Kulturskulerektor - Musikkleiar 100% fast stilling

Vi har ledig 100% fast stilling som Kulturskulerektor/Musikkleiar frå 01.08.2024.

Som kulturskulerektor vil du ha ansvar for fagleg og administrativ leiing av skulen, samt strategisk planlegging for at kulturskulen skal utvikle seg i tråd med føringar og behov. Sykkylven kulturskule er ei fagavdeling innan kultureininga og rektor er med i einingsleiar si leiargruppe. Stillinga utgjer 60% rektor og 40% musikkleiar. Som musikkleiar er det forventa at du arbeider saman med kultureininga om andre kulturoppgåver.

Arbeidsstad
Sykkylven kulturskule flytta hausten 2023 inn i nye og tilpassa lokale for musikk- og kunstundervisning ved nye Aure barneskule. Medan danseundervisninga foregår på Sykkylven kulturhus. Rektor har kontorplass i adm.avd. ved barneskulen, og musikkleiar har kontor i kultureininga som er lokalisert på Sykkylven kulturhus. Desse finn du i sentrum av kommunen.

Kulturskulen har i dag rundt 3,5 årsverk, fordelt på 12 tilsette og har dette skuleåret vel 220 elevar. Kulturskulen har tilbod innan musikk, dans og kunstfag. Den har ein god pedagogisk stab med fagleg høgt nivå og vert sett på som eit lokalt ressurssenter som yter tilbod primært til born og unge mellom 0 – 18 år. I 2017 vart det vedteke lokal rammeplan som er førande for kulturskulen sitt arbeid.
 
Kulturlivet i Sykkylven er aktivt og mangfaldig med mange kor, korps og storband med lange tradisjonar og høgt nivå. Kulturskulen er også inne med korpsundervisning i grunnskulen.
 
Kultureininga og kulturskulen er inne i ein spanande utviklingsfase og det er forventa at rektor tek del utviklingsarbeid i nettverk med kulturskulerektorar i fylket og regionen. Og arbeider for at kulturskulen er ein relevant og inkluderande aktør i lokalsamfunnet og samarbeider godt med aktørar i lokalt musikk og kulturliv.

Arbeidsoppgåver

• Fagleg og administrativ leiing
  
• Personalleiing i kulturskulen
  
• Økonomikontroll
  
• Samarbeide i Kulturforum om Den kulturelle skulesekken
  
• Sekretær for Sykkylven musikkråd og samarbeid om prosjekt/konsertar
  
• Samarbeid med kultureininga om ulike kulturproduksjonar

Kvalifikasjonar

• Minimum 3-årig høgare utdanning innan musikk- og kulturfag, og med pedagogikk i utdanninga (PPU)
• Erfaring frå kulturskule eller anna relevant verksemd
• Relevant leiarutdanning og/eller leiarerfaring
• Erfaring med å administrere små og store kulturproduksjoner

Personlege eigenskapar

• Vi søkjer ein rektor som er fleksibel og initiativrik og som har evne til å engasjere og samtidig vere lyttande til medarbeidarane sine
  
• Som musikkleiar søkjer vi ein kreativ og utadvendt person som har idear og gjennomføringsevne og kan skape vekst og optimisme gjennom samarbeid med lokalt musikk- og kulturliv i åra framover

Personlege eigenskapar vil bli vektlagt

Vi tilbyr

• Eit godt arbeidsmiljø med engasjerte kollegaer
• Ei spennande stilling med utfordrande og varierte arbeidsoppgåver
  
• Tilsetting i samsvar med offentleg avtaleverk/tariff
  
• Obligatorisk tenestepensjonsordning
  
• Gode forsikringsvilkår og låneordningar
• Gratis parkering

 

Offentlegheit
Vi gjer merksam på at det er offentleg søkjarliste. Unntak frå offentlegheit må grunngjevast jf. offentleglova § 25 andre ledd.

Vitnemål og attestar
Vi ber om at søkjar leverer vitnemål og attestar slik at det blir rekna ut rett ansiennitet og løn. Vitnemål kan hentast inn frå Vitnemålsportalen under vedlegg i søknaden.

Kontaktinformasjon

Halstein Kurseth, Kultursjef, 41605528, halstein.kurseth@sykkylven.kommune.no

Arbeidsstad

Kyrkjevegen 2

6230 Sykkylven

Nøkkelinformasjon:

Arbeidsgivar: Sykkylven kommune



Referansenr.: 4794425524

Stillingsprosent: 100%

Fast

Startdato: 01.08.2024

Søknadsfrist: 25.04.2024