Gaskaboddosaš konsuleanta-/ vuosttaškonsuleantavirgi

Gaskaboddosaš konsuleanta- / vuosttaškonsuleanta virgi

Sámi allaskuvlla oahppo- ja dutkanhálddahusas lea gaskaboddosaš konsuleanta-/ vuosttaškonsuleantavirgi rabas. Álgin lea farggamusat.

Virgi lea rabas 31.12.2024 rádjái, muhto sáhttá árvvoštallot guhkiduvvot jus ossodagas rahpasa vejolašvuohta dasa.

Bargoviidodat virggis

Virggis lea erenoamáš ovddasvástádus diehtojuohkimii Sámi allaskuvlla oahppofálaldagaid ja daid guoskevaš ohcanproseassaid birra. 

Virggis lea muđui ovddasvástádus álkit áššemeannudeamis, ja galgá muđui sihkkarastit oahppohálddahusa beaivválaš doaimmaid.

Barggut leat earret eará:

• Ođastit ja čuovvolit oahpuid rekruterenstrategiija ja -plánaid
• Plánet ja koordineret oahpuid rekrutterendoaimmaid ja -materiálaid
• Doarjjan oahpuid sisaváldimis, ee. vástidit ohcciide ja gaskkustit áigemeriid
• Searvat oahppojagi álgima plánemii, koordineremii ja čađaheapmái
• Studeanttaid vuostáváldin oahppobáikái
• Álggahanvahku lágideapmi
• Álkit áššemeannudeapmi
• Eará doaimmat maid lagamus hoavda bidjá

Virgi lea oassin dutkan- ja oahppohálddahusas. Virggi sajádat organisašuvnnas ja bargoviidodat sáhttá rievdat organisašuvdnanuppástuhttimiid geažil.

Gelbbolašvuođagáibádusat

Virgái gáibiduvvo oppalaš lohkangelbbolašvuohta, ja lea ovdamunni jus lea oahppu universitehta dahje allaskuvlla dásis.

Virgái gáibiduvvo buorre čálalaš ja njálmmálaš máhttu sámegielas.

Lea ovdamunni jus lea hálddahuslaš vásáhus ja vásáhus álkibut áššemeannudeamis almmolaš suorggis.

Virgái deattuhit persovnnalaš heivvolašvuođa, earret eará dárkilvuođa, čorgatvuođa ja iešheanalašvuođa bargguid čađaheamis.

Virgái gáibiduvvo buorre máhttu sámegielas ja ovtta skandináva gielas, sihke njálmmálaš ja čálalaš. Máhttu eŋgelasgielas lea ovdamunni.

Bálká

Virgi bálkáhuvvo Stáda bálkáplána 90.103, virgekoda 1065 konsuleanta dahje virgekoda 1408 vuosttaškonsuleanta. Bálká mearriduvvo ohcci oahpu ja bargohárjáneami vuođul. 

Formála lassigelbbolašvuohta sámegielas unnimustá 60 oahppočuoggá bachelordásis, addá 20 000,- lassibálkán vuođđobálkái vuosttašgeardde virgáibidjamis Sámi allaskuvllas. 

Bálkkás gesso 2 % geatnegahtton divat Stáda penšunkássii

Mii fállat

• Virggi mas ovdánahttinvejolašvuođat viiddis ja máŋggabealat fágabirrasis
• buori bargobirrasa gos lea stuora fokus alla kvalitehtii ja ovdánahttimii
• heivehahttii bargoáiggi ja máŋggabealat čálgofálaldagaid
• miellahttuvuođa stáda penšunkássas

Ohcan

Ohcan oktan CV:in ja dokumentašuvnnaiguin sáddejuvvojit elektrovnnalaččat www.jobbnorge.no bokte.

Bivdit almmuhit unnimusat guokte referánsa. 

Ohcanáigemearri: 30.04.2024

Jus lea váttisvuohta deavdit elektrovnnalaš CV:a, de sáhttá váldit oktavuođa Jobbnorge áššebálvalusain e-poasta: support@grade.no dahje riŋget telefovdnii: 75 54 22 20. 

Oppalaččat

Virgáibidjan dahkko lágaid, šiehtadusaid ja njuolggadusaid ektui mat gustojit bargiide Norgga stádas ja allaskuvlasektoris. Sámi allaskuvla galgá nu bures go vejolaš speadjalastit álbmoga girjáivuođa ja mii ávžžuhit gelbbolaš kandidáhtaid ohcat virgái beroškeahttá sohkabealis, agis, doaibmanávccas dahje kultuvrralaš duogážis.

Jus leat gelbbolaš ohccit geat lea doaimmashehttejuvvon, leat guhkit áiggi leamaš eret bargoeallimis, dahje geain lea sisafárrejeaddjiduogáš, de bovdet unnimusat ovtta ohcci guđege joavkkus jearahallamii. Ávžžuhit ohccit merket bargoportálas jus lea doaimmashehttejupmi, guhkit áigge jávkan bargoeallimis, dahje lea sisafárrejeaddjiduogáš. Mearkumat bargoohcciportálas hábmejit vuođu anonymiserejuvvon statistihkkii maid buot stáhtalaš ásahusat raporterejit jahkeraporttain. Sámi allaskuvla lea IA-ásahus ja deattuha bargodili heiveheami ovttaskas bargái.

Virggis lea 6 mánu geahččalanáigi.

Dievdoolbmot ávžžuhuvvojit ohcat dásseárvo- ja vealahanlága § 9 ja § 29 vuođul. Jus guovtti dahje eanet ohcciin lea sullii seamma olu gelbbolašvuohta virgái, de vuoruhuvvo dievdoolmmoš ovddabeallái nissonolbmo dásseárvo- ja vealahanlága § 9 vuođul.

Fuomášuhttit ahte dieđut ohcciid birra sáhttet almmuhuvvot vaikko ohcci ieš lea bivdán su nama sihkkojuvvot ohcciidlisttus. Ohcci oažžu dieđu dan birra ovdagihtii. 

Oktavuođadieđut

Eanet dieđuid virggi birra oažžu ossodatjođiheaddjis Áila Márge Varsi Balto, eboasta: ailamvb@samas.no, tlf. +47 78448503