Autorisert helsesekretær

Vi har ledig 100% fast stilling som autorisert helsesekretær i turnus med arbeid ca hver 4.helg og 1-2 kvelder kvar andre veke. Vi søker etter kandidatar som har kompetanse frå sjukehus. Beinmargsutstryk inngår i denne stillinga. Stillinga er ledig frå snarast.

Barne- og ungdomsklinikken (BUK) i Bergen er ein av Noregs største barne- og ungdomsavdelingar. Klinikken har ca. 4400 innleggingar og 33 000 polikliniske konsultasjonar årleg. Klinikken er organisert i 9 fagseksjonar inklusive barnekirurgi. God pasientbehandling, opplæring, utdanning og forsking er prioriterte oppgåver ved klinikken. Barne- og ungdomsklinikken har drift/aktivitet i fleire ulike bygg og fleksibilitet er ein viktig føresetnad for å kunne trivast hjå oss. I Oktober 2023 flytta vi inn i nye flotte lokale i Glassblokkene.

Eining for kontor er organisert som ein eigen eining med 16 årsverk og spennande merkantile oppgåver. Sekretærane er gjennom dagleg arbeid i kontakt med pasientar og pårørande. Oppgåvene blir løyst i tett samarbeid med sjuke- og barnepleiarar, legar og leiarar.

Arbeidsoppgåver

• Resepsjon i Glassblokkene
• Barne og ungdomsmottaket
• Beinmargsutstryk og sending av materiale
• Besvare førespurnader på telefon og i resepsjon med profesjonalitet
• Planlegge og koordinere inntak av pasientar på ein effektiv og pasientvennleg måte
• Økonomisk oppgjer
• Bidra i arbeidet med å jobbe systematisk med pasientforløp, ventelister og arbeidsprosessar
• Bidra til at klinikken når sine mål for kvalitet
• Andre administrative oppgåver
• Ved tilbod om stilling er det krav om tilfredstillande politiattest jf. Lov om helsepersonell § 20a

Kvalifikasjonar

• Norsk autorisasjon som Helsesekretær
• Må ha gode kommunikasjonsferdigheiter både munnleg og skriftleg
• Ønskeleg med erfaring frå sjukehus
• Fordel med kjennskap frå Meona, DIPS Arena, Imatis, Pasientreiser og Tolkenett
• Det er ønskeleg med relevant erfaring innan koordinering, eller annan rolle kor samarbeid på tvers av avdelingar eller organisasjonar har vore ei del av arbeidet
• Gode IKT-kunnskapar

Personlege eigenskapar

• Arbeider strukturert og målretta med evne til å prioritere
• Du er nysgjerrig og endringsvillig
• Du etablerer gode samarbeidsrelasjonar til alle nødvendige yrkesgrupper
• Du må vere punktlig, nøyaktig og strukturert
• Du må vere positiv og inkluderande, og bidra til det gode arbeidsmiljøet
• Trivast med mange og varierte oppgåver i en hektisk kvardag
• Du held deg roleg i stressande situasjonar, og arbeider stabilt under press
• Du er problemløysande og nytenkande
• Du tar ansvar der det trengs og er i høg grad fleksibel

Vi tilbyr

• Lønn i samsvar med gjeldande overeinskomst
• Tverrfagleg samarbeid og ein heilskapleg tilnærming til barn og unge
• Triveleg arbeidsplass med engasjerte kollegaer og tydeleg pasientfokus
• Gode pensjons- og forsikringsordningar
• Ein arbeidsplass som er ein inkluderande arbeidslivsbedrift (IA-bedrift)

Mangfaldserklæring
Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Kontaktinformasjon

Sissel Iversen, Einingsleiar, 40833399

Arbeidsstad

Haukelandsveien 22

5021 Bergen

Nøkkelinformasjon:

Arbeidsgivar: Helse Bergen



Referansenr.: 4800950631

Stillingsprosent: 100%

Fast

Søknadsfrist: 05.05.2024