisst
  
• Du har stor arbeidskapasitet og trivast i eit arbeidsmiljø med høgt tempo
  
• Personlege eigenskapar vert vektlagt ved tilsetting

Vi tilbyr

• Sterkt tverrfagleg samarbeid
• Moglegheit å nytte ei spesifikk tilnærming i behandlinga.
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår
• Rekrutteringstillegg
  
• Tilrettelegging for spesialisering og fagleg utvikling

Kontaktinformasjon

Tonje Sæter, Seksjonsleiar, Tonje.Seter@helse-mr.no

Arbeidsstad

Parkvegen 84

6412 Molde

Nøkkelinformasjon:

Arbeidsgivar: Helse Møre og Romsdal HF



Referansenr.: 4802849938

Stillingsprosent: 100%

Fast

Søknadsfrist: 12.05.2024