Lærarstillingar for skuleåret 2024/2025

Kom til Gulen og jobb som lærar 

Dagsturhytta er flittig brukt av Eivindvik barnehage og skule, og turen frå skulen til Gulakvila er ein læringsarena i fleire fag. Skulen er oppteken av, og flinke til å nytte seg av naturen og elles nærområdet i undervisinga si.  

Skulen ved Eivindvik barnehage og skule har mellom 60 og 70 elevar i 1. - 10. klasse. Sjå www.eivindvik.skule.no for meir informasjon, planar, bilete osb.

Eivindvik barnehage og skule har fylgjande ledige lærarstillingar frå 01.08.2024.  

• 100% fast
• 100% vikariat  
• I inntil 50% mellombels stilling frå 01.08.2024 - 31.07.2025

Arbeidsoppgåver/kompetanse 

Eivindvik barnehage og skule er ein av fire skular i Gulen kommune. Skulane er relativt små 1- 10- skular, kor dei ulike klassetrinna vekslar på å ha undervising åleine og saman med andre klassetrinn. For å få dekka all undervising ved skulane, er vi avhengig av at dei faste lærarane har undervisingskompetanse i fleire fag. Vi søkjer derfor etter lærarar som har breid undervisingskompetanse.

Aktuelle arbeidsoppgåver til desse stillingane, er blant anna: undervising på barnetrinn, begynnaropplæring, mogleg spesialundervising i ulike klassesteg, kunst- og handverk, naturfag, musikk, engelsk og anna. Ved tilsetjing vil me vurdere kompetansen hjå søkjarane knytt opp mot den samla kompetansen og behovet i eininga. Dersom ein ikkje får søkjarar med formell kompetanse, kan ein vurdere mellombels tilsetjing av søkjarar utan formell kompetanse i den faste stillinga. 

Personlege eigenskapar 

• Er fagleg bevisst og godt førebudd til undervisning
• Har gode kommunikasjonsevner, samhandlar godt med elevane og er ein tydeleg klasseleiar
• Samarbeider aktivt i det profesjonsfaglege fellesskapet om utviklinga av læringmiljø og læringsutbytte
• Gode IKT- kunnskapar
• Å vere personleg eigna kan verte vektlagt ved tilsetjing

Anna 

• Tenestespråket i Gulen kommune er nynorsk
• Tilsetjing etter gjeldande lover, føresegner og avtalar
• For tilsetjing innan pleie og omsorg, PU, i skule og i barnehage, vert det stilt krav om politiattest
• Vi gjer merksam på at søkjarlister med namn, kjønn, alder og noverande stilling er offentleg informasjon. Dersom søkjarar likevel ber om konfidensiell handsaming, og grunnen for å unnta offentleggjering ikkje vert godkjent, får søkjaren høve til å trekke søknaden sin før offentleggjering
• Løn etter tariff