Vil du vere med å skape eit meir berekraftig universitet? 

Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Er du vår nye berekraftspilot?

Universitetet i Bergen består av rundt 20 000 studentar og 4000 tilsette. Skal vi nå våre mål om å bli eit klimanøytralt og meir berekraftig universitet er det særs viktig at studentmassen involverast. Vi lyser derfor ut to 20 %-stillingar som berekraftspilotar. I arbeidet som berekraftspilot vil du kunne bidra med ditt eige perspektiv, og løfte studentane si stemme inn i UiB sitt arbeid med berekraft. Du vil ha faste møtepunkt opp mot leiinga ved universitetet og har moglegheit til å direkte påverke UiB sitt arbeid med berekraft. Det vil også vere moglegheiter for samarbeid med næringsliv, organisasjonsliv og relevante aktørar i studentmassen som eksempelvis Studentparlamentet ved UiB.

Vi søkjer to studentar til å fylle stillingar innafor følgande arbeidsområde:

Pilot 1: Kommunikasjon og formidling

Skal formidle Berekraftspilotane sine prosjekt og idear gjennom sosiale medium og andre relevante kanalar.

Eksempelvis:

• Lage plan for kommunikasjon i samarbeid med dei andre pilotane.
• Ansvarleg for å oppdatere og videreutvikle delar av nettsida om UiB Bærekraft. 
• Inngå i kommunikasjonsgruppe for Klimanøytralt UiB.
• Vert tilsett for 1 år frå 12. august 2024 – 13. juni 2025.

Pilot 2: Fag og forsking

Skal løfte studentperspektivet i arbeidet med blant anna SDG-konferansen i Bergen, og informere UiB-studentar om emne og studiemoglegheiter, samt aktivitetar og berekrafts-relatert forsking.  

Eksempelvis:

• Inngå i sekretariatet for SDG-konferansen. Delta i organiseringa av aktivitetar på Day Zero med særlig ansvar for involvering av studentar og studentorganisasjonar.
• Være med å planlegge UiBs bidrag til One Ocean Week og klimafestivalen Varmere, Våtere Villere.
• Arbeide med å opprette ei nettside for berekraftige masteroppgåver og synleggjere mottakarar av grønt masterstipend.
• Vert tilsett for 1 år frå 12. august 2024 – 13. juni 2025.

Som berekraftspilot ved UiB vil du:

• Vere med på å løfte studentane si stemme inn i UiB sitt arbeid med berekraft og Klimanøytralt UiB.
• Få oppfølging av ein mentor knytt til arbeidsområdet.
• Planlegge, gjennomføre og evaluere aktivitetar som kan bidra til å sette berekraft og Klimanøytralt UiB på dagsorden ved UiB, innafor ramma for budsjett tildelt berekraftspilotane sitt arbeid.
• Følgje opp og gjennomføre faste oppgåver og prosjekt.
• Ha fast kontortid ein dag i veka saman med dei andre berekraftspilotane.
• Ha dialoglunsjar med rektoratet to gonger i semesteret (berekraftig lunsj).
• Utarbeide årsrapport som skal vere klargjort før avslutning av oppdragsperioden.

Vi søkjer etter deg som:

• Er student ved Universitet i Bergen.
• Har eit stort engasjement for berekraft og eit ynskje om å legge til rette for studentane si rolle i arbeidet.
• Har interesse for prosjektarbeid og styring av prosjekt.
• Likar å arbeide i team samtidig som du evnar å arbeide sjølvstendig.
• Er initiativrik og arbeider målretta.
• Er fleksibel, men klarer samtidig å ha en god balanse mellom studiar, fritid og arbeid.

Vi kan tilby:

• Som berekraftpilot får du høve til å arbeide med prosjekt og aktivitetar som vil kunne bidra til å auke studentane sin kompetanse på berekraft.
• Erfaring med arbeid i ein stor statleg organisasjon.
• Du vil få utvida og etablert nettverket ditt ved UiB og samstundes arbeide med nybrottsarbeid.
• Arbeidstidene vil vere fleksible slik at du kan kombinere stillinga med studiar.
• Løn som konsulent (kode 1065, ltr. 38- 42) med ei årslønn mellom kr 428 100 - kr 448 900 i 100 % stilling, avhengig av erfaring og kvalifikasjonar. For særs kvalifiserte søkjar kan høgare løn vurderast.
• Medlemsskap i Statens pensjonskasse.
• Gode velferdsordningar.

Generell informasjon:

Utfyllande opplysningar om stillinga kan ein få ved å vende seg til: Miljøkoordinator Helene Wiken, Eigedomsavdelinga, tlf. nr. 415 58 025

Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.

Vi ber søkjarane spesifisere i søknaden kva for eit område dei ynskjer å jobbe med.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

UiB er underlagt regelverket for eksportkontroll og regelverket kan komme til anvending ved behandling av søknader til stillinga

Nærare om tilsettingsprosessen her.