Prosjektleiar 

NAV Vestland Arbeid og Helse er ein del av NAV Vestland si satsing for å levere betre og meir heilskaplege tenester til arbeidslivet. No søker vi ein prosjektleiar i 50% stilling til eit midlertidig engasjement ut 2024.

NAV Vestland Arbeid og Helse er eit fylkesdekkande ressurs- og kompetansesenter med utfyllande arbeidsretta kompetanse. Avdelinga består av NAV Arbeidslivssenter, Arbeidsrådgjevingskontoret (ARK), Senter for Jobbmestring og rådgjevande overlegar. Avdelinga leverer tenester til NAV-kontora i heile fylket i tillegg til å gi prosesstøtte og rådgjeving til verksemder med behov for bistand i det forebyggande arbeidsmiljøarbeidet. Medarbeidarane i avdelinga har brei og variert kompetanse og jobbar både sjølvstendig og i team. Tenestene som vert levert frå dei ulike fagmiljøa i avdelinga utgjer eit komplementært tilbod til dei øvrige tenestene i NAV. Vi legg stor vekt på eit nært og godt samarbeid med andre einingar i etaten, og særleg viktig er kontakten med rettleiarane ved NAV-kontora. I tillegg har vi utstrekt brukarkontakt ved fleire av tenestene. Vi arbeider etter prinsippa for kontinuerleg forbetring (Lean).

NAV Vestland er organisert i ni regionar og kompetansesenteret er geografisk fordelt til dei ulike regionane. Som prosjektleiar vil du ha arbeidsstad i Bergen, men må påregne noe reisevirksomhet til dei ulike regionane. Du vil bli ein del av avdelingsdirektøren si leiargruppe.

Arbeidsoppgåver og ansvarsområde

• Rådgjevar for avdelingsdirektør og leiargruppa i utviklings- og endringsprosessar
• Delta aktivt i etableringa av den nye eininga Arbeid og Helse
• Vere prosjektleiar for utviklingsprosjektet i avdelinga. Sikre etablering og framdrift av prosjektet og tilhøyrande prosjektgruppe.
• Gjennomføre prosjektplan for utvikling av avdelinga Arbeid og Helse
• Halde styringsgruppa løpande oppdatert på status i prosjektet, rapportere ved slutten av kvar prosjektperiode og sikre at styringsgruppa kan ta nødvendige avgjerder
• Sørge for medverking gjennom involvering av medarbeidarar og leiarar, tillitsvalte og verneombod
• Sikre at alle interessentar, både interne og eksterne, er oppdaterte på status i prosjektet
• Sikre god involvering av ulike brukargrupper i utviklingsprosjektet
• Etablere samarbeidsavtaler og samarbeidsrutinar der det er aktuelt i prosjektet
• Systematisere kommunikasjonslinjer med samarbeidspartar i prosjektet
• Marknadsføre prosjektet
• Bistå med å planlegge, koordinere og gjennomføre forbetrings- utviklingsarbeid i eininga
• Være pådrivar for Lean og sikre at nye løysingar som vert utvikla er i samsvar med prinsippa for Lean
• Støtte innføring av nye arbeidsmetodar og arbeidsverktøy

Kvalifikasjonar

• Høgare utdanning på minimum bachelornivå. Aktuelle utdanningar kan til dømes vere helse- og sosialfagleg, samfunnsfagleg eller pedagogisk utdanning. Relevant erfaring og/eller utdanning kan kompensere for kravet til utdanning.
• Kompetanse i systematisk og målretta prosjektarbeid
• Dokumentert erfaring frå å leie eller delta i utviklings- og endringsprosessar og/eller prosjekt
• God digital kompetanse
• Gode formidlingsevner, munnleg og skriftleg
• Kompetanse innan Lean
• Du må ha kunnskap og kjennskap om NAV som organisasjon
  

Vi ser etter deg som

• Arbeider målretta og strukturert
• Er ein lagspelar som medverkar til gode resultat
• Trivst med å formidle for små og store forsamlingar
• Er dyktig til å koordinere og har gode samarbeidsevner
• Er god på møteleiing, er fagleg trygg og har god evne til sjølvstendig arbeid

Vi tilbyr

• Spennande og meiningsfylte arbeidsoppgåver innanfor eit viktig samfunnsområde
• Fleksibel arbeidstid
• Lønn som seniorrådgivar i stilingskode 1364 med bruttolønn kr 667.700 – 745.000 pr. år (tilsvarande ltr. 68 - 74). For særs kvalifiserte søkarar kan høgare løn vurderast
• God pensjonsordning gjennom Statens pensjonskasse (frå lønna blir det trekt 2%)

Kontaktinformasjon

Thorleif Nesse, 406 06 621, thorleif.oivind.madsen.nesse@nav.no

Arbeidsstad

C. Sundts gate

Bergen

Nøkkelinformasjon:

Arbeidsgivar: NAV



Referansenr.: 4797132511

Stillingsprosent: 50%

Engasjement

Startdato: 01.08.2024

Sluttdato: 31.12.2024

Søknadsfrist: 03.05.2024