Sekretær/helsesekretær

Nevroklinikken består av Nevrologisk avdeling, Nevrokirurgisk avdeling, Avdeling for Klinisk nevrofysiologi, Logopedtenesta og Neuro-SysMed.

Klinikken tar årleg imot nær 8000 pasientar for innlegging og om lag 18.000 pasientar for poliklinisk konsultasjon. Ved Nevrokirurgisk avdeling blir det utført omkring 1200 inngrep kvart år, av dei over 370 behandlingar i Strålekniv (gammakniv).

Forsking er ei av dei fire hovudoppgåvene ved Nevroklinikken, og vi har eit av dei største forskingsmiljøa ved Haukeland universitetssjukehus. Forskinga ved Nevroklinikken er i hovudsak konsentrert om nevroimmunologi, paraneoplasi, slag, Parkinsons sjukdom, hjernesvulstar og hjernecyster.

Leiinga i Nevroklinikken er lokalisert i Gamle hovedbygg saman med Nevrologisk avdeling, Avdeling for Klinisk nevrofysiologi, Logopedtenestea og Neuro-SysMed, medan du finn Nevrokirurgisk avdeling i Sentralblokka 7. og 8.etasje. Einingane i Nevroklinikken har felles poliklinikk i Gamle hovedbygg.

Merkantil teneste i Nevropoliklinikken utfører eit breitt spekter av oppgåver for einingane i klinikken. Vi har ledig to 100% faste stillingar som sekretær/helsesekretær.
Stillingane inngår i den felles merkantile tenesta i klinikken, for tida med oppgåver knytt til felles poliklinikk, Nevropoliklinikken, og Nevrologisk avdeling, Ekspedisjon.
Det må påreknast å utføre oppgåver elles i klinikken ved behov.

Vi gler oss til å ønske nye medarbeidarar velkommen på laget!

Arbeidsoppgåver

1. stilling felles Nevropoliklinikk:

- Ekspedisjonsarbeid, mottak av pasientar og telefonservice
- Kontroll og fordeling av tilvisingar
- Planlegging av nevrologiske og nevokirurgiske pasientar til poliklinikk, samordning radiologi
- Venteliste og rapportarbeid
- Andre kontorfaglege oppgåver i klinikken ved behov

2. stilling Nevrologisk avdeling Ekspedisjon:

- Ekspedisjonsarbeid, mottak av pasientar og telefonservice
- Dipsoppgåver
- Rapportarbeid/internkontroll
- Andre kontorfaglege oppgåver etter behov

Kvalifikasjonar

• Kontorfagleg utdanning innan helse, eventuelt relevant erfaring som sjukehussekretær
• Helsesekretær må ha norsk autorisasjon
• God munnleg og skriftleg framstillingsevne
• Gode ferdigheiter i norsk, skriftleg og munnleg
• God generell datakunnskap.
• Ønskeleg med erfaring med DIPS pasientsystem, LIBRA, Elements og andre fagsystem
• Vi vil legge stor vekt på personlege eigenskapar

Personlege eigenskapar

• Du er målretta, strukturert og sjøvstendig
• Du trivast i eit tverrfagleg miljø
• Du er fleksibel og likar varierte utfordringar
• Du er løysingsorientert
• Du meistrar høgt arbeidstempo og har god evne til å prioritere
• Du behandlar pasientar og kollegaer profesjonelt og empatisk
  
• Du likar både å arbeide sjølvstendig og i team
  
• Du har evne til omstilling og å lære nye elektroniske datasystem
• Du har gode kommunikasjons- og samarbeidsevner

Vi tilbyr

• Varierte arbeidsoppgåver
• Eit triveleg arbeidsmiljø med høgt fagleg engasjement
• Opplæring etter behov
• Lønn i samsvar med gjeldande overeinskomst

Mangfaldserklæring
Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Kontaktinformasjon

Mette Myhre, Avdelingsleiar, 55975669

Arbeidsstad

Haukelandsveien 22

5021 Bergen

Nøkkelinformasjon:

Arbeidsgivar: Helse Bergen



Referansenr.: 4794949926

Stillingsprosent: 100%

Fast

Søknadsfrist: 20.05.2024