Embete som sorenskrivar ved Haugaland og Sunnhordland tingrett

Om stillinga

Vil du ha ei stilling der du både får bryne deg på eit stort spekter av juridiske oppgåver, samtidig som du har ein viktig samfunns- og lederrolle?

Det vert ledig ein stilling som domstolleiar ved Haugaland og Sunnhordland tingrett. Tiltreding etter nærare avtale.

Domstolen vert leia av domstolleiar, og har i tillegg  nestleiar, 8 tingrettsdommarar, 3 dommarfullmektigar, administrasjonssjef, 2 seksjonsleiarar og 14 saksbehandlarar.

Sentrale arbeidsoppgåver

• Overordna styrings- og administrativt ansvar
• Overordna ansvar for den dømande verksemda og saksbehandling knytt til verksemda
• Mål- og resultatansvar
• Leie og vidareutvikle domstolen i tråd med strategisk plan
• Leie og bidra til felles kultur for domstolen og for Noregs domstolar.

Me søkjer ein person med engasjement for leiing. Du må ha grunnleggjande forståing for domstolens oppgåver, fremje rettstryggleik og verne om rettssamfunnet, og ivareta domstolens brukarperspektiv. Effektivisering, digitalisering, ressursutnytting og resultatoppnåing er sentrale område for domstolens vidare utviklingsarbeid.

Kven er du?

Krava vi stiller for å bli domstolleiar er:

• Juridisk embetseksamen/universitetsgraden cand.jur eller master i rettsvitskap
• Du må vere norsk statsborgar
• Du må ha leiarerfaring og god munnleg og skriftleg framstillingsevne
• Du må ha brei yrkes- og livserfaring, noko du vil få bruk for i dei mange ulike sakene du vil handtere og menneskjene du vil møte
• Du må ha god innsikt i eigne styrkar og utfordringar som leder
• Du må kunne jobbe sjølvstendig, ha god gjennomføringsevne og evne å ta vanskelege avgjerder
• Du skapar tillit, er tydeleg, og har evne til å etablere eit godt samarbeid med dine medarbeidarar
• Du forstår betydninga av å involvere og motivere medarbeidarane i utviklinga av domstolen
• Du kjenner lov- og avtaleverket i arbeidslivet, herunder om arbeidsmiljø, arbeidsgivars styringsrett og tilsette si medbestemmelse
• Du er interessert i de moglegheiter som digitale system og verktøy gir for effektivisering av arbeidsprosessar, samtidig at du har kunnskap og økonomistyring

For kandidatar som blir innstilt krev ein uttømmande politiattest. Det vises spesielt til Innstillingsrådets Praksisnotat, kap. 5, ”Lederkriterier i norske domstoler”. Dommarane må opptre uavhengig av partane og kunne ivareta domstolane si konstitusjonelle uavhengigheit, ha ei tillitsvekkjande framferd i retten og kunne kommunisere godt med brukarane av domstolen. 

Kva tilbyr vi?

Forutan ein svært variert arbeidskvardag og eit viktig samfunnsoppdrag, kan vi tilby deg følgjande i denne stillinga:

• Eit sjølvstendig og meiningsfullt arbeid og stort rom for fagleg utvikling
• Eit omfattande introduksjonsprogram for nye dommarar og eit leiarprogram kor du møter andre domstolleiarar i domstolen
• Årlege oppdaterings- og etterutdanningstilbod
• Høve til ein månads studiepermisjon kvart fjerde år
• Gode pensjons-, forsikrings- og låneordningar i Statens pensjonskasse

Lønn for stilling som sorenskrivar er for tida kr. 1 578 900,-. Frå lønna blir det trekt 2 % pensjonsinnskot til Statens pensjonskasse.

Om oss

Domstolane utgjer den tredje statsmakta. Noreg har 49 domstolar med om lag 2000 tilsette. Landet er delt inn i 23 tingrettar (rettskrins) med omlag 1100 tilsette. Sjå meir om oss på www.domstol.no.

Domstolane er avgjerande for at vi har eit trygt og godt samfunn basert på tillit. Tillit mellom menneske og styresmakter, men også mellom deg og meg. Alle skal ha tillit til og respektere våre avgjerder, uavhengig av utfall.

Med vår rolle følgjer eit stort ansvar. Våre avgjerder er uavhengige og upåverka av styresmakter eller press frå andre miljø. Med komplekse, juridiske problemstillingar bruker vi tid på å dykke ned i jussen.

Haugaland og Sunnhordland tingrett er ein fullfagleg førsteinstansdomstol, med rettsstader/tinghus i Haugesund og Leirvik. Sakene vert handsama ved den rettsstaden dei geografisk høyrer til. Det må påreknast å gjere teneste på begge rettsstadene i rettskrinsen. Domstolen har 13 dømmande årsverk og ein samla bemanning på 30 årsverk.

Rettskrinsen utgjer kommunane Haugesund, Sauda, Bømlo, Karmøy, Tysvær, Vindafjord, Etne, Suldal, Bokn, Utsira, Sveio, Fitjar, Kvinnherad, Stord og Tysnes.

Gjennom den sjølvstendige stillinga og den høge faglege kvaliteten er domstolane samfunnets fremste konfliktløysningsorgan. Domstolane bidreg til vern av kvar og ein sine rettar. Eit viktig mål for domstolane er å skape tillit i befolkninga ved forsvarleg, upartisk og effektiv dømmande verksemd.

Dommararbeidet stiller strenge krav til fagleg dugleik, personlege eigenskapar og brei yrkes- og livserfaring.

Det er eit sentralt personalpolitisk mål at dei tilsette i domstolane skal ha ein variert erfaringsbakgrunn og speile befolkningssamansetjinga generelt - både når det gjeld kjønn og kulturelt mangfald.

Innstillingsrådet for dommarar gir innstilling om dommarutnemningar til Kongen i statsråd, der utnemninga skjer.