Lærling Helsefagarbeidar - 2.gongs lysing 

Vang kommune har to ledige lærlingplassar for helsefagarbeidarlærlingar ved Etat for helse og omsorg frå hausten 2024.

Som lærling hjå oss inngår du lærekontrakt, og får arbeidserfaring frå fleire deler av etaten. Som lærling har du krav på opplæring, rettleiing og vurdering undervegs i læretida. Etter endt opplæring går du opp til ei fagprøve.

Aktuelle arbeidsstadar:
Som helsefagarbeidar kan du få arbeid i tilrettelagte tenester, på dagsenter, sjukeheimen og i heimetenesta.

Arbeidsoppgåver

Ein helsefagarbeidar gjev omsorg, og utfører grunnleggjande pleie til menneske som er sjuke eller har behov for pleie og omsorg. Det er både yngre og eldre menneske, i og utanfor institusjon.

• Planlegge og gjennomføre grunnleggjande pleie for akutt eller kronisk sjuke og menneske med samansette og komplekse behov
• Setja i gang førebyggjande og behandlande tiltak innan eige ansvars- og kompetanseområde
• Dokumentere forhold om pasienten i elektronisk pasientjournal
• Assistere ved forflytting og trening for å halde oppe funksjonsnivået til brukaren
• Bruke tilgjengeleg velferdsteknologi som til dømes tryggleiksalarmar, lokaliseringsteknologi (GPS) og elektroniske medisindispenserar
• Lage måltid og kartleggje ernæringssituasjon
• Dele ut medisinar etter gjeldande rutinar
• Miljøretta tiltak og aktivitetar

Lærlingar har rettigheiter og plikter som andre arbeidstakarar. Du har rett til å få den opplæringa som
læreplanen fastset, og plikt til å delta aktivt for å nå måla, og å delta i planlegging og vurdering av ditt eige
arbeid.

Kvalifikasjonar

Du er velkomen til å søke læreplass i Vang kommune om du tilfredsstiller desse krava:

• Har fullført VG1 og VG2 innan relevant lærefag, eller bestått innan oppmelding til fagprøve
• Er motivert
• Har gode norskkunnskapar munnleg og skriftleg
• Karakterar og fråvær vil inngå i vurderinga, men er ikkje aleine avgjerande for om du får læreplass
• Ved tilsetting må politiattest leggast fram.
  

Personlege eigenskapar

• Du har gode haldningar til folk, faget og til å samarbeide med andre
• Du er ansvarsfull og pliktoppfyllande
• Me ynskjer også at du er åpen, fleksibel, samarbeidsvillig, sjølvstendig og ansvarsbevisst. 
  

Vi tilbyr

• Midlertidig tilsetjing i Vang kommune i to år
• Løn som lærling etter KS tariff
• Gode og inkluderande fagmiljø
• Kvalifiserte instruktørar/rettleiarar
• Delta på interne og eksterne kurs
• Personleg rettleiing
• Hjelp til jobbsøk
• Eit hyggeleg læringsmiljø

Tilbod om fast stilling når du blir autorisert som helsefagarbeidar

Kontaktinformasjon

Guro Råheim Kvam, Kommunalsjef Helse - og omsorg, 99091187, guro.raheim.kvam@vang.kommune.no

Arbeidssted

Tyinvegen 5161

2975 Vang i Valdres

Nøkkelinformasjon:

Arbeidsgiver: Vang Kommune



Referansenr.: 4775910266

Stillingsprosent: 100%

Lærling

Søknadsfrist: 02.05.2024