Sommarjobb i Ferie-SFO
- Arbeidsgiver
- Oppvekst, Kvam herad
- Stillingstittel
- Sommarjobb i SFO/Ferieklubb
- Frist
- 02.05.2024
- Ansettelsesform
- Sommer/Sesong
Beskrivelse
Har du lyst på ein aktiv sommarjobb saman med barn Kvam?
Kvam herad søkjer etter assistentar til ferie-SFO i veke 26 og 27, sommaren 2024 . Ferie-SFO er open for barn som skuleåret 23/24 går i 1. - 4. klasse, og eldre barn med særskilte behov. Det vert kursing og førebuing torsdag 20. og fredag 21. juni 2024. Stad: Norheimsund skule.
Arbeidsoppgåver
SFO-leiarane i Norheimsund og Øystese har hovudansvar for å leggja til rette og planleggja aktivitetar knytt til ferie-SFO med fokus på opplevingar på skulen og i nærmiljøet. Assistentane har ansvar for gjennomføring av aktivitetane saman med barna.Kvalifikasjonar
- Me søkjer deg som held på med relevant utdanning innan barnehage og skule, eller har anna relevant erfaring/ utdanning knytt til arbeid med barn.
- Du må vera fylt 18 år og bør ha førarkort kl. B
Dei som vert tilsett i stillingane må leggja fram politiattest ved tilsetjing (skal ikkje vera med i søknaden).
Personlege eigenskapar
Me treng deg som:
- er i godt humør og byr på deg sjøl
- likar å vera saman med barn og taklar ulike utfordringar
- er trygg i rolla som vaksen
- har gode samarbeidsevner
- er seviceinnstilt og engasjert
- er fleksibel og løysingsorientert
- møter andre på ein respektfull og open måte
- likar å vera ute i allslags vêr
Vi tilbyr
- Ein sommarjobb der du får praktisk erfaring med å vera med ulike barn i ulike aktivitetar
- Ferievikarar i Kvam herad vert løna etter sentral tariffavtale
Generell informasjon:
Den kommunale organisasjonen skal i størst mogleg grad spegla mangfaldet i befolkinga. Målet er difor å oppnå ei balansert samansetjing når det gjeld alder, kjønn og kulturell bakgrunn. Kvam herad ønskjer å inkludera og leggja til rette for personar med nedsett funksjonsevne. I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta. Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette.
Kontaktinformasjon
Linda Haugland Jondahl, Rektor Norheimsund skule, +47 905 95 991Arbeidsstad
Nøkkelinformasjon:
Arbeidsgivar: Kvam heradReferansenr.: 4783592708
Stillingsprosent: 100%
Sommarjobb
Søknadsfrist: 02.05.2024
- Sektor
- Offentlig
- Antall stillinger
- 5
- Sted
- 5600 Norheimsund
- Stillingsfunksjon
- Undervisning og pedagogikk, Annet, Barnehage / Barnehageassistent
- FINN-kode
- 348820317
- Sist endret
- 16. apr. 2024 02:05