rådgjevar/seniorrådgjevar

Eininga for logistikk og materiell ved Sivilforsvarets kompetansesenteret har ledig stilling som materiellrådgivar, for tida innanfor fagområda CBRN, sanitet og generell materielltryggleik (safety). Vi ser etter deg som er interessert i samanhengen mellom behov, gode anskaffingar og operative beredskapsleveransar. Du må trivst med teknisk saksbehandling, materiellforvalting og anskaffingar, og vere komfortabel med både generell saksbehandling og analytisk utgreiingsarbeid. Vi ser etter ein person som har den rette kombinasjonen av utdanning, erfaring og personlege eigenskapar til å bidra positivt til eininga både fagleg og som kollega.
 
Du skal:

• utføre generell saksbehandling innanfor eiga materiellportefølje
• rekne ut og budsjettere etterforsynings- og fornyingsbehov, gjere avrop på rammeavtalar og utføre kvalitetskontrollar av motteke materiell etter behov
• skrive kravspesifikasjonar, leggje til rette for utprøving av materiell og følgje opp rammeavtalar og leverandørar
• rettleie sivilforsvarsdistrikta i bruk og korrekt materiellforvalting innanfor eigen materiellportefølje
• bidra til drift, vidareutvikling og revisjon av digitalt materiellforvaltingssystem og styrande dokument
• vere kompetanseperson hos eininga innanfor materielltryggleik (safety)
• bidra til å støtte opp om resten av oppgåveporteføljen som eininga har

 
Kvalifikasjonar
 
Du må ha:

• bachelorgrad. Relevant fagbrev eller teknisk fagskule i kombinasjon med relevant erfaring kan kompensere for kravet til bachelorgrad. Utanlandsk utdanning må vere godkjend av NOKUT
• god munnleg og skriftleg framstillingsevne på norsk
• erfaring med å skrive vedtaksgrunnlag, prosjektrapportar og tilsvarande
• god kompetanse på bruk av digitale saksbehandlingsverktøy (Office)
• følgjande personlege eigenskapar:
  • strukturert
  • analytisk
  • ansvarsmedviten
  • god gjennomføringsevne
  • lagspelar

 
 
Vi ønskjer at du har:

• erfaring frå offentleg forvalting og saksbehandling
• erfaring frå offentlege anskaffingsprosessar
• erfaring frå logistikkverksemd eller lagerdrift
• kjennskap til statleg økonomistyring
• erfaring med bruk av digitale materiellstyringssystem
• erfaring frå materiellforvalting eller materiellstyring frå beredskapsverksemd
• erfaring frå HMS-arbeid, fortrinnsvis relatert til tryggleiksaspekt rundt bruk av materiell

 
 
Vilkår
Fast stilling som rådgivar (stillingskode 1434) med årsløn frå kr 604 900–667 700 (lønstrinn 62–68), eller som seniorrådgivar (stillingskode 1364) med årsløn frå kr 646 000–720 100 (lønstrinn 66–72), avhengig av kvalifikasjonar.
 
Tryggleiksklarering
Den som får tilbod om stillinga, må kunne få tryggleiksklarering for Hemmeleg før tiltreding.
 
 
Om Sivilforsvaret, kompetansesenteret og stillinga
Sivilforsvaret er ein uniformert etat underlagt Direktoratet for samfunnstryggleik og beredskap (DSB) og blir leidd av Sjef Sivilforsvaret. Sivilforsvaret består i fredstid av 8000 tenestepliktige mannskapar som er fordelt på 20 sivilforsvarsdistrikt, kvart av dei under leiing av ein distriktssjef. Sentralt nivå er organisert gjennom Sivilforsvarsavdelinga som består av to seksjonar og eit økonomi- og styringssekretariat. I tillegg er det ein krigsreserve med ytterlegare tenestepliktige. 
 
Sivilforsvarets hovudoppdrag er å verne befolkninga i krise og krig. Sivilforsvaret har myndigheitsansvar for ei rekke sivile vernetiltak. I fredstid skal Sivilforsvaret sørgje for at god beredskap blir halden oppe i heile landet og bistår som forsterkningsressurs når nødetatane og andre myndigheiter treng ekstra ressursar. Sivilforsvaret er organisert med lokale, regionale og nasjonale innsatsstyrkar beståande av tenestepliktige mannskapar og befal. Eit eige kompetansesenter har ansvaret for utdanning og opplæring. Det er totalt ca. 220 tilsette i Sivilforsvaret, fordelt på distrikta og Sivilforsvarsavdelinga. Den viktigaste ressursen er dei tenestepliktige som blir kalla ut til innsats i ulike oppdrag frå nord til sør. Sivilforsvaret bidreg også internasjonalt med ulike kapasitetar på DSB sine vegne, og tar fra 2024 over ansvaret for logistikkverksemd ved donasjon og materiell.
 
Sivilforsvarets kompetansesenter (SFK) har fleire nasjonale oppgåver innanfor utdanning, forvalting av tenesteplikt, materiell og logistikk. Alle dei 8000 tenestepliktige i Sivilforsvaret har grunnkurs og vidaregåande opplæring frå SFK. SFK har også det nasjonale kompetansemiljøet innanfor materiell og logistikk, og driftar sentrallageret til Sivilforsvaret for nasjonalt materiell.
SFK er delt opp i tre einingar med kvar sine leiarar. Stillinga som materiellrådgivar høyrer inn under eininga for logistikk og materiell. Dei andre einingane ved SFK har ansvarsområde innanfor kompetanse og forvalting av tenestepliktige, administrasjon og leirdrift.
 
Kontorstaden er Starum, og det er forventa at dei tilsette ved eininga for logistikk og materiell som hovudregel er til stades på kontoret. Heimekontor og fjernkontor kan tillatast for kortare periodar etter avtale med einingsleiar.
 
Sivilforsvaret er ein uniformert beredskapsetat. I særskilde tilfelle kan det bli nødvendig å setje inn beredskapsvakt, med oppmøte på Starum innan ca. éin time.
 
Det må påreknast ei visse reiseverksemd (ca. 15 reisedøgn i året) i samband med seminar og besøk til sivilforsvarsdistrikta.
 
Les meir om Sivilforsvaret på www.sivilforsvaret.no
 
 
 Om DSB
DSB (Direktoratet for samfunnstryggleik og beredskap) skal ha oversikt over risiko og sårbarheit i samfunnet. Vi er pådrivarar i arbeidet med å førebyggje ulukker og kriser, og bidreg til effektiv ulukkes- og krisehandtering. Hovudkontoret ligg i Tønsberg, og vi har einingar over heile landet. Til saman er vi ca. 650 tilsette. DSB er underlagt Justis- og beredskapsdepartementet.
 
 
Om å jobbe i DSB
Risiko og sårbarheit i samfunnet er i stadig endring. Difor er DSB ein organisasjon i kontinuerleg utvikling. Vi treng medarbeidarar som er tillitskapande, kompetente og gode lagspelarar, og som aktivt bidreg til fornying og forbetring. Som tilsett i DSB er du med på å løyse eit viktig samfunnsoppdrag, saman med dyktige og dedikerte kollegaer. Vi ønskjer oss auka mangfald i organisasjonen, og håpar derfor at også kvalifiserte personar med innvandrarbakgrunn, hol i CV-en eller nedsett funksjonsevne vil søkje hos oss. DSB er ein stabil arbeidsgjevar med gode velferdsprdningar. For å arbeida i DSB må du vera tryggleiksmessig skikka og medverke til ein god kultur for tryggleik.
 
 
Hos oss får du

• medlemskap i Statens pensjonskasse (SPK). Som medlem får du verdifulle fordelar gjennom særs gode pensjons-, forsikrings- og boliglånordningar. Les meir om medlemsfordelane på www.spk.no
• fleksibel arbeidstid
• bedriftshelseteneste
• høve til å trene i arbeidstida
• tilrettelagt for mobilt kontor når det er føremålstenleg

 
 
 
I Arbeidsgivarportalen kan du lese meir om goda ved å jobbe i staten: https://arbeidsgiver.dfo.no/lonn-goder-og-reise
 
 
Offentleg søkjarliste
Det vil bli utarbeidd ei offentleg søkjarliste når søknadsfristen går ut. Opplysningar om søkjaren kan bli offentleggjorde sjølv om søkjaren har bede om ikkje å bli ført opp på søkjarlista, jf. offentlegheitslova §25.
 
 
Praktisk informasjon om søknadsprosessen
Når søknadsfristen går ut, vurderer vi søknaden din på bakgrunn av informasjonen du har sendt oss. Det er difor viktig at du viser både i søknadsbrevet og CV-en korleis kompetansen din oppfyller kvalifikasjonskrava som står i utlysinga. Det er viktig at du registrerer all relevant utdanning og erfaring i profilen du opprettar i rekrutteringssystemet. Dette gir ein strukturert CV og sikrar at vi har opplysningane vi treng. I tillegg ber vi om at du lastar opp både søknadsbrevet og CV-en som vedlegg i PDF-format. Vi tar imot søknader på begge målformar. DSB vil vurdere å gjennomføre bakgrunnssjekk før tilsetting. Interne søkjarar må sende inn søknaden i DFØ HR.
 
 
Ikkje nøl med å ta kontakt dersom du har spørsmål
Kontaktperson er enhetsleiar Ingunn Iren Mæhlum: |e-post ingunn.mehlum@dsb.no|telefon 61 14 10 18.  
 
Du finn meir informasjon om DSB på www.dsb.no. Velkomen som søkjar hos oss!