Jordmor

Ynskjer du fast jobb som jordmor på vakre Voss?

- Vi har behov for fleire medarbeidarar med på laget vårt og kan tilby deg 100% fast stilling.

For stillinga er det krav om dokumentert autorisasjon. Søkjarar utanfor Skandinavia må dokumentere kunnskap i norsk skriftleg og munnleg. Stillinga er ledig frå no der tilsetjing kan avtalast nærare med avdelingsjordmor.

OM AVDELINGA
Føde- og barselavdelinga har 10 barselsenger fordelt på 6 rom. Fødselstalet ligg rundt 420 pr. år. Vi legg vekt på tryggleik, nærleik og ro i fødselsforløpet, slik at fødselen kan gå føre seg så naturleg som mogleg. Smertelindring gjev vi etter ynskje og behov. Vi har akuttberedskap med tilgjengelig gynekolog og operasjonsteam gjennom heile døgnet. Våre fødande er tilvist oss etter seleksjonskriterier vi har i samarbeid med Kvinneklinikken i Bergen.

OM SJUKEHUSET
Voss sjukehus har akuttberedskap innan indremedisin, kirurgi og ortopedi, føde- og gynekologi. Sjukehuset har høg aktivitet og ynskjer å halde fram den positive utviklinga. Opptaksområdet er på om lag 30.000 innbyggjarar fordelt på seks kommunar. I tillegg kjem det pasientar frå Bergen og kommunar frå Sogn og frå Hardanger.

OM VOSS
Voss har flott natur som gjev særs gode høve til naturopplevingar og aktivitetar for born og vaksne innan ei heil mengd ulike idrettar. Ekstremsportsmiljøet er viden kjent gjennom til dømes Ekstremsportsveko. Nord-Europas mest moderne gondolbane ligg nokre steinkast frå sjukehuset. Kulturlivet er rikt og variert, og det er eit godt utbygd skuletilbod med to nye vidaregåande skular. Det er god kommunikasjon vestover til Bergen/ Flesland og austover til Oslo.

Arbeidsoppgåver

• Jordmorfagleg ansvar for gravide, fødande og barselkvinner
• Rettleiing av "nybakte foreldre"
• Rettleiing av jordmorstudentar/sjukepleiarstudentar og medisinarstudentar
• Oppfølging av nyfødde i perinatalperioden

Kvalifikasjonar

• Norsk autorisasjon som jordmor
• Relevant sjukehuserfaring
• Må meistre norsk munnleg og skriftleg
  

Personlege eigenskapar

• Du har god fagleg vurderingsevne, arbeider målretta og strukturert
• Du er punktleg og påliteleg
• Du bidreg til eit godt arbeidsmiljø
• Du må kunne arbeide godt både sjølvstendig og i team
• Du toler å stå i krevjande situasjonar
• Du har gode samarbeidsevner, er arbeidsvillig og initiativrik
  

Vi tilbyr

• Lønn i samsvar med gjeldande overeinskomst
• Triveleg arbeidsmiljø og kompetente medarbeidarar
• Høgt fagleg nivå
• Fagleg og personleg utvikling
• Interne fagdagar
• Rotasjonsstilling til kvinneklikken i Bergen

Mangfaldserklæring
Vi ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.

Kontaktinformasjon

Hege Aldal Indrebø, Avdelingsjordmor, 92429062

Arbeidsstad

Sjukehusvegen 16

5704 Voss

Nøkkelinformasjon:

Arbeidsgivar: Helse Bergen



Referansenr.: 4800855055

Stillingsprosent: 100%

Fast

Søknadsfrist: 16.05.2024