Vi søker: Formidlar/Museumspedagog i 100% stilling, sesongengasjement

Viti søker ein formidlar som blir del av formidlingsteamet ved dei kulturhistoriske musea i Ålesund; Sunnmøre museum, Middelaldermuseet og Fiskerimuseet.

Formidlaren får særleg ansvar for å førebu, leie og gjennomføre sommarformidlinga ved musea. Les meir om sommarformidlinga her.

Periode: 1. mai til og med 30. september.

Vi oppfordrar deg som har master i relevante kulturfag til å søke, og vi vil prioritere søkjarar som kan jobbe heile den utlyste perioden.

• Er positiv, omgjengeleg og serviceinnstilt.
• Har interesse og /eller fagbakgrunn innan museum og historie
• Har gode formidlingsevner, på norsk og engelsk
• Er sjølvstendig, strukturert og ryddig
• Har evne til å handtere varierte arbeidsoppgåver og utfordringar

• Vi tilbyr ein spennande og varierande arbeidsdag i eit godt arbeidsmiljø.
• Løn etter tariff og kvalifikasjonar. Aktuell plassering er enten 1408 førstekonsulent eller 1434 rådgjevar med lønn fra 466 600,- til 532 200,-
• Alle tilsette i Viti får medlemsskap i KLP.

Arbeidstid varierer og blir sett inn i ein turnus som også kan vere helg.

Søknadsfrist: 26. april. Ver vennleg å spesifiser kva stilling du søker på.

Vitnemål og attestar skal leggast ved i søknaden. Vi krev vandelsattest til formidlarstillingane.

Send søknad til post@vitimusea.no